الحمام الزاجل

[عبدالله راشد الثويني]

السلام عليكم والرحمه



هذي بويتات كيبورديه لعلها تنال اعجابكم

انا من مُحبين الحمام وعندي انواع كثيره من زاجل وغيره
المهم انه سيـّـر عليّ واحد من اخوياي ونشدني عن الزاجل
قال اباخذ لي جوز منك لكن ابسألك


وتتضح السالفه بالابيات

نشدني من بغا الزاجل عن اللي يجهله بسلوب= وقال الطير . ذا .. يوُحي مراد الهرج ويطيعه ؟
لو إني بذكر العنوان بذنه .. يوحي المطلوب ؟ = وياصل للذي وُدي يجيـله في مرابيعه ؟
وزهّـبت الجواب اللي لفاني من وراه ذنوب = وبدّيته .. وانا داري .. مُحال وصعب ترقيعه
كذبت وقلت له ريـّـح .. ولا يآتيـك همْ .. بنوب=لو إنك ترسله للشام .. يروح .. وياصل الضيعه
ولكنْ .. قبل مايخمْ السما .. ويطير يالمنكوب= تمقل بـه ..../ أضنـّـه يافتى قد حان توديعه
لو إني خابرن طيري .. يجيب ويرسل المكتوب=طبيعي .. لو يزيدون المبالغ .. نرفض البيعه
على ساقه بضبـّـط لي رساله .. تاصل المحبوب=وليف(ن) ، داخلي باقي .. ولا جفـّـت . ينابيعه
رحل والقلب ماضنـّيت .. ينسى ذكرها ويتوب = وانا قلبي كما طير(ن) عنيـد .. وصعب تطويعه

وسلامتكم

[طوفـــان]

صح لسانك شاعرنا ،،،

بس عساك عطيته جوز وخليته يدوج برسايله هههههه


كان خليته على عماه ..


أشكرك أبو عبدالله على هالقصيدة الطيبة ..

لك خالص تحياتي

[كظيم]

الله الله الله

عبدالله الثويني
صح لسانك وفكرك وكلك
قصيده في قمة الروعــــه والجمـال
ابداع يحاكي جمـال الحرف والمعنـى
اطربتني هـ الابيـات وما بداخلهــا
لله درك يابعـدي
تقبلني وتقبل مروري المتواضع لاهنت
ودي وتقديري

[داعي الشوق]

صح لسانك يا بو راشد

بصراحه انا احب حمام الزاجل و اتمنى معرفة بشكل اكثر

و صح لسانك مدد

[عبدالله راشد الثويني]

المشاركة الأصلية كتبت بواسطة طوفـــان

صح لسانك شاعرنا ،،،

بس عساك عطيته جوز وخليته يدوج برسايله هههههه


كان خليته على عماه ..


أشكرك أبو عبدالله على هالقصيدة الطيبة ..

لك خالص تحياتي

يامرحبابك ياعزوتي

وياعسى الضحكه ماتفارقك

ومشكله لو اعطيته وهمن غدا الطير هههههههههههههههه


كل الشكر على مرورك العذب وتقبل تحيتي

[عبدالله راشد الثويني]

المشاركة الأصلية كتبت بواسطة كظيم

الله الله الله

عبدالله الثويني
صح لسانك وفكرك وكلك
قصيده في قمة الروعــــه والجمـال
ابداع يحاكي جمـال الحرف والمعنـى
اطربتني هـ الابيـات وما بداخلهــا
لله درك يابعـدي
تقبلني وتقبل مروري المتواضع لاهنت
ودي وتقديري

يامرحبتين يابعدي

صح بدنك ولا هنت على مرورك العذب وكلماتك الطيبه

كل الشكر وتقبـّل تحيتي

[عبدالله راشد الثويني]

المشاركة الأصلية كتبت بواسطة داعي الشوق

صح لسانك يا بو راشد

بصراحه انا احب حمام الزاجل و اتمنى معرفة بشكل اكثر

و صح لسانك مدد

صح بدنك يابعدي وياهلا بها الطلـّـه

وابشر ماطلبت شي ، لك مني وعد بأقرب فرصه إني انزل موضوع فيه معلومات وافيه عن الحمام الزاجل

وارفق معها صور لـ بعض اجواز الزاجل اللي عندي

كل الشكر على مرورك

وتقبـّل تحيتي

[حوريه]

جميله صح لسانك
دمت بخير

[الطامي]

ههههههههههههههههه
الثويني
صح السانك
على ساقه بضبّط لي رساله .. تاصل المحبوب ،،،،،،،،،،،،،،،،، انتبه لحد يرميه بس
رائعة جدا
لاهنت اخي

أبيات في غاية الجمال مشكور أخي ..
ولافض فوك وخاب من يجفوك ورحمت بأمك وأبوك ..
يعطيك العافيه ..