يقول الراوي اللي سار جزل القاف في طوعه

[فواز الغسلان]

يقول الراوي اللي سار جزل القاف في طوعـهتقـول انـه علـى نبـع القـوافـي تسـجـع اوتــاره

دواويـن العـرب كنـه بوسـط الصـدر مطبـوعـهوتشهد لـه رجـال الصـدق فـي عبـده وسنجـاره

زهور القاف في روضـة ضميـره تقـل مزروعـهواذا دارت دوالـيـب الـقـوافـي يـلـقـط اثـمــاره

يحوز من القوافـي سـاس نبـع القـاف وفروعـهوجاشه ضـاري وسـط البحـور الهـوج واخطـاره

قوافـي ضامـرن خالـف كثيـر النـاس بطبـوعـهولا يبنـي عـلـى تقيـيـم نـاسـن بالـعـرب غــاره

ظعونه مامشـت تتلـي هزيـل الحـرف ونجوعـهواذا عطشت حروف القوم جاشه يفجـر انهـاره

عقب ماشاف شعر الناس ضمن شراه وبيوعـهوهـذا هـو سبـب قلـة حــلاه وطيـحـة اسـعـاره

يشـوف اللـي نظـم بيتيـن والقيفـان مصـروعـهيعـانـد مــن غــدى منـجـم جواهـرهـا وبيـطـاره

يحسب الشعر عسر القاف مهما ضاع منفوعـهوقـافـن بايـخـن معـنـاه قـافـن طــاح مـقـداره

وطول القاف مايشفع لشعرن ضـاع موضوعـهاذا مـاكـان يـبـدع مــن فنـونـه شــان تـكــراره

كثير من العرب صارت بقولـة عـاش مخدوعـهلانـه شـاور الـلـي بالـعـرب ماتـصـدق اشــواره

وتـرى القيفـان ماتكسـر رجالـن دوم مرفوعـهولا تـرفــع ردي الـنــاس مـهـمــا زاد ديــنــاره

لـك الله لـو حـروف المـدح والشعـار مجموعـهفلا تقـدر تغطـي ضـوح شمـس القيـظ وانـواره

كريـم النفـس مهمـا قيـل يبقـى طايلـن بـوعـهوراع الطـيـب مايهفـيـه عــج الصـيـف وغـبـاره

وترى اللي يهفي المخلوق ذل النفس وخضوعـهوقـول الشعـر عنـد اللـي يتابـع صـوت مزمـاره

حـلا القيفـان لاصـارت بـنـار الضـيـم مدفـوعـهوتنبـع مـن عروقـن فـات لـه عامـيـن منـهـاره

يقول الشعر مـن يرجـف خفوقـه زايـدن روعـهوخايف مـن زعـل حاكـم وقالـه يشـرح اعـذاره

او اللي ضاق بهروجـن بكـذب النـاس مشفوعـهيبي يكشـف لخلـق الله ردات الكـذب واضـراره

او اللـي مـات لـه غالـي مـن الدانـيـن بربـوعـهحزينـن لاطـرى زولـه يهيـض الجـاش باشعـاره

او اللـي حالتـه مثلـي قضـى ليلـه علـى كـوعـهسبايـب عندلـن وسـط الضمـايـر تلتـهـب نــاره

هنوفن فـي ربيـع العمـر سـوداء عيـن مربوعـهعـيـون الـريـم وخــدوده بيـاضـه تـقـل جـمـاره

خذت عقلي وحطت في خفوق اهل الهوى لوعهولا ادري وش سبب غيبة علـوم الزيـن واخبـاره

اراجـي شوفتـه حـزة غيـاب الشمـس وطلوعـهالا واجـرح مـن يشـكـي هـمـوم الغـبـن بـديـاره

جحيم النار فـي روحـن بهجـر الولـف مفجوعـهتنـام النـاس وهجوسـي بوسـط الصـدر محتـاره

بروحـي جمرتـن تمنـع رقــود العـيـن وهجـوعـهمـع ان اليـاس غامرنـي مـن الغالـي ومسيـاره

طفت عقبه مصابيح الحشـى والـروح وشموعـهوشفت النار في قلبن شكـى مـن قلـة انصـاره

اصيح وصيحتـي ماهـي لـراع الطيـب مسموعـهزمانن صـار جـار البيـت يجهـل وش بـلاء جـاره

واخبـر الجـار مايشبـع وجـاره يشتـكـي جـوعـهوهـذا طبـع مــن يتـبـع كــرام الـنـاس وخـيـاره

هموم الناس في مالـه وطيـب انتـاج مشروعـهولا همـه قريبـن صــاح يشـكـي حــر مسـمـاره

واذا صارت خصال الطيب بين الناس مقطوعـهفـلا تصـبـر بــدار الظـلـم والحـاسـد ومنـشـاره

تـرى الارزاق مـن دار الحسـد والظلـم منزوعـهورزقك من كفوف اللـي يغيـث القـاع بامطـاره

[مبروك بن ماضي]

الأخ العزيز الشاعر / فواز الغسلان
بقدر روعتك يكون الشعر ..
لك ولقلمك كل التحية والتقدير
صح لسانك وجاد بيانك
ولا تحرمنا من ابداعاتك المتميزه
دمت بخير حال
أخوك / بن ماضي

[عبدالله الشويمان]

ترى الارزاق من دار الحسد والظلـم منزوعـه
ورزقك من كفوف اللي يغيث القـاع بامطـاره

سبحانه

صح السانك اخوي فواز قلت فافصحت وافدت

بهذه الجزله اللي ما تطلع الا من جزل مثلك وشرواك

دمت بخير ولا هنت

[ابراهيم عبدالحميد]

فواز الغسلان

معانى أتقنت ريشتك رسمها بكلمات قمه فى الرقى و الإبداع
دمت و سلمت و غنمت

[الـزلـزال]

فواز الغسلان


صح لسانك مليون


درر من الشعر وأنت راعيها


أتيت هنا لأبدي اعجابي بما جادت به قريحتك


تقبل تحياتي

[صوت الإحساس]

بيض الله وجهك



أنا أشهد إنه هذا الشعر



رائعه خلفها الأروع

لله درّك



على هذا الحضور

[سناعيس]

دواوين العرب كنه بوسـط الصـدر مطبوعـه
وتشهد له رجال الصدق في عبـده وسنجـاره

شاعرنا القدير فواز الغسلان
كل يشهد لك
صح لسانك ولاهنت على هذه الجزله يالجزل
وبيض الله وجهك

تحياتي

[الصريح العتيبي]

الاخ/فواز

صح لسانك واعتلى شانك
والكمال لله
دمت بخير حال

[الخنساء]

لسانك اخي الشاعر فواز
لاهان را سك قصيدة رائعه
سلمت وسلم شعرك
دمت بخير

[داعي الشوق]

صح لسانك يالشاعر فواز الغسلان

جزله من جزل

ورائعه من شاعر رائع

معاني وحكم وعبر

صح لسانك والله يا فواز

مع التحية لك ،،،