غزلية قبل العيد

باب الموده ياغذا الروح مفتوح= مفتوح لجلك مامعي غير مفتاح
شي ٍ من الله ماخذيناه بمنوح=هذالقدر بين المسرات وجراح
اعطيك كلي بعدها اقول مسموح=يفداك قلبٍ للصعيبات سرّاح
لوسري اصبح بعد الاعوام مفضوح=اقول همّ ٍ طول الايام منزاح
لوهي قصورٍ في معاليك مدموح=مير الغلا يضرب على القلب بسلاح
مدري معزّه أو تفاصيل مجروح=يلكد جنوبي كنّه سواة ضبّاح
لوهي قضية بالمصحات وطروح= يدخل بها بند المحبين صدّاح
يثبت غلانا بالفحوصات وشروح= كل النتايج تثبت الحب وضّاح
دمي لدمك طول الايام مشفوح =يشدّني بحرك ولوكنت ملاّح
بحرك عميقٍ كله امواج وتلوح= يغرق بها شخصٍ نسميّه سبّاح
دخلت انا بحرك على غير مصلوح= ماهي شجاعه لكن النفس ترتاح
يجذبني يمّك حادي النفس والروح=وهج المشاعر كنّهافك تمساح
تجي الفريسه تحت الانياب وتروح=مير البلا دمّه على الناب نضّاح
خليتني امشي على درب مزلوح=وسط المشاعر والخيالات سوّاح
دمي بكفك اصبح اليوم مسفوح= ياللي تسمّى بالتواصيف سفّاح
يابوعيونٍ تودع القلب مذبوح = كنّي على موس القصاصيب بّذاح
يزهاه ثغرٍ يشلع الصوت مبحوح=ياقبلة الله يامنى الروح والراح
الريق حالي مع هكالوجه مملوح= نهودهاكنّه تواصيف تفّاح
عضودبيضا والبطن صارممسوح= اوروكهاخلت على الدم متّاح
كنّه مضخه للعطورات وتفوح = جمال خلي مايبي شخص مدّاح
ياماوياماكنت للسرّ ماابوح=اضحك بناسٍ تودع الحب بيّاح
يوم انفتح ضوٍّ على القلب جابوح = زال العجب داخل دهاليز مزّاح

[الطائر المهاجر]

هلا ومرحبا الف بالغالي الأخ العزيز الباحث والشاعر الكبير/ نصر البكر
بين اخوانك واخواتك وفي محلك
نور المكان وسعدت جدا لإنضمامك
وكان بودي أنني علمت بمقدمك حتى تجد الترحيب ولكنني كنت منشغلاً.
مصافحةولا اروع ولا اجمل من شاعر كبير طالما امتعنا بدرره النقية
ارحب يالغالي
تقبل أطيب تحياتي واحترامي

[ابو زياد]

ياماوياماكنـت للـسـرّ مـاابـوح
اضحك بناسٍ تودع الحـب بيّـاح
يوم انفتح ضوٍّ على القلب جابـوح
زال العجب داخل دهاليـز مـزّاح


ماتنلام عقب هالوصوف

اخوي صح لسانك مليون
وياهلا بك بيننا
لنستزيد من جمال فكرك

[نجم الإبداع]

ناصر البكر


صح لسانك يالجزل

وكل عام وانت بخير


تحياتي لك

[دخيل الازوري]

صح لسانك وفكرك
وكل عام وانت بخير

[الريم]

الشاعر نااصر البكر صح لساانك قصيده في منتهى الرووعه

[انكسارات النخيل]

ناصر البكر

صح لسانك أستاذي الفاضل

دائما تأتي بكل ماهو راقي

كل عام وأنت بخير

[الــذاهبه]

ناصر البكر

هلا والف مرحبابك

منور الفطاحله

كل عام وانت بألف خير اخي

وصح لسانك وقلبك

[سهيل الشمري]

هلا والله ابو ساره

عيدك مبارك يابعدي ونورت الدار

قراتها قبل وزدت اعجابا بها هنا

حياك وحي فالك

[ثار التميميه]

دمي لدمك طـول الايـام مشفـوح
يشدّنـي بحـرك ولوكنـت مـلاّح
بحرك عميقٍ كله امـواج وتلـوح
يغرق بها شخـصٍ نسميّـه سبّـاح


صح لسانك ولاهنت ياولد عمي

رااائعه وجزله