الربيــع العربـي زيـــف

[محمد اسماعيل الرفاعي]

هي الشوارع واقفه ساي
لا بتجدّع
لا بتجيب للناس حُجار
وشعبي قاعد في رجاي
راجي ارفعلو الشعار
والربيع العربي زيف
زاد لهيب النار أوار
حلمي كان جواي ومات
أو بعاني الاحتضار
بي سواد العين بشوف
كل كوم زاد انشطار
جنّه من عيدان يباس
والصفق حتّه الصفار
الحدائق تنتحب
قاحله كيف تنتج ثمار ؟
ما الربيع العربي زيف
حلّه نارها علي خفيف
ما بتزيل ظلمات وحيف
صوتها هادي تقول حفيف
والبيطبخ زول ظريف
جانا في وضح النهار
زي بحر ما عندو قيف
شقوا حوضو الأمريكان
والبيحصل جد غريب
محنه من محن الزمان
حد يكون بالجد مريب
غرسو محصود دون اوان
لا بيزيل طعم الهوان
لا بيخلي الأصلو كان
بس بزيد في الارتهان
ويوت بغرّق في الودار
ما الشوارع واقفه ساي
والبيحصل جد غريب
( بي بساطه وإختصار ) *
غضبه من دول التتار
شان تزيد في الاحتقار
جايبه ناسه صغار صغار
والشوارع واقفه ساي

• الجمله تسرّبت عفواً من شعر الصديق / عثمان احمد سعيد

[حنان الكون]

رائع جدا

دام مميزا وعامرا بنزف قلمك الرائع

يعطيك العافية

[كظيم]

محمد الرفاعي
كلمات معبره ووافيـه
ابدعت في هذه المشاعر وسكبها
لاهنت ولاهان حرفك يابعدي
كل ودي وتقديري

[حوريه]

الكاتب المميز/ محمد الرفاعي
جميل ما خطه قلمك سلم البوح والقلم
ودي وتقديري