ليتني ما دخلت السوق

[الطائر المهاجر]

ليتني  ما  دخلت  السوق  بعد   العشيّهمير    الامر    المقدر    مايفيده    نذير

احسبني   شويّب   ما   بقى   به    بقيّهواثر  قلبي  ولو   شيّبت   باقي   صغير

وكنت اظن الهوى والعشق  بين  البريّهينتهي   لاانتهوا   والشيب   اصبح   كثير

لين  ما  شفت   ريمٍ   لو   عليها   عبيّهولو  تغطى  اعرف  الزين  ماني  ضرير

غصن   ورد   يتثنى   ما   يبي   مزهريّهيكفي  الريح  تنعش  من  وقع  كالأسير

ناظرتني   برمشٍ   فيه   سهم    المنيّهثم  قفّت   وانا   اللي   واقفٍ   كالغرير

ضيّع   امه   ويركض   يمً   هذي   وذيّهثم   يرجع    وياقف    جاهلٍ    بالمصير

لين  ماجات  وحده  ناظرت  به   شويّهوهمست  في   اذانه   كلمتينٍ   لا   غير

كان  حسيت  ناري  منك   حالي   رديّهقلبي  اللي  حرقته  مالقى   له   مجير

قلت وش لك  بهرشٍ  ما  بغته  المطيّهوانتي   المهرة   اللي   تستحق    الأمير

قالت   الحب   ماله   عمر   وإلا   هويّهانت   غاية   مرادي   بين   خلق    كثير

بين عقلي  وقلبي  حرب  حول  القضيّهضاع  فكري  ونا  اللي  بالعذارى  خبير

قلت   يابنت   شوفي   ماورايه    رجيّهموتري   دتسنٍ   والحال   حال   الفقير

قالت ابغى  الرجوله  في  زمان  الدنيّهما  ني  اللي  يدوّر   عن   فراشٍ   وثير

قلت  شغلك  وقالت   كل   شيٍ   عليّهفي المشافيط¸â‚¬بيبه انقذ  المستجير

شمعةٍ  تحترق   لو   كان   حالي   مليّهضاع  عمري   واشوفه   متجه   للحدير

كنت اظن الشغل في الطب اثمن هديّهماحسبت  لضياعي   بعد   عمر   قصير

وغيري اللي سعيدٍ بينط¸â‚¬فل وصبيّهلا  ضعف  يوم  يلقى  من  عياله  نصير

قلت  غلطة   هلك   مافكروا   بالخطيّهفالمره   دون   رجل   ماتساوي    نقير

المره  دون  رجلٍ   لوهي   انقى   نقيّهيطمع  الكلب   فيها   لو   جِرَيٍّ   صغير

كلما   انتي   تبينه    حايطٍ    فيه    فيّهتستظلي    بظله    وان    بغيتي    بعير

ودام   هذي   حوالك   مالقيتي    البغيّهدوري   غير   عودٍ   في   زمانه    خبير

[داعي الشوق]

يا سلام عليك يا بو عبدالله

رائعة جدا

بالفعل لم نتوقع النهاية بهذا السيناريوا الجميل

و القافيه مناسبه للبحر جدا

ابدعت كثيرا يالطائر

صح لساااانك مليار

مع التقدير

************

[فهد الغنام]

الله ينصر دينك يابو عثمان .. تصدق عطيتني أمل الحمدلله ..

دام البنات يناظر فيك إلى الآن أجل أنا ما علي خلاف الحمدلله

بكره انشالله بالسوق بس السوق اللي رحت يمه وينه يابو عثمان أكيد البنات اللي فيه بعيونهن شي . أجل ما لقن الا انت..

مع العلم اني عارف محد التفت فيك بس بمشيها يا دكتور ....

هههههههههههههههههه ..... أمزح معك ياشايبنا

صح لسانك يابو عثمان قصيده دراميه

تحياتي لك ..

محبك فهد الغنام الشمري

[الطامي]

ههههههههههههههههه
الطائر
الله يعينك على الغزال الشرود
صح السانك ملايين
رائعة جدا

[وليدالبسطي]

الدكتور


كالعادة مبدع ومتميز

لاهنت

اخوك

وليدالبسطي

[حمود السكراني]

صح لسانك يالطائر

كم لي وانا انصحك ومعيي 00لاتدرج الرجل بالأسواق
خلك مع البشر زييي 00أمشي مدنق مع المطراق

هههههههههههههههه

سلم بوحك يادكتور

[عبدالعزيز البليهد]

صح لسانك وصح قلبك الطيب

معالجه رائعه لعنوسة الدكتوره

ولا اظنك طبيت السوق حتى لو قلبك خضر

ربي يسعدك يابو عبدالله

عذرا للغياب وسامحونا

[عبير الورد]

المره دون رجلٍ لوهي انقـى نقيّـه
يطمع الكلب فيها لو جِـرَيٍّ صغيـر
كلما انتي تبينـه حايـطٍ فيـه فيّـه
تستظلي بظلـه وان بغيتـي بعيـر


انا اشهد


صح لساااانك ملايين
سلمت وسلم متطوقك الجزل
ربي يعطيك العافية

[منيع]

الدكتور يعالج قضية بصورة درامية غاية في الروعة والاتقان
شكرا لكم

[الـزلـزال]

الطائر المهاجر

قصيدة جزله ومتقنه وهادفه

لبسها شاعرها بأحلى فستان غزلي

لتظهر للقارئ بأجمل صوره

ومن الداخل طرزها بواقع مؤلم وحكم متقنه

مبدع طائرنا المهاجر وممتع في كل حالاتك

حلق طائرنا بشعرك الهادف المتقن ولنا الأستمتاع بما يحتويه

دمت بسلام وصحه ودام لنا نبض بوحك

صح لسانك ملايين ملايين

ولك فائق تحياتي وتقديري