سلام ردة وفا.. (من غير تحديد)..!!1

[عايض المقاطي]

سلام ردة وفا.. تنصى الرجال الحشام=فالحله اللي تقدر حق ضيفانها
من قدم الطيبه يا أصحابنا ما يلام=ومن قدم الثانيه يوزن بميزانها..!!1

[الطائر المهاجر]

هلا بك ياعايض
المحاورة تلقاها في الشات الصوتي
مدري وش بلاك ما جيت رغم اني مرسل لك الباسوورد

[عايض المقاطي]

هلا يابو عبدالله

والله اني عجزت فيها.. وبيني وبينك ماعندي مايك ويالله يالله ..بالكتابة والتنسيق,,(بدوي)<<<
وقلت في خاطري لا اشكال متى ماحضرت قسم المحاوره على الذمه ومن وده يبا يقرب..

[الطائر المهاجر]

ليش عجزت ... الآن اسهل من اول
واذا كنت حملت البرنامج من أول احذفه
وادخل من الرابط الجديد اللي حطيته بدال الأول بالأخضر
وحط اسمك ولكمة المرور ثم اضغط الدخول ،تبدى تحمل الجافا شوي ثم
تدخل ، والمايك مايتجاوز 5-10 ريال

[عايض المقاطي]

شكرا يابو عبدالله على التوضيح وراح احاول مره ثانيه

[داعي الشوق]

المشاركة الأصلية كتبت بواسطة عايض المقاطي

سلم ردة وفا.. تنصى الرجال الحشام=فالحله اللي تقدر حق ضيفانها
من قدم الطيبه يا أصحابنا ما يلام=ومن قدم الثانيه يوزن بميزانها..!!1

هلا بك يا عايض المقاطي

حياك الله ،،

والله يالبناخي شفت ما حد رد عليك وانا خايف منك ,,

أنت شاعر كبير و مافيك حيله

وانا بالحيل مشغول ,,

لكن استلم لاهنت :

يا مرحبا بالمقاطى عد وبل الغمام = وإعداد ما درهمت بالسيل شعبانها
حنا هل الطيبه والفعل مثل الكلام = والثانيه خلها بنحسّب اوزانها

صح السنتكم

[عايض المقاطي]

مرحبا مليووووووون ياخالي


وترى ماعلاك زود ..


وبناخيك



يبقى تلميذ في مدرسة ابداعك


واستلم ..

دام البقا يالمرحب والهمام.. الهمام=اللي يبا الطيبه يتعب على شانها
ياكبرها يالعتيبي في عيون الأنام=كلمتك هذي لزوم تبين برهانها..!!1

[داعي الشوق]

لا هنت يا عايض

والله يكفينا شرك ،،


,, استلم استلم يخليك ربــي ،،

ترى العرب ما تريد الشر ولاّ الخصام = ياللي تريد الفتن وتشب نيرانها
اللي بدا بالجزيله بادله بالسلام = هذي سلوم العرب يا مرخص اثمانها

[عايض المقاطي]

لا هنت ياخالي


وترى السلامه منك أنت مكسب .. مار استلم.. استلم

ان كان تبغى الندامه نوش بيض الحمام=وان كان تبغى السلامه عانها.. عانها
ما عندنا للمعاند غير سل الحسام=ياراعي البندق اللي طار نيشانها..!!1