|
همس القوافي للشعر النبطي قصائد من إبداع شعراء الفطاحلة لم يمضي عليها اكثر من سنه |
![]() |
|
أدوات الموضوع |
![]() |
رقم المشاركة : 1 | ||
|
ترى ماهو صحيح إنّي افكر لازمٍ موجود = فانا موجود في عالم يبي فكري بتغريبه
يبيني جسم لا روحٍ وتفكيري عليه قيود = فلا افكّر ولا اتكلّم ولا اناقش عذاريبه خلقنا الله وميّزنا بعقلٍ ما خلقنا قرود = فمن حقّك ومن حقّي نفكّر دون ترهيبه بلا تفكير ما نلحق خلايق وضعها بصعود= والى من حجز تفكير الفتى ماتت مواهيبه ومن حقك تكلّم ما تبي بالنقص والا الزود= ولكن في حدود العقل ما نقرب من الريبه ولكن هالزمن محتاس ما ندري وش المقصود= فكلّش لاتقرّب له سوى في مدح ترتيبه لهذا لا تفكّر واحفظ لسانك ولو مكمود= من اللي دايم تشوفه بوقتٍ واضحٍ عيبه اذا تبغى تعيش الوقت خل العقل ما به فود = ودرب الراس مثل الناس بكل الذل والطيبه تكبّر راس من شفته ولو هو من بقايا هنود = ترى ياما توسط وافدٍ ما يوم تحري به وراقب وين روس القوم تومي ركع وسجود = توجّه له وخلك ذرب في هرجٍ وترحيبه تمسمس بالبشت وانظر ببسمه تفتح الموصود = ترى للبشت هالأيام فعله في مواجيبه وجهّز كلمةٍ فيها الشكر والحمد للمعبود = ودعوه من لسانك يحفظه دايم ذرى وهيبه وخلّ البيت مفتوحٍ تعزم العضد والمعضود = كأنك من كبار القوم في لبسه وفي طيبه يجيك الحظ ما يبطي يطامر كنّه المطرود = غديت واثقٍ موثوق عند العضد وصحيبه تلبّس ثوب لوك قاصرٍ يمغطك كالممهود = وتصير الخادم المخدوم في اعلا مناسيبه يسود الجهل في وقتٍ غدا الصيّاد به مصيود= فلا التعليم به ينفع بلا "واو" تعلّي به وهذا الوقت وقت الجاه وراع المال به معدود = ولايسأل عن المصدر ولو يدرا به نهيبه قليل الفكر يسعى له ولوهو بالعقل جلمود = وفي لحظه يصير الشيخ ما تطرى عذاريبه ولو واحد فشل منهم وراح السجن كالمعهود = طلع منّه بعد مده بصك اعسار في جيبه ومن فكّر ولا غامر يعيش بفقره المعهود = فلا له قيمة في وقت صار القرش له هيبه وانا المقرود مع حظٍ لفاني كنه المولود = طموح العلم لاغيره أراكض في عراقيبه قضيت العمر في الغربه وجبت العلم بالمجهود= وجيت اركض احسب إني الاقي كل ترحيبه ولكني مشيت بدرب ما يدري عن المفقود = ولا باللي يجوع ولا فقيرٍ فاضيٍ جيبه فلا بيتٍ لي اسكن به ولا راتب يقيم العود = وزميلٍ صار بالعالي فرض (واوه) مطاليبه وربع كنت انا اعرفهم رسوب ودز مثل طرود = غدو في عز ما احلم به ولو مع شيبتي شيبه عرفت ان العقل نقمه بهذا الوقت ما به فود = وفهمت العلم ما ينفع بدون (الواو) لصحيبه إذاً: ما اقول انا موجود دام إنّ الفكر مؤود = حرامٍ وقت ضيعته وعشت العمر تغريبه |
||
![]() |
![]() |
رقم المشاركة : 2 | ||
|
وربع كنت انا اعرفهم رسوب ودز مثل طرود |
||
![]() |
![]() |
رقم المشاركة : 3 | ||
|
المهآجر ...~
أخـــي فـــي الله ...~ كآن لآبد لي من أن أعود ...~ و كآن لآبد لـي من أن أسمح لغيري بأن يقرأها ...~ صح لسانك ملايين ..~ سلمت و سلم فكرك ...~ ألف شكر لك ..~ دمت برعاية الخالق ..~ |
||
![]() |
![]() |
رقم المشاركة : 4 | ||
|
الاستاذ/الطائر المهاجر |
||
![]() |
![]() |
رقم المشاركة : 5 | ||
|
|
||
![]() |
![]() |
رقم المشاركة : 6 | ||
|
فلسفة معقووله في هذا الزمن |
||
![]() |
![]() |
رقم المشاركة : 7 | ||
|
عرفت ان العقل نقمه بهذا الوقت ما به فـود |
||
![]() |
![]() |
رقم المشاركة : 8 | ||
|
جزل يابو عبدالله كعادتك |
||
![]() |
![]() |
رقم المشاركة : 9 | ||
|
ابيات رائعة وفي الصميم |
||
![]() |
![]() |
رقم المشاركة : 10 | ||
|
الطاائر المهاااجر صح صح صح الساانك قصيده رااائعه من شااعر اروع ابدعت بطرح فكره موضوعك ربما انها هي الاصح في زمن المتناقضات دمت ولا هنت موج القصيد |
||
![]() |
![]() |
مواقع النشر (المفضلة) |
الذين يشاهدون محتوى الموضوع الآن : 2 ( الأعضاء 0 والزوار 2) | |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
ماهو صحيح إن اللي يسبح بلبن يصير ضب | الطائر المهاجر | وسع صدرك | 15 | 16-12-2010 06:50 AM |
ماهو غرور صح ؟؟؟؟؟؟؟ | وجدان القلوب | وسع صدرك | 15 | 16-12-2010 06:50 AM |
بطلان تهمة الدس في صحيح البخاري ومسلم | ذيب السنافي | العقيدة والحياة | 15 | 16-12-2010 06:50 AM |
كنت سيدي | مجازف واقعي | منتدى الشعر والخواطر بالفصيح | 15 | 16-12-2010 06:50 AM |
ماهو الحب؟؟؟ | أصالة تميم | المواضيع العامة | 29 | 04-12-2007 01:04 AM |