فمان الله

[مجدي صالح المبارك]

فـمـان الله ياقـصـه حزيـنـه وللهوى دسـتــوريـأمــا نـصــون ميـثـاقـه وألا نـتــوه بـدروبــه

فمان الله مـن قلـبٍ تحـدى شامخـات الطـوروآخــر عـمـره تلعـبّـه مــع الـويـلات رعبـوبـه

سقاها من غدير العين دمعـه وللأسـف منكـوروأضحى في شتات الحلم عايـش شبـه غيبوبـه

معا نور الفجر يطلق من سجون الصَبا عصفورواذا حـلّ المسـا لملـم جروحـه واعلـن التوبـه

فمـان الله لاتحكـي يكفّـي مـن جنـابـك جــورترى كثر الحكـي يفضـح هـوى أقصـاه أكذوبـه

أنـا مانـي وليـدٍ غــر يعـيـش بعـالـمٍ مسـحـورأنا طفت المـدى كلـه و خبْـر الحـب واسلوبـه

تبينـي بعـد ماشابـت جبيـنـي أتبـعـك مـأسـورو كـون بسـكـة الأيــام مـاشـي مـثـل ألعـوبـه

حـشـا والله لاأنـتـي ولا غـيـرك ولا الجـمـهـوريخلّي شعره من راسـي تطيـح بيـوم مغصوبـه

أنـا فـي عزتـي شامـخ ودمـي للكرامـه يـفـورواذا ودّك تذليـنـي فسعْـيـك خـــاب مطـلـوبـه

صحيح انّـي تنفستـك معـا ريـح الدجـى والنـوروصحيح انّي على عرشي جعلتك أغلى محبوبـه

ولـكـنـك طعنتـيـنـي ودولاب الـزمــان يـــدورومثـل ماسمّنـي حبـك بحبـي اليـوم مصلـوبـه

فمان الله شطبي ذكريـات الماضـي المغـدورولاتطـري هوانـا يــوم او انــك تقـربـي صـوبـه

خلاص القلب مايرجع وعندي سعيكم مشكـورطوينـا الهـم والنجـوى ونفـسٍ فـيـك مغلـوبـه

تحت أدنى عروق الشوق أصبـح حبكـم مقبـوروصورة هاجس الأوهام عـن العينيـن محجوبـه

فمـان الله يـا كـلّ القصـيـد بشـاعـرٍ مغـمـورحفر صمّ الحجر حرفه وعجـز للنـاس يدروبـه

[صعبة المنال]

الله الله الله
صح لسانك ..وحرفك
جزلة

صعوووب

[الطائر المهاجر]

بوح رائع من شاعر رائع
صح لسانك مليون
لاهنت ولاهان مغليك
تحياتي العطره

[عبدالله راشد الثويني]

مجدي صالح المبارك
شاعر متمكــن أبدعت يالغالي صح الله لسانك وعلا شانك
وعساك ع القوّه
طامعين بجديدك
تقبـّل وُدي

[سناعيس]

شاعرنا مجدي المبارك
صح لسانك ولله درك
دائما رائع
لاهنت


تحياتي

[الطامي]

مجدي
التايه بدريب الهوى مندل ماينخاف عليه
صح السانك ملايين
جزلة وطيبه
لاهنت

[نافع بن محمد البويت]

لاهنت يا مجدي ابدعت بجزالة رائعة سجل اعجابي تحياتي

[عدنان كريزم]

صح لسانك يالغالي ولا هنت

[داعي الشوق]

صح لسانك يالشاعر مجدي

شاعر رائع في كل الحالات

و القصيدة رائعة و جميلة

صح لسانك مع التحية لك

،،،،،،،،،،،،،،

[همس الورد]

صح لسااااااانك مليون

وصح بدنك

بووووووووووح رائع

تحيتي و تقديري