ياهاجسى خل القلم يرعف ارعاف

الاخ الشاعر/ناصر عبيد الهواوى حاولت ان ارد بالشكر كبقية الزملاء ولكن وجدت ان

الموقف يحتاج اكبر من ذلك فأتت هذه الابيات ارجو ان تنال اعجاب الجميع

ياهاجسى خل القلم يرعف ارعاف=مع طلعة نجوم السماء المرقباتي
من بعد ماجالي على الشعر خفخاف=توسع دروبه وهن ضيقاتي
لو غاب محرافٍ يناديه محراف=حتى تحضر الشرّد الغايباتي
أختر من سمانه ولاتاخذ ضعاف=واختار للطيب من الطيباتي
ياملهمي ماجيت تسعفني اسعاف=الموقف اكبر من جبال السراتي
ماهيب عندي والله حمولٍ خفاف=وانا منصيها هل الطايلاتي
أهل البيوت اللي ترحب بمن ضاف=وأهل العلوم اللي عليها شفاتي
ذراً لمن جاها عن الضيم والحاف=عتيبه الهيلا العظام الدهاتي
الارض من دقلاتهم ترجف ارجاف=ووسومهم تهاب منها الغزاتي
من شاف ميسمهم على حم الاشعاف=عود يدور مكسبه في النجاتي
يوم السنين عجاف وايامها عجاف=مركاضهم تشبع به الجايعاتي
أهل رماحٍ علط وسيوفٍ ارهاف=وسردٍ لوقت طرادهن دارباتي
وصحونهم تملا بقعدان وخراف=اشوف واسمع وش تعد الرواتي
لا والله الآ اسرفت ياناصر اسراف=واسهرتني وانا السهر من سماتي
ياشاعرٍ لغلا المثامين صرّاف=هيضتني وايقضتني من سباتي
ابوعبيد اللي من البحر غرّاف=لا.دوروا غيره بقايا الحتاتي
وانا احسب اني للطواريق عساف=لين انكسر قافي وطول سكاتي
حاولت مير الشعر يبغي تلطاف=ومصايدات وجهد ومحايلاتي
يحتاج ختل وحوز واحيان ملقاف=تراه مثل الشرّد الذايراتي
ياخيّرٍ صادق وافي وعفّاف=وابعد من الجوزا عن الناقصاتي
مايلحقك ياشيخنا حذف حذاف=ياسالك دروب الهدى والدعاتي
ومن كتفته ظروف الاعمال بكتاف=عذره معه ياراعي الاولاتي
واسلم ودم ما طاف بالبيت طواف=وما دور المظلوم صك البراتي

[همس الورد]

اخي المحترم

صح لسانك و بيض الله وجهك

تحياتي و احترامي

[محمد عبدالله البدراني]

زيد بن راجح


سلمه الله



قلت واجزلت


ومجاراة رائعه


ماشاءالله تبارك الرحمن


الثالثه ثابته


لله دركما


ومليون صح السانك


ويستاهل ابو عبيد ويستاهلون الهيلا المدح



وماقلت غير الصحيح



تحيتي وتقديري

[منيع]

من الروائع البديعة
ابيات في القمة
بارك الله فيكم
تحياتي

[سناعيس]

وانا احسب اني للطواريق عسـاف
لين انكسر قافـي وطـول سكاتـي

الفاضل زيد راجح

هذه الباذخه تنفي ماورد في البيت أعلاه
وما اقول الا صح لسانك مليون وربما لايكفون
ولله درك
جزل ورائع كالعاده الله لايهينك


تحياتي

[عبدالله راشد الثويني]

صح لسانك يالغالي كفييت ووفيت ورايتك بيضاء
والممدوح يستاهل بلا شك
أمتعتنا بهذه الرائعه الله يعطيك العافيه
طامعين بجديدك
تقبل وُدي

[داعي الشوق]

صح لسان يالشاعر زيد راجح

لي عودة للرد بما يليق

لاهنت

[زهرة اللوتس]

سلمت وسلم فكرك
جزلة من شاعر جزل
لاهنت وبيض الله وجهك
تحياتي
زهرة

[الطامي]

بن راجح
صح السانك وبنانك
وافية من وافي
ات تقول والهيلا يستاهلون
شكرا لك ولاهت

[الأموره]

زيد

صح لسانك

سلمت و سلم فكرك

الف شكر لك

دمت برعاية الخالق