برق المخيله
 

[poem=font=",6,darkblue,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
ياهجوسي تغني باللحون الطويله=خلي الروح تروى من سبايب ضماها
وانظري ياعيوني في الربا والخميله=فاتنه" والجبال الشامخه في فضاها
ثوبها العشب الاخضر والغصون الضليله=والسحايب تعانقها وهي في سماها
والرياشين واركان الحصون الاصيله=ماهزمها الزمان ولاتهدم بناها
صوت شلال واديها نهاره وليله =يعزف الحان شوقي والضماير سقاها
ذيك ديرة وليفي بو عيونٌ كحيله=تنعش الروح والنسمه سلبني هواها
واحةٌ فاتنه" غنا" ولوحه جميله=ماعشق قلبي الولهان ديره سواها
في فناها شربت الكيف واذكيت هيله=وارتوى قلبي اللي منكسر في حماها
وارتشفت الغرام ولاح برق المخيله = والغمامه تهل المزن من عذب ماها
وانقضى الوقت بدري والمشاعر عليله =يوم قامت خيوط الشمس تطفي ضياها
واعلن البلبل الشادي عزايم رحيله =واقبل الليل وعيوني نجومه تراها
والتحفت ! الظلام وصافحتني الجزيله=بعدما ارويت روحي من سبايب عناها
آآه ياقلبي اللي فيه للعشق ميله = من يداوي جروحه من وقايد لضاها[/poem]

رد: برق المخيله
 

من وقايد لضاها .. الله الله

صح لسانك ملايييين يا بو نواف

جزله الى ابعد حد

لله دررك يالشاعر

و لاهنت لاهنت

رد: برق المخيله
 

الله الله

صح لسانك يايو نواف

حب ديار وصور جميله وخميله

ابدعت ياشاعر

لاهنت

رد: برق المخيله
 

مسكين
ما تنلام
قلبك اللي سري به مادرى من دليله= ضاع في وسط صحرا ماعرف منتهاها
صح لسانك وقلبك
ولاهان راسك
تحياتي

رد: برق المخيله
 

صح لساااانك يابونوافجزله من راس جزل


احساس مرهف ومعاني رائعه


تحياتي لك

رد: برق المخيله
 

ياسلام عليك
مبدع ورائع
شكرا لكم
تحياتي

رد: برق المخيله
 

ساهر الليل
صح السانك ملايين
جزلة من شاعر جزل
ولاهان راسك وأحساسك
شكرا لك

رد: برق المخيله
 

صح لسانك

جزلة معبرة لاهنت

رد: برق المخيله
 

داعي الشوق

تشرفت بمرورك الراقي

وجمال ماسطرت اناملك

كل الشكر على كرم الحضور

مع خالص التقدير

رد: برق المخيله
 

نجم الابداع

صح بدنك ولاهان راسك

شكرا لحضورك الجميل

وكريم المرور الرائع

مع خالص الود والتقدير