ابيات موجهه للأبن فهد وخوياة اثناء سفرهم

[الطامي]

ابيات للأبن فهد وخوياة اثناء سفر عمل لهم

يافـهـيـد والا يـافـهــد يابـومـنـصـورسلـم عـلـى ولــد ولــد عـمـةٍ لــي

الرجل قـرم وطيـب ووافـي شبـورواسمه على روس الشواهـق يعلَـي

الى اجتمع شخصه بشخصك بجاخورومعكـم نشـامـى قربـهـم مايمـلَـي

كـل ابلـج ينطـح شـبـا كــل خـابـورلاقصَـر الشـارب ووقــف التسـلَـي

ولاعــاد تـرثـة كــل عــودٍ بمـعـذورالـلـي يـجـدد فـعـل جــده لاحـلَــي

هاذي طـراة الـروح وادَخـل سـروروتنسيك هم القلب عـش مسفهلَـي

والغربـه تحـول رجَـال مـن الـكـورمـن قبـل كانـو فـي عيونـك يالـلَـي

وترفع رجال بعرفهم تكتب سطـوربفعـل ومـديـح مــع ابـيـات تشَـلَـي

اوصيك واوصـي كـل قـرم ومنعـوروكـل اخويـاك ان المـفـارق يحـلَـي

امـا يعـود الـرجـل بنـعـم ولــه دوروتذكـر افعالـه عنـد ذكــره لاحـلَـي

كـلً علـى خوتـه يـفـرح ومـسـرورذيـب الـسـرا مـاهـو خــداجِ مفـلَـي

والسمعه اللي ترافق الرجل ماتبورقولـة نِعـم وان جــاو ربـعـه يهـلَـي

مـاهـي مـثـل قـولـة رديِ ومعـثـورخـلـوه جعـلـه وان وقــع مايشـلـي

ابـيـات اقدمـهـا ولا فيـكـم قـصـورمـاغـيـر للتـذكـيـر يـاعــزوةٍ لــــي

[منيع]

ابيات وافيه من اب ناصح والنعم بمن قال وفهد وخوياه
تسلم يالطامي
تحياتي لكم

[الطائر المهاجر]

صح لسانك
طيبه من طيب
لاهنت
تحياتي

[الطامي]

هلا منيع
صح بدنك
والنعم بحالك
ومن قال يسلم
وشكرا لمرورك
لاهنت

[الطامي]

الطائر المهاجر

صح بدنك
ومرورك الأطيب

لاهنت

[هترل]

صح لسانك يابو محمد مليارات
مبدع ورائع ويستاهل فهد هذا التوجيه الأبوي عسى ماهوب شاعر بس
لاهنت وافيه من وافي
ودي

[بنت النور]

ياسلام من نصائح حلوه اثناء السفر
وصح لسانك وعتلى شانك
ابيات في قمة الروعه
لاهنت
تقديري واحترامي

[داعي الشوق]

تأثير غيابه ظاهر على القصيده

يرجعون بالسلامه ان شالله
وصح لسانك ابو محمد

ولاهنت