فمان الله

[حوريه]

صح لسانك...
قصيده رائعه وجزله
من شاعر جزل ومتمكن
دمت ودام عزك
0000

[نفحات حساسة]

لتميز عودة
لاهنت

[مسلم عواد العميري]

صح لسانك وفكرك
نص رائع وجزل
لاعدمنا تواجدك ياغالي
تحياتي

[عمر ال شيبي]

المشاركة الأصلية كتبت بواسطة مجدي صالح المبارك

فمـان الله ياقصـه حزينـه وللهوى دستـور=يأمـا نصـون ميثاقـه وألا نتـوه بـدروبـه
فمان الله من قلبٍ تحـدى شامخـات الطـور=وآخر عمره تلعبّـه مـع الويـلات رعبوبـه
سقاها من غدير العين دمعه وللأسـف منكـور=وأضحى في شتات الحلم عايش شبـه غيبوبـه
معا نور الفجر يطلق من سجون الصَبا عصفور=واذا حلّ المسا لملم جروحـه واعلـن التوبـه
فمان الله لاتحكي يكفّـي مـن جنابـك جـور=ترى كثر الحكي يفضح هوى أقصـاه أكذوبـه
أنا ماني وليـدٍ غـر يعيـش بعالـمٍ مسحـور=أنا طفت المدى كله و خبْـر الحـب واسلوبـه
تبيني بعد ماشابـت جبينـي أتبعـك مأسـور=و كون بسكـة الأيـام ماشـي مثـل ألعوبـه
حشا والله لاأنتـي ولا غيـرك ولا الجمهـور=يخلّي شعره من راسي تطيح بيـوم مغصوبـه
أنا في عزتي شامـخ ودمـي للكرامـه يفـور=واذا ودّك تذلينـي فسعْيـك خـاب مطلـوبـه
صحيح انّي تنفستك معا ريح الدجـى والنـور=وصحيح انّي على عرشي جعلتك أغلى محبوبه
ولكنـك طعنتينـي ودولاب الزمـان يــدور=ومثل ماسمّني حبـك بحبـي اليـوم مصلوبـه
فمان الله شطبي ذكريات الماضي المغدور=ولاتطري هوانا يوم او انك تقربي صوبـه
خلاص القلب مايرجع وعندي سعيكم مشكـور=طوينا الهم والنجـوى ونفـسٍ فيـك مغلوبـه
تحت أدنى عروق الشوق أصبح حبكم مقبـور=وصورة هاجس الأوهام عن العينين محجوبـه
فمان الله يـا كـلّ القصيـد بشاعـرٍ مغمـور=حفر صمّ الحجر حرفه وعجز للناس يدروبـه

سلمت يا قلب الشعر

ولك مني هذه الابيات

فمان الله يا شاعر تركتك للعشق مأسور= تدور بماضي ايامك ميثاقك تاه بدروبه
لان الشوق مكتوبك عظيم الجرح لك دستور= كلام ٍ من وسع قهر ٍ لعيب الروح رعبوبه
تقول القول ما تخفي هواجيس ٍ عذاب الطور= رفيقه للعذاب اللي تكنى القلب بسلوبه
ابد ما كان لك حلم ٍ تناجيها بجلل مسحور= سكين اقليبها حر ٍ كانك عاشق اكذوبه
تبدل سحرك ايام ٍ خلاوي للهوى منكور = كانك ضايع بدنيا طريح افراش غيبوبه
تعال اسمع حكي قلب ٍ تعنيت المضى مجرور = ثمان اسنين في ذنب ٍ ابد ما كان لي توبه
لان الوعد موعود ٍ على فخذ ي علامة جور= بيوم انها نطق حرف ٍ وعيد ٍ جاني مغصوبه
الين الحب لفى اعمى تولد بالقهر منظور = يا ويل اللي خطف نفسه عزيز العين مطلوبه
اقل لك شي عن نفس ٍ تعلت يومها معذور =وسط وجد ٍعنا يمشي سواد الليل مصحوبه
نجم لمع ٍ لميع الشوق علامة جرحنا عصفور = يطير بدنيا مظلومه يناظرها حسب صوبه
توجه كيف ما يملي غريد الصوت له مهدور= لان الكل له شرق ٍ وغرب الدار مكتوبه
غريبه والعجب يسكن خوافي كتمها بصدور = تغلت يا ولد عمي قبر سكناها محبوبه
تزيل الدمع من حر ٍ تحرى طيفها مجبور = اشوق الها شواق الروح ونام بليلي مغلوبه
على امري تعب والله ليال ٍ في رحب جمهور = لا حولي ناس ما تفهم علامة شيبي مرقوبه
تعيش بداخل اقليبي رفق سبعه ليا والشور = ما جيب الهم يوم اني اناظر صورة اشبوبه
عزيزه تدري مطلوب ٍ سكن بيها خفق مع نور= الين انها ظمد جرح ٍ قصرعيني لما احجوبه
واشوف النار يوم انها بعيده والغلا مستور = قرب شرقه غرب جامح وعلم الطيف مقروبه
يا ناس اللي عسر يومي وعد قلته وانا مقبور=ما عاش اللي يخون الوعد وطبٍ للهوى طوبه
ما جيب الا جزيل القول حقيقة شاعر ٍ بشعور =على بحر الحزن نختم كلام ٍ جاني مصلوبه
لانك قلت امان الله ذكيره والنهر مغمور= فتات الصخر من رمل ٍ نحت حرفك ما يدروبه

[مجدي صالح المبارك]

الشاعر القدير ( منيع ) الإبداع لا يسمو ويكتسي حلته الرائعة الا بعد تواصلكم الراقي , لك مني فائق التقدير ودمت بكل خير .

[مجدي صالح المبارك]

الشاعر القدير ( عبدالعزيز بن عمار ) إطلالتكم البهية مصدر بهجتي واعتزازي , تقبل تحياتي مع فائق الود والإحترام .

[مجدي صالح المبارك]

الشاعرة القديرة ( ترانيم المطر ) تواصلكم الراقي عطر متصفحي بالعود والعنبر , تقبلي تحياتي مع فائق التقدير .

[مجدي صالح المبارك]

الأخت القديرة ( نفحات حساسة ) تواصلكم الكريم لون قصيدتي بألوان الطيف , تقبلي تحياتي مع فائق الإحترام والتقدير .

[مجدي صالح المبارك]

الأخت القديرة ( زهرة اللوتس ) الف شكر وتقدير لحضوركم الرائع , تقبلي تحياتي ودمتي بكل خير .

[مجدي صالح المبارك]

الشاعر القدير ( يزيد النمي ) حضوركم الكريم عطر قصيدتي بشتى انواع الزهور , تقبل تحياتي ولاحرمنا الله من تواصلكم الراقي .