(((؟؟(( السياحة الخارجية والبنات ))؟؟)))

[فهد الغنام]

بسم الله الرحمن الرحيم ...

أحبائي مساكم الله بالف خير .. وكل عام وانتم بخير بمناسبة قرب حلول إجازة الصيف
أحببت طرح هذه القصيدة المتواضعة أمل عدم فهم القصيدة بطريقة ذاتيه .
وعساء أن تكون إجازتكم سعيدة ..


توضيح مهم جدا:::
... عندما نتكلم عن ظاهر معينة في مجتمعنا فليعلم الجميع بأننا لا نعمم ولا نتكلم عن المجتمع كاملاً وإنما عن اصحاب هذه الظاهرة فقط ..

موضوع قصيدتنا :::
هو ماذا تعمل ( بعض ) الفتيات الخليجيات عندما تذهب إسرتها للسياحة خارج حدود الوطن ويكون رب الأسرة .. في سبات عميق عن هذه الأسرة .. في الحقيقة لن اذكر هذه القصص ولكن أنا متاكد بأن الجميع يعرف ذلك ويعرف الكثير من هذه القصص ..

المهم .. لا نريد أن نضع رؤسنا في الرمل ونتكلم بمثالية واهيه .. أخطاء هذه الفئة كثيرة ومشينة وقد تعطي نظره سيئة عن البلد بأكمله .... والشباب ليسو منزهين بل أخطاءهم اكثر بكثير من البنات . ولكن لكون البنت قد يكون خطاءها له خلفياته وتبعياته أكثر ضررا على الأسرة من الشاب تكلمة في هذه القصيدة عن الفتيات .... والشباب جايهم الدور ..

في دولة لبنان منطقة تسمى ( عاليه ) وهي منطقة مطاعم ومقاهي يجتمع فيه الكثيرين من الخلجيين شباب وبنات وحدث ولا حرج من المهازل في التصرفات وفي الملابس . وهذا هو السبب الرئيسي لكتابتي لهذه القصيدة ...



(( ساحات عاليه ))

البارحه في وسط ساحات عاليه = واليوم في وسط الديار الخليّه
يوم(ن) كل(ن) ماسك(ن) يد غاليه=وأنا من الحسرات حالي شقيّه
أشوف شي(ن) يجرح القلب تاليه=بنت الحمايل للمفاسد ضحيّه
باعت شرفها والفرنجي تباريه=لاعاد لا حشمه ولا مقدريّه
ياصاحبي وإن باعوا الطيب نشريه= حنّا هل العادات والشاذليّه
يقطعك يارجل(ن) تكشّف مخازيه=اللي على النسوان مابه حميّه
راح يتمشى والبلا في تمشّيه =راعي ولكن ما حفظ للرعيّه
عود(ن) وتالي عمره إبليس مغويه= في مظلم البارات حطه خويّه
يشرب شراب(ن) عقل الانسان يغديه=وإلى غدا هانت عليه الخطيّه
عود(ن) يبيله مخطر(ن) في علابيه= فاسد ومجرم والبنات الضحيّه
والذيب يسري والبلا في مساريه=يفرس رباع إن ما لقا له ثنيّه
وكان الحضاره تلغي أغلا مباديه= لا بو حضارات الشعوب الغبيّه
راع الشرف كل(ن) يحبه ويغليه= وراع الردا ماله ترا قابليّه
بعض النساء بالحب كل(ن) تخاويه= خبله لوّ إنه في عباة أجوديّه
درب الردا دايم تجي في حراويه= بسباب غيره بس ما هي نقيّه
وألا بعضهن عز أهلها تداريه= متّحضره وألا تعيش إبدويّه
مثل الحرار اللي رفيعه مرابيه= وألا الورود اليانعات النديّه
درب الردا يا بنت وش هي تواليه= غير الضياع بليلة(ن) سرمديّه
وين الرجال اللي تعرف المشاريه= اللي لهم بالطيب روحه وجيّه
راع المرض وإن ما لقاء من يداويه = يعدي مرضه إن ما برا كل حيّه
ليت السحاب اللي تكاشف مناشيه = يمطر على ريضان نجد العذيّه

اخوكم .. فهد الغنام الشمري

[الطائر المهاجر]

موضوع يستحق ان ينقل بدون القصيدة لقسم الحوار
شوف ياخوك ....نحن جزء من المجتمع العالمي ، ولايمكن عزل انفسنا عنه
ومن يوم انفتح مجتمعنا بعد الطفره ، وحنا منجرفين بلا فرامل ، والمشكلة يعدون
هذا تحضر ، وياليتك رحت لباريس ولندن وجنيف وكان ، الظاهر اما انك انهبلت وانجرفت
او رجعت على طول ... في الفخ اكبر من العصفور ، والموضوع عريض وذو ابعاد كثيره

فأنا وانت ومن لايزال متمسك بالمبادئ نعتبر رجعيين ، فنحن نعيش في عصر غيرنا
وكان الحضاره تلغي أغـلا مباديـه=لا بو حضـارات الشعـوب الغبيّـه
نعم هو المفهوم الخاطئ لمعنى الحضارة ، فالغرب مع فجوره وانحلاله
استطاع ان يكتشف ويخترع ويستعمر ، اما نحن كالعراب ، ضيعنا مشيتنا
ولا عرفنا كيف نكتسب العقلية الغربيه في المجالات الأخرى

صح لسانك
ولا هان راسك
مع أطيب تحياتي

[الطامي]

وألا بعضهن عـز أهلهـا تداريـه=متّحضـره وألا تعـيـش إبـدويّـه
مثل الحرار اللـي رفيعـه مرابيـه=وألا الـورود اليانـعـات النـديّـه


صح السانك ياقهد الغنام
وكلام طيب واستثناء مميز
رائعة وهادفه لافض فوك اخي
شكرا لك

[حي الضمير]

صح لساااااااااااانك مدد بلا عدد
قصيده رائعه وابدعت الوصف
وسلمت يمناك يافهد

[داعي الشوق]

الله يصلح الحال ،

صح لسااااااااااانك يالشاعر فهد

قصيدة جدا رائعة

نابعه من احساس نقي

لله دررررك

و صح لساانك مدد

مع التحية لك

و لاهنت


***************

[مجدي صالح المبارك]

قصيدة حوت بعداً إجتماعياً يصور واقع الحال

الذي يتم عند ذهاب الكثيرين الى الخارج

صح لسانك واعتلى شانك شاعرنا القدير

( فهد الغنام )

ودمت بكل خير وسلام

[حوريه]

ابدعت يالشاعر بارك الله فيك
صح قلبك مدد لاعدد
تحتي لك وتقديري

[عبير الورد]

وألا بعضهن عـز أهلهـا تداريـه=متّحضـره وألا تعـيـش إبـدويّـه
مثل الحرار اللـي رفيعـه مرابيـه=وألا الـورود اليانـعـات النـديّـه





ابداااااااااااااااااع

صح لسانك ملايين
سلمت وسلم منطوقك الجزل
بإنتظار جديدك

[عبدالعزيز ابراهيم المنصور]

كلاااااام
فهد الغنام لاهنت
وصح لسانك كلمات رائعة
سلمت ودمت
دمت بخير

[عبدالله راشد الثويني]

صح لسانك اخي الغالي / فهد
شاعر متمكن صور لنا الحاصل بإسلوب شاعري مـُمتع
صح لسانك مليون ولا يكفون
والله يعين وانا اخوك
تحيتي لشخصك الكريم