واهل الهوى مافكرو بالجنايه

[نجم الإبداع]

ياليل فيك الحب كله غرابيل=معروف بك ياليل درب الغوايه
حبك جوى حبك عليه الهطاميل=مالك نهايه بي ولالك بدايه
ماقد شربتك بن بين المعاميل=واهل الهوى علّو وغنو معايه
هم يحسبون عيوننا بالهماليل=مايعرفون البحر في كل غايه
لو يكثرون اهل الغرام الاقاويل=ماجيتهم لو كان فيهم دوايه
ياليل لو تحلى عليك المواويل=مالك معي ياليل حزني نهايه
اليا ذكرت الي مضى والتهاليل=ناظرت فالواقع وزوّد عنايه
قامت فتْن والناس شافو البهاذيل=والقتل شاع وكل ساعه روايه
ياليل وكل بالعروبه سرائيل=خاب الذي نجّم وراع القرايه
القدس راحت والعراق الرجاجيل=والفرس والاتراك فهمو الحكايه
مصر الحظاره كسرتها المعاويل=وتونس الخضراء كلتها الجبايه
في ليبيا نقتل وصنعاء بها ويل=والشام فيه الموت ماهي دعايه
يارب سترك بالليال المقابيل =وتحفظ بلدنا وانشر العدل رايه
اما الهوى ياليل يضوي القناديل=واهل الهوى مافكرو فالجنايه

[عبدالعزيز العمار]

صح لسااااانك وكلك يافلاااح

رائعه وجزله كالعاده

لاهنت ولاهان منطوقك

تحياتي لك

[أم ريما]

صح لسانك

قصيده رائعه

وجميله

يعطيك العافيه

[محمد بن عمار]

صححححححححححححححح
كلك منشاااااااار
ولاهان غاليك

[حي الضمير]

رائعه وابدعت يامميز
ومدد صح لساااانك

[عمر ال شيبي]

دوم مميز صح لسانك لا هنت

[النبهان]

مبدع وجزل
لله درك
تحياتي

[الـزلـزال]

نجم الإبداع

بوح رائع ومميز وجميل
من شاعر تعودنا منه روعه الحرف الشعري وتميزه
أبدعت وأمتعت شاعرنا الراقي العذب
دمت بخير ودام لنا حرفك الرنان
صح لسانك ملايين ملايين
ولك فائق تحياتي وتقديري

[داعي الشوق]

الله اكبر ،،

نجم النجوم يا نجم الابداع

و صح لسانك و طاب حالك

قصيدة طافت بنا في كل موجع ،

ابدعت و امتعت ولاهنت

[عبدالله الشويمان]

صح السانك يا ابو محمد

كعادتك ما تاتي الا بالسمين الجزل

دمت بخير ولا هنت