وادعاً يا رمضان: هل ّدمعي يوم صليت الفجر

[عبدالمحسن الرحمه]

هـلّ دمعـي يـوم صليـت الفجـربسباب فرقا شهرنا شهر الصيام

كـن قلبـي كاويـه جمـر السمـروالحشى كنّـه مصـوب بالسهـام

جـود خيـرك نـابـع ٍمـثـل النـهـريستقـي بـه صايـم ٍدوم الــدوام

لـك قلـوب صابـرة تبـغـا الأجــرشاقهـا شـوق المحـبـة والهـيـام

العمل يـزداد فـي وقـت العشـريرقبون الليل مـن شـان القيـام

معتكف بالعشر مـا يطلـع شبـريلهج بذكر الولي منشـي الغمـام

فيـك ليـلـه اسمـهـا ليـلـة قــدرخيرها عـن ألـف شهـر ٍ بالتمـام

لـيـلـه ٍفـيـهـا عـلــوم ٍكـالــدررمـن غنمهـا يبشـر بجـنـة ســلام

جـوهـا هــادي معـطـر بـالـزهـرنورها ينبـان فـي وسـط الظـلام

يعـجـز التعـبـيـر ودوأت الـحـبـرعن وصوف شعور حبه والغـرام

مــن غـنـم أيـامـه بــذل وذكــريسعد بيوم الحشـر يـوم الزحـام

التـبـاغـض والتـنـاحـر والـكــدرمالـهـن بصـدورنـا أيـــة مـقــام

شهرنـا شهـر التـأخـي والصـبـرشهـر يجمعـنـا بألـفـه واحـتـرام

هـذا كفـه مـثـل مــزن ٍمنهـمـريعطي مـن حـده زمانـه للعـدام

واعذابـي مـن فراقـك يـا شـهـرشهـر خيـر ٍفيـه ترويـض الأنــام

قاربـك أقبـل علـى شـط البحـرمعـلـن ٍتوديعـنـا شـهـر الصـيـام

يـا شهـر تكـفـى تصـبـر ونتـظـرارحـم قلـوب ٍتبـي قـربـك دوام

عيني ياللي دمعهـا مثـل المطـردمعهـا خــلا عيـونـي مــا تـنـام

دايـم ٍ ذكـرك علـى قلبـي يـمـرحـاز ذكـرك بالمـلا أعـلا وســام

المساجـد لـو لهـا حـس البـشـركـان ترفـع صوتهـا والله حــرام

كـم عيـن ٍكـم روح ٍفـي خـطـرلانطفـت نـور المساجـد بالتمـام

واعذابـي كلـمـا شـفـت القـمـرنـورة الخـافـت يــودع باعـتـزام

[داعي الشوق]

حززززززززززز

و صح لسانك اخي عبدالكريم

لي عودة

[عبدالمحسن الرحمه]

صح ابدنك طال عمرك
مشكور على الرد والمرور

[عبدالعزيز العمار]

صح لسانك ياعبدالمحسن ولاهنت على هالجزله

وإنا لفراقك يارمضان لمحزونون...وداعاً يارمضان على أمل اللقاء بك أعواماً عديده

كل عام وانت بخير

[الراقي]

سلمت ودمت بِإطلالتك البهيَه


و صح السانكـ

والله لا يحرمك أحبابك.

[الـزلـزال]

عبدالمحسن العمر

نص مميز ورائع وجميل
من شاعر متميز ورائع في كل نصوصه الشعرية
أبدعت وأمتعت شاعرنا رعاك الله
كل عام وأنت بألف خير وبصحه وسلامة
وأعاد الله عليك رمضان أعوام وأعوام لتهنى به وتسعد
صح لسانك ملايين ملايين
ولك فائق تحياتي وتقديري

[ماجد الراشد الهيري]

صح لسانك اخوي عبدالمحسن والله معك حق بهل الدموع والله يبلغنا شهر رمضان اعوام عديده والجميع بصحه وعافيه
لاهنت وهان ومنطوقك الجزل
ماشاء الله عليك

[بنت النور]

و صح السانكـ

والله لا يحرمك أحبابك.

يعطيك العافيه

[عبدالمحسن الرحمه]

صوت الضمير ياهلا والله فيك طال عمرك
مشكور على الرد والمرور

[عبدالمحسن الرحمه]

الراقي ياهلا والله فيك طال عمرك
صح ابدنك شاكر لك الرد والمرور