يالله عسى من لامني فـ/ حب قحطان ..!

[عايض المقاطي]

بعد السلام عليكم جميعا



,,

يالله عسى من لامني فـ/ حب  قحطانيصبح   عليه   الصبح    والضيم    حاديه

حتى    يعرف    إن    الرياجيل    أحيانأطيبهم اللي لا قسى الوقت  يجفيه  ..!

ويا  لايمي  في   حب   الأجواد   غلطانترى  الذهب  معروف   غشه   وصافيه

أحبهم    وأهرج    بهاا     سر     واعلانحب  النقا  ماني   عن   الناس   مخفيه

قبيلةٍ     يهذي     بهاا      كل      ميدانشف   الغريم   اللي    تهاوت    عزاويه

أرررحب هلا  حييت  من  منطق  لسانزين   النبا   يا   حي   من    هو    يحييه

فزعاتهم    لا    ثور     الجيش     دخانلو   يعترض   سنجار   ما   تبتلش   فيه

الله     خلقهم      للمواقيف      عنوانأقرا     وغيري      فالمخاليق      قاريه

عدٍ    يصدر     وارده     عنه     ضميانوعدٍ   قبل   يارد   على   الجال   يرويه

وفزعة  "بني  قحطان"  من  غير  تبيانمنهم    سقاا    هداج    تيما     ضواميه

سبحانه  اللي   شمخ   الطيب   سبحانكنه    على    قحطان     شيد     مبانيه

واللي  يبا   ياخذ   على   القول   برهانشطرٍ  وسمته  من  حلالي   وأبا   أبديه

ينشد   ليا   منه   وصل    آل    سفرانعن   موفي   الحاجات   مكرم   عوانيه

عبدالله   اللي   مرتكز    بين    سلطاناسمٍ   قدم   واسمٍ   على   العز    تاليه

ويعاين   المقصود    كله    على    شانأما    قنع     بالقول     شوفه     يقديه

هذا   وأنا   من   مزبن    الجود    عتبانقومٍ   لهم   في   سلم   المجد    عاليه

وقفاتهم    يرجح    بها     كل     ميزانبأدنى   جهدهم    يبلغ    العلم    قاصيه

ذباحة      الحايل      وللعرف      بيبانلطامةٍ  يا   ويل   من   هو   تعاديه   ..!

ورثة  أبو  عن   جد   عن   جيل   جدانعاداتهم   ما    هيب    سمي    واسميه

العام     حنا      والقحاطين      عدوانواليوم     كلٍ     له     رفيقٍ     يخاويه

ولا  ياصل  المرقاب  من   غير   جنحانطيرٍ  بدا   ..   لو   قيل   زانت   مواريه

"وما  قل  دل   وزبدة   الهرج   نيشان"بيتٍ    على    راكان    بأختم     وأغنيه

ويالله عسى من لامني فـ/ حب قحطانيصبح   علاه   الصبح    والضيم    حاديه

[سلطان العطاوي]

حجز ملكي للقراءه

سأعود يا ابن الهيلا

[سلطان العطاوي]

هذا وأنا من مزبـن الجـود عتبـان

قومٍ لهـم فـي سلـم المجـد عاليـه

صح لسانك وعساك ذخر

وافي يالامير وقحطان قبيله عزيزه ويستاهلون

لا هنت

[الطامي]

المقاطي
صح السانك مددبلا عدد
وافية وطيبه
انت تقول وهم يستاهلون
والنعم بكم اخي
لاهنت

[الخنساء]

المشاركة الأصلية كتبت بواسطة عايض المقاطي

بعد السلام عليكم جميعا



,,

صح لسانك ولاهنت

قصيدة راائعة والنعم فيك وفي قحطان

سلمت ودمت بخير

[حي الضمير]

صح لسانك وعلا شانك
قصيده جزلة
وابدعت لا عدمناااك
أجزل التحايا والاحترام يامميز

[نجم الإبداع]

صح لسانك ياعايض

وتستاهل قبيلة قحطان مدحك

وونعم بك وبمن ذكرت

وبقبايلكم

لاهنت

تقبل مروري

وتقديري

[سعيد الصاعدي]

الاخ الفاضل عايض المقاطي
صح لسانك لاهنت
نص شعري رائع
من شاعر جزل
تسلم ويسلم فكرك يالغالي
تحياتي
أخــــوك
س / ص

[الـزلـزال]

عايض المقاطي
قصيده وافيه من وافي
أبدعت غالينا بكل جزاله وتمكن
والنعم بك وبقحطان معك
صح لسانك ملايين ملايين
ولك فائق تحياتي وتقديري

[ترانيم المطر]

صح لسانك واعتلا شانك
ابيات رائعة
والنعم فيك وبقحطان
سلمت وسلم تميزك
وإبداعك

تقبل من التحيه أغلاها ودمت بود