كـذاب مـن قـال المحبـه تساهيـل

[الطامي]

لايـومـي بـيـوم ٍ ولا ليـلـي بـلـيـلولا السّعـد مقبـل ولا الهـم زايـل

ماغير ازم همـوم واحـط واشيـلولاراح منـهـا هــم جـالـه بـدايــل

تدرون يالعربان وشهـي البهاذيـلفرقى وليف وحظ مامن صمايـل

الوصـل نعمـه والمفـارق غرابيـليـاحـظ ليـتـك تعـتـدل ماتـمـايـل

لامـن بغيـت اعدّلـك ترجـع تميـلكنّك تقـول اعيـش وامـوت مايـل

ياشيب عيني يوم روح وانـا اخيـلدموعـي وبـلٍ علـى الخـد سـايـل

وانا اتصبّر وازهم العقـل والحيـلوالقلب يشكـي للضلـوع النحايـل

وانا اترفـع واتـرك القـال والقيـلواجبر عزى قلبٍ على الموت آيل

أشب نار الشوق وارهي المعاميلواريّــح اعصـابـي بـبـدع المثـايـل

ولاّ الغـلا ماعـاد يحـتـاج تفصـيـللـنّـه موريـنـي نـجــوم الـقـوايـل

ياللي غيابـك حـط بالقلـب تنكيـلويلـي علـى قربـك ولانـي بطايـل

لاغـاب صوتـك ماتفيـد المراسيـلوفر علـى الجـوال كثـر الرسايـل

والله لــو تـاخـذ لـدمـي تحالـيـلتلقـاك بالجينـات صـايـل وجـايـل

حبـك تعـدى حـب الاكـراد لأربيـلالاّ تـعـدى حــب شـمــر لـحـايـل

صبيت حبك مثل صـب الفناجيـلوين الجليله تشرب اشـواق وايـل

وانته تواعدني من اسهيل لسهيـلوالشوق في قلبي مسوي عمايل

ليتـك تبادلنـي الغـلا والمواصـيـلوتـرد لـي بعـض الوفـا والجمايـل

تعبت انا من ظروفـى والعراقيـلوتعبت من قولـة ياقـل الوسايـل

لاقلت انا احبك ومشتـاق بالحيـلتقول لي جعل العوض فالموبايـل

يعنـي انـا ويــاك مـثـل المهابـيـلواشباهنـا فالـوقـت هــذا قـلايـل

كذاب مـن قـال المحبـه تساهيـلراحـو ضحيتـهـا عـيـال الحمـايـل

للشاعر محمد بن فهد العرجاني

[داعي الشوق]

صح لسان الشاعر محمد

و مشكوور يالطامي على النقل الجميل

***********

[عبير الورد]

صح لسااااااااااااان شااااااعرها
وتسلم ذائقتك الراقيه
يعطيك الف عافيه

[الطامي]

داعي
صح بدنك
وشكرا لمرورك
لاهنت اخي

[الطامي]

عبير
صح بدنكي
وشكرا لمروركي
لاهنتي اختي

[حي الضمير]

منقول رائع

وبيض الله وجهك

[نفحات حساسة]

صح السانه

وتسلم على نقلك..

[شجون القصيد]

الله ااااااااااالله

نص في قمة الروووعه

صح لسان شاعرها

وسلمت الذائقه الطامي

اختيار رائع

تحياتي

[الطامي]

حي الضمير

شكرا لمرورك

[الطامي]

شجون

شكرا لمروركي