عوض الله الغبي بكسب الفلوس

[الطائر المهاجر]

عوض الله الغبي  بكسب  الفلوسلو  شرى   لتراب   باعه   كالذهب

ولو بغى له شغل لا  داعي  يحوسمثله  المطلوب   لو   ماله   طلب

كل   ما   يحتاج   يقرب   للرؤوسوسم حاضر والعزف وقت الطرب

يكشخ   ببشته   ويفهم   بالطقوسولو  هو  الجاهل  بشعبان   ورجب

ولو بغى يعرس لقى اجمل عروسدام  عنده   قرش   حصل   للأرب

والذكي  مسكين  بالفكر  محبوسكثرة  التفكير   تذهب   ما   كسب

يصخّن  الميّه  ومن  كثر  الهجوسطار   ديكه   ما   جنا   إلا    التعب

في زمان كان مالك  من  ضروسينحطب بك مثل غيرك من  حطب

ودي  اتغيبا   واغيّر   في   اللبوسمير راسي صلب  ماله  من  طبب

يحسب ان العلم  يكفي  والدروسوالأمانه    والجهد    عند     العرب

مادرى  بالوقت   قلبٍ   ومعفوسوصورةٍ    مقلوبة    فوق    الكنب

كل  منا  ماشي   بوضع   معكوسراس  تحت  وفوق  كرعان  وذنب

ولو  عدالٍ  مشيته   يومه   عبوسماسلم  من  برد  او  بعض   اللهب

قسمة   الرحمن   علام    النفوسوما    كتبه    الله    قبلنا    لاعتب

[عبدالله مذكر العقيلي]

صح لسانك

جزله من راس جزل

الله لايهينك


تحيتي

[جلال ابراهيم الصبيح]

صح لسانك يا الطائر والله إنك مبدع

درر والله كلام في محله ومقارنة غاية في الروعة

ويقول المثل الله يعطي الحلاوة للي ماله سنون...دمت بخير.


بائع الورد

[منيع]

ههههههههههههه
شف االمال وعمايله
شكرا يادكتور
تحياتي لكم

[عيدالماجد]

صح

[(ابو ريم)]

صح لسانك يامبدع .... الله المستعان الغبي
دائماً يمسك المراكز .... ليس بجهده ولكن, يوطوط ههههههه ..
قصيده تجسد واقع مرير بارك الله فيك .

[اسير البدر]

صح لسانك ولاهنت والدنيااا حظوظ يابو عبدالله
قصيده من الواقع المرير ولكن ؟؟؟؟؟؟؟؟؟؟؟ يعين ربك ويرزقنا ويااك الجنه

[حي الضمير]

صح لسااانك مدد ياشاعر الحكمة
وادام الله حضورك

[الـزلـزال]

الطائر المهاجر
بوح رائع ومميز
من شاعر متمكن في كل حالاته
أبدعت وأمتعت طائرنا
حلق ولنا الأستمتاع بتحليقك الشعري
صح لسانك ملايين ملايين
ولك فائق تحياتي وتقديري

[ترانيم المطر]

صح لسانك

جزله من راس جزل

الله لايهينك


تحيتي