برق المخيله

[ساهر الليل]

ياهجوسي تغني باللحون الطويله=خلي الروح تروى من سبايب ضماها
وانظري ياعيوني في الربا والخميله=فاتنه" والجبال الشامخه في فضاها
ثوبها العشب الاخضر والغصون الضليله=والسحايب تعانقها وهي في سماها
والرياشين واركان الحصون الاصيله=ماهزمها الزمان ولاتهدم بناها
صوت شلال واديها نهاره وليله =يعزف الحان شوقي والضماير سقاها
ذيك ديرة وليفي بو عيونٌ كحيله=تنعش الروح والنسمه سلبني هواها
واحةٌ فاتنه" غنا" ولوحه جميله=ماعشق قلبي الولهان ديره سواها
في فناها شربت الكيف واذكيت هيله=وارتوى قلبي اللي منكسر في حماها
وارتشفت الغرام ولاح برق المخيله = والغمامه تهل المزن من عذب ماها
وانقضى الوقت بدري والمشاعر عليله =يوم قامت خيوط الشمس تطفي ضياها
واعلن البلبل الشادي عزايم رحيله =واقبل الليل وعيوني نجومه تراها
والتحفت ! الظلام وصافحتني الجزيله=بعدما ارويت روحي من سبايب عناها
آآه ياقلبي اللي فيه للعشق ميله = من يداوي جروحه من وقايد لضاها

[داعي الشوق]

من وقايد لضاها .. الله الله

صح لسانك ملايييين يا بو نواف

جزله الى ابعد حد

لله دررك يالشاعر

و لاهنت لاهنت

[نجم الإبداع]

الله الله

صح لسانك يايو نواف

حب ديار وصور جميله وخميله

ابدعت ياشاعر

لاهنت

[الطائر المهاجر]

مسكين
ما تنلام
قلبك اللي سري به مادرى من دليله= ضاع في وسط صحرا ماعرف منتهاها
صح لسانك وقلبك
ولاهان راسك
تحياتي

[عبدالله السويلم]

صح لساااانك يابونوافجزله من راس جزل


احساس مرهف ومعاني رائعه


تحياتي لك

[منيع]

ياسلام عليك
مبدع ورائع
شكرا لكم
تحياتي

[الطامي]

ساهر الليل
صح السانك ملايين
جزلة من شاعر جزل
ولاهان راسك وأحساسك
شكرا لك

[الخنساء]

صح لسانك

جزلة معبرة لاهنت

[ساهر الليل]

داعي الشوق

تشرفت بمرورك الراقي

وجمال ماسطرت اناملك

كل الشكر على كرم الحضور

مع خالص التقدير

[ساهر الليل]

نجم الابداع

صح بدنك ولاهان راسك

شكرا لحضورك الجميل

وكريم المرور الرائع

مع خالص الود والتقدير