منتديات الفطاحله - ياهاجسى خل القلم يرعف ارعاف

منتديات الفطاحله (http://www.ftahilah.com/index.php)

- همس القوافي للشعر النبطي (http://www.ftahilah.com/forumdisplay.php?f=10)

- - ياهاجسى خل القلم يرعف ارعاف (http://www.ftahilah.com/showthread.php?t=27099)

ياهاجسى خل القلم يرعف ارعاف

الاخ الشاعر/ناصر عبيد الهواوى حاولت ان ارد بالشكر كبقية الزملاء ولكن وجدت ان

الموقف يحتاج اكبر من ذلك فأتت هذه الابيات ارجو ان تنال اعجاب الجميع

[poem=font=",5,sienna,bold,normal" bkcolor="white" bkimage="" border="solid,4,sienna" type=0 line=0 align=center use=ex num="0,black""]
ياهاجسى خل القلم يرعف ارعاف=مع طلعة نجوم السماء المرقباتي
من بعد ماجالي على الشعر خفخاف=توسع دروبه وهن ضيقاتي
لو غاب محرافٍ يناديه محراف=حتى تحضر الشرّد الغايباتي
أختر من سمانه ولاتاخذ ضعاف=واختار للطيب من الطيباتي
ياملهمي ماجيت تسعفني اسعاف=الموقف اكبر من جبال السراتي
ماهيب عندي والله حمولٍ خفاف=وانا منصيها هل الطايلاتي
أهل البيوت اللي ترحب بمن ضاف=وأهل العلوم اللي عليها شفاتي
ذراً لمن جاها عن الضيم والحاف=عتيبه الهيلا العظام الدهاتي
الارض من دقلاتهم ترجف ارجاف=ووسومهم تهاب منها الغزاتي
من شاف ميسمهم على حم الاشعاف=عود يدور مكسبه في النجاتي
يوم السنين عجاف وايامها عجاف=مركاضهم تشبع به الجايعاتي
أهل رماحٍ علط وسيوفٍ ارهاف=وسردٍ لوقت طرادهن دارباتي
وصحونهم تملا بقعدان وخراف=اشوف واسمع وش تعد الرواتي
لا والله الآ اسرفت ياناصر اسراف=واسهرتني وانا السهر من سماتي
ياشاعرٍ لغلا المثامين صرّاف=هيضتني وايقضتني من سباتي
ابوعبيد اللي من البحر غرّاف=لا.دوروا غيره بقايا الحتاتي
وانا احسب اني للطواريق عساف=لين انكسر قافي وطول سكاتي
حاولت مير الشعر يبغي تلطاف=ومصايدات وجهد ومحايلاتي
يحتاج ختل وحوز واحيان ملقاف=تراه مثل الشرّد الذايراتي
ياخيّرٍ صادق وافي وعفّاف=وابعد من الجوزا عن الناقصاتي
مايلحقك ياشيخنا حذف حذاف=ياسالك دروب الهدى والدعاتي
ومن كتفته ظروف الاعمال بكتاف=عذره معه ياراعي الاولاتي
واسلم ودم ما طاف بالبيت طواف=وما دور المظلوم صك البراتي [/poem]