ياليت الدمع له محبس- لابو انس \والردود

[عمر ال شيبي]

قصيدة من ابو انس
http://www.fatahilah.com/showthread.php?p=811441
وبعض الأصداء لها من قبل الزملاء

ياليت الدمع له محبس أصكه والحسـود يمـوت=يموت من القهر مايعرف اللـي داخـل ضلوعـي
ابجمع حزني وشوقي واباجمع فكري المشتـوت=وابا اضحك في وجيه الناس واشرب مالح دموعي
ابي منهو يعايشني يقـول انـي انـا المبخـوت=ويتمنى يجي مثلـي ولايـدري عـن صدوعـي
اعيش بحزني لوحدي وذا همي وانـا المشمـوت=اذا ما بحت بالسده غـدا علمـي مهـو طوعـي
اسامر صافي القمرا واناجـي بعدهـا بالصـوت=أجر آهاتي الحـرّا واظـن الصـوت مسموعـي
وأحاسب نفسي بنفسي واقول الحزن مابه فـوت=يفوت العمر واحزان القلـوب افـراد وجموعـي
احرك كل من حولي وانا فـي داخلـي مبهـوت=اخاف عيون تكشف داخلـي والقلـب مشلوعـي

ورد الشاعر الجميل سناعيس

لو ان الدمع له محبس أو انه ياسعد ممقوت=تكون المسأله أصعب وكتمانه به مصوعـي
ودمع العين لا حدّر يريح خاطـر المكبـوت=ويغسل هم مكوّم على قلوب البشـر نوعـي
وسلامة قلبك الابيض من هموم تشوته شوت=ويزول الشر وآثاره وانت بخيـر وسنوعـي
أنا بإذن الولي دونك تراي اصير قطعة موت=أبفزع فزعتي وابشر بسعد مابـه رجوعـي

سناعيس

أنا بإذن الولي دونك تراي اصير قطعة موت=أبفزع فزعتي وابشر بسعد مابـه رجوعـي

ابو انس

كفو يالذيب ماجبت الجديد وطبعـك المنحـوت=اعرفك ذخر وحزام وسند شخصك عن جموعي

وهنا نبض القلب ردي لما اجاد به الشاعر وحرك به احاسيسي

الا يا ناثر اجْروحـك

لو ان الدمع ِ له محبس يِهِدّ القلب ايذوق الموت=الا يا ناثر اجْروحـك تِرفـق داخـل اضلوعـي
لنا شفت الامر مزعج حقيقة علم ِ لك مبخـوت=غسيل العين من سم ٍ خَلق ربي حسن طوعـي
تظن الدمع ِ لك عِلّه ابد يـا قلبنـا المشتـوت=سعيد الحظ ِمن يبكـي يزيـح الهـم ِبدموعـي
ترى حزن وفرح عاد ٍ دَلال الطيب عرق التـوت=الا يا ناثر اوجانك عبيـر الـورد لـك دوعـي
ابرسل لك عيون الصمت تِعاين قلبكـم وتفـوت=صميم الوجد ِفي حلم ٍ ابكتم . خِبرك اسموعـي
اقلك شيّ من داخل صريخك خلّه عال الصـوت=قبل دمعاتكم تنزل تِقاهر مـن حسـد شوعـي
الين الصبر اهديكم صبر يونس في بَطْن الحوت=لانك غالي من غـال ٍ أرد الحـرف ِ مجموعـي
وانا شِفت الرجال البيد تِصب الدمعِ يوم ابهوت=تصب الدمع ِمن نار ٍ قهـر يـا شاعراسبوعـي
ترى حَر الدمع عاصِف كما نقش ٍ لصخر انحوت=يجي بالخد ما يهـدى اليـن الظيـم متبوعـي
واقلك شي عن شيب ٍ تِرافق ويا حـزن القـوت=صبرت اسنين بهمومي واجدد له ونـا جوعـي
الين المهره لو تدري عذاب الروح كيف ابيـوت=لحي ٍ عايش ٍ فيها وانا يشهد ليـا اربوعـي
صبيب ٍ ادهى لي مُرّه تأبط شره لـي بسكـوت=وجيت اعلنها في جمع ٍ كلام ٍ طبعه مطبوعـي
على صفح السواد اللي تعلـل ليلنـا المنبـوت=على درب الشجن اقفى طليق ٍ شجرة افروعـي
تغذت من عرق مالح لعيـن ٍ صبهـا مثبـوت=فذكر الريم متبوع ٍ صدع غـار ٍ لمصدوعـي
تظن انك وحيد الكون زَنَق دنيا غلبها الشـوت=الا يا خوفِ مرسـول ٍ تِعلـم حكمـة النوعـي
مصيرك تحجب ادموعك ابد ما كنت ناوي الموت=ابد يا زين مكتوب ٍعليـق الـروح مشبوعـي
مدام الحب في قلب ٍ ختم عشق ٍدعاوي كـروت=لعرس ٍ داعَ في موت ٍ كَفن ابيض لنا اشروعي

وسلامتكم
والعذر على القصور

[الطائر المهاجر]

صحت السنتكم
صوت واصداء جميله
سلمتوا ولا هنتوا
تحياتي

[عمر ال شيبي]

المشاركة الأصلية كتبت بواسطة الطائر المهاجر

صحت السنتكم
صوت واصداء جميله
سلمتوا ولا هنتوا
تحياتي

سلمت استاذي ومنكم نستلهم الافكار

والبركه في الشاعر الجميل ابو انس واالشاعر سناعيس

سلمت لا هنت

[جلال ابراهيم الصبيح]

صحت ألسنتكم جميعا

صوت وصدى راااااائع

تقبلوا إعجابي ومروري المتواضع...دمتم بخير.


بائع الورد

[عمر ال شيبي]

المشاركة الأصلية كتبت بواسطة بائع الورد

صحت ألسنتكم جميعا

صوت وصدى راااااائع

تقبلوا إعجابي ومروري المتواضع...دمتم بخير.


بائع الورد

سلمت لا هنت وشكرا للزياره
وصح قلبك

[الطامي]

صح السانتكم جميع
جميعكم رائيعين
لاهنتووووووووو

[عمر ال شيبي]

المشاركة الأصلية كتبت بواسطة الطامي

صح السانتكم جميع
جميعكم رائيعين
لاهنتووووووووو

هلا بالزين وسلم قلبك وذوقك

[نجم الإبداع]

صح لسانك ياعمر

وصحت السنة سناعيس وابو انس

موووووووووودتي

[عمر ال شيبي]

المشاركة الأصلية كتبت بواسطة نجم الإبداع

صح لسانك ياعمر

وصحت السنة سناعيس وابو انس

موووووووووودتي

سلمت يا زين القاف

وسلم منطوقك


ونشكر ابو أنس وسناعيس

الملهمين لي

[حي الضمير]

صح السنتكم جميع
شعار مميزين
وابدعتوا