ܔܓ܏ܛܜܓ܏ܛܜ السرمدي وريم الجنوبܔܓ܏ܛܜܓ܏ܛܜ

[ماجد الزيد]

جلَّ ربِّي عزّْ إلاهي موجدي=من فنائن محض عز الله وجل
غير ربي ماحسبت ولا يدي=طقّت اصباعي لغيره من وجل
رافعن نجمي على نجم الجدي=فوق في كبد السما قد حل حل
اوقده ربي لمن تاه (أ)يهدي=نجمي شد ونجم ندّي قد افل
مومنن بالي رفعني يابعدي=وسفّل الي قلبه خضابة وحل
كانهم يرجون كسر الماجدي=والله ان يبطون وعزّه مانحل
حافظن قولن لدي من والدي=لعنبوا رجلن لغير الله ذل
الله الّي مدّني بالّي لدي=بالمجالد جلد احدهم جلد صل
غايتي شفّي ولهفي واجهدي=شوف احدهم لانزل من فوق صَل
لانزل منهم عظيمن جا يعدي=ثوّر القسطل على راس السحل
كن احدهم لاهبط مستأسدي=هابطن من راس جالن منسحل
اسمع دبيك العرب دبك أرعدي=دم ددم دم داوين لامن نزل
ماهبط منهم على ساق ولدي=شاقهم قاف القريشي يوم تل
تل من صدرن حمادن جرهدي=قافه الّي يوم تلّه تل تل
تلّة التّل الدُهيمي في يدي=لادعيت اهل الفراتي من فحل
قربولي طرسن ونونن ندي=في يدي جحفل قصيدي فل فل
الصدر شب التهب شاب وجدي=يوم ذكرّني الزمان بما حصل
صلّن اقرن عظ بالقلب اسودي=نشّب انيابه ولا طاري يحل
كن قلبي نمس والداب الردي=لفلف ضلوعه مغل بالقلب غل
ويش ذنبي غير ذنب المهتدي=بين كفار العرب والبعض ضل
لعنبوها جيت انا ومجددي=للضروب النون وللحرب الأسِل
شاعرن قومي وقلبي في يدي=حافظه للعينا عربا المقل
مارخصته للرخيص ولا يغدي =حرّن استانف على اوكار الجبل
لافرد حوّل جناحه مرعدي=العثنثج طبّ حيله وانبهل
يكفخ الجزله ويثني صاعدي=يرفع الكبد ويخلي ماهزل
فزّعت ريم الجنوب الماردي=لفلفت سبع اعقداتن في سحل
صرّت الاحمر على ازرق واسودي=واخضرن ماسوم بثْلاثة خصل
انفثتلي نفثه وطش زبدي=شالها من البير ملعونن شمل
سبعتن بالعيش احدهم زاهدي=صابهم ماصابني والكل مل
اليهود الي جنوب الازدي=شالوا الحربه على وصف العمل
بيني وبين الطروب مجالدي=شومتن مني وجرحي ما انمدل
خمسة اعوامن ونا متنكدي=منها ياعلها للموت ول
لعنبوا حبّن عطاتس الخالدي=وافرن عذبن نزيهن يوم دل
لكن اقفى بالطعون معددي=دم قلبه خضّب خدود الرمل
سبعة عقودن لذبح السرمدي=احكموهن للجنوبية سعل
لو عقدتي لي ثلاث الاف دي= جلجلت بالقلب جل القلب جل
تبّع الحسّان غير الاسعدي=اسعد المومن وحسانن مضل
فزّعي ماشيتي من شر احشدي=يجرح الظلما البدر يوم اكتمل
المعيد المبدي ربي الواحدي=في نحور القوم جل الله جل

[عبدالعزيز العقيدي]

الشاعر ماجد حمد الزيد
تسلم وصح السانك
على نظم
هذه الفاخرة
أسعدني الحظ
بأن أكون أول
من عانق وصولها
تحياتي لك

[مبارك أبوظهير]

ماجد حمد الزيد



انا لا احبذ القصائد الطويله ..



لأني أمل قراءتها ..



فيا حبذا لو كتبت لنا قصائد ليست مطوله حتى نستمتع بالقراءه ..



وصح لسانك على كل حال ..



غلااااااااااااااااي



م ن

[الطامي]

ماجد الزيد
صح السانك ولاهنت
ابدعت فاجدت واصبت
تقبل مرور بكل فخر واعتزاز بما سطرت

[ابومياس]

اخي الكريم ماجد والعزيز

انت رائع وشاعر مبدع

انا هنا ليس للشهادة

ولكن لاستمتع بما نزف قلمك

دمت بخير وعافية

بارك الله فيك

قصيده راااااااائعه وجزله

صح لسانك وعلا شانك

ابداااااااااااااااااااااااع

يعطيك العافيه

[حي الضمير]

الشاعر ماجد حمد الزيد صح لسانك يامميز

قصيدة رائعه من شاعر نجم تعودنا منه القصائد العذبه

[ماجد المهدي]

كانهم يرجـون كسـر الماجـدي
والله ان يبطون وعـزّه مانحـل
والنعم فيك يا السمي
ويبطون ويخسون والله من فكروا بهالشيء
صح لسانك يا ابو زيد
ولي عوده تدقيقيه واستمتاعيه
تحياتي القلبيه
ماجد المهدي

[مبروك بن ماضي]

الاخ الكريم الشاعرالقدير / ماجد الزيد
صح لسانك وسلم بنانك
قصيدة جزله من راس جزل
ادامك الله بهذة الشاعرية الفذه
سجل اعجابي الشديد
وتفضل بقبول تحياتي وتقديري
أخوك / بن ماضي

[الجابر]

صح الله لسانك


ولاهان منطوقك العذب


قصيده اكثر من رائعه