مرثية جدي مبارك بن علي

[روح الشعر]

مرثية جدي مبارك بن علي

يقول الذي عينه من الدمع شايبه= على الذي ودّع وخلّى ركايبه
وداعة كريم بيوم جمعه مكرمه= عليه السلامه من وفا نفس تايبه
بذا العين دمعه حان طاري نزولها= وبالقلب طعنه بين الأضلاع ذايبه
على صورتك نبقى نحاكي ونذكرك= ولا من ذكرتك زاد دمعي جلايبه
رحلت الفقيد اللي تعبنا نعوضه= بقى قولك اللي ما تمسّك برايبه
ولا للكريم اللي كريمٍِ بمدته=كثير العطايا للغريب وقرايبه
بغير الكلام اللي يوصف مكانته= مكانه كسبها من محاسن كسايبه
يموت العزيز وما تخلّى محاسنه= وقولة رحمه الله تكفّي وصايبه
وربي حرام انثر بوجهك ترابها= ونزّلك في قبرِِ تلاقي عجايبه
ولكني امنت الدفن مع مكارمه= وغطيت وجهك والتفاكير غايبه
ولو تنهدي الأعمار لاهدي لك العمر= ولكن نهاية عمرنا له سبايبه
بيبقى علي حق الدعا كل ما اذكرك= وبرفع يديني راجيِِ رب هايبه
يوسّع بقبرك لين تجهل وساعته= ويغفر بذنبك كل زلّه وعايبه
عليك السلامه يا كبيرِِ بنفقدك= ونلقاك بالجنه وذا الروح طايبه

[/QUOTE]



https://a.top4top.net/m_594hdtnw1.mp3


ماجد محمد الذوادي
13/12/2014

[الطائر المهاجر]

الله يغفر له ويرحمه
ويجمعكم به في جنات النعيم
صح لسانك
ولاهنت
تحياتي

[منيع]

رحم الله جدكم رحمة واسعة واسكنه الفسيح من جنته
مرثية مؤثرة
ربي يرعاكم بلطفة
تحياتي

[داعي الشوق]

الله يغفر له ويرحمه
ويسكنه الجنه واموات المسلمين

.. صح لسانك ماجد الذوادي وعظم الله اجركم

.. مرثية محزنه

[روح الشعر]

الله يجزاكم خير وتقبل الله دعاءكم

صحة ابدانكم جميعاََ

[علي القرني]

الله يغفر له ويرحمه ويرفع درجاته

صح لسانك دووم

احترامي

[بنت النور]

الله يغفرله ويرحمه
صح لسانك ولا هنت
تحياتي وتقديري

[الطامي]

الله يغفر لميتكم ويرحمه
ويحسن عزاكم ويعظم اجركم
وصح السانك ملايين
لاهنت

[الطامي]

الله يغفر لميتكم ويرحمه
ويحسن عزاكم ويعظم اجركم
وصح السانك ملايين
لاهنت

[محمد العيسى]

الله يرحمه ويغفر له ويعظم اجركم ,
قصيدة رائعة تقبل تحياتي .