نايف وسعد وجميع الشعراء مدعوين

[الطائر المهاجر]

اليوم ولله الحمد المنتدى فيه الكثير من الشعراء الكبار الذين نفخر بتواجدهم معنا ..
وحتى يحصل انسجام اكثر بينهم ، فقد ترون معي أنه لابد من اشراكهم في أعمال جماعية
سواءا بالمحاورة الجماعية او إنشاء موضوع يكملونه جماعيا ، وقد ترون في البدايه
ان يكون المشروع الجماعي هو ان يعرف كل شاعر بنفسه في اربعة ابيات يلخص فيها
سجل حياته ومشواره الشعري ... فإن راقت لكم الفكرة ، فأرجو من اخي نايف الثبيتي ان
يبدأ ليختار الطاورق الملائم ..

مشرفنا العزيز ياهلا وغلا ابشر يالغالي

وانشاء الله اني فهمت الفكره وتفضلو

سلام مني على الشعار في موطن هل الجود=بالساحه اللي رعاها من رجال الجود راعي
وارد على العد وانا خابر ان العد مارود=نبا نزاحم مع اهل الورد ونحث المساعي
واقدم الطيبه والطيب ياشعار موجود= واهل المعرفه يعدونه من اخيار الطباعي
وانا سندكم لياجا حكتن للعود بالعود=واصفح عن الهرجه اللي طالعه من دون داعي

والله يامشرفنا انها على عجل ولا راجعتها
ارجوا تقبلها بصدر رحب

[الطائر المهاجر]

بيض الله وجهك اطيب من كذا ما نبي
انا يالعود خلوني الأخير ...
وين البقية يالله يا الشعراء من شباب وشابات ..
كملوا على هالطاروق الزين ..

[الطائر المهاجر]

عليك منّا سلام الله وانت بالطيب معهود = الدار دارك وحنّا ضيوف للشهم الرفاعي
من يارد العد مثلك ما يبي مسند ولاعضود = زيزوم قيدوم لرجاله حكيم وشجاعي
ارسم دروب المعزه نتبعك لو يركض العود = الشعر سيفك وفكرك درع في بذل المساعي
دار الفطاحل تفاخر بك وفعلك دوم مشهود = ربعٍ على الدين في المركب سوى ففل الشراعي

[نجم الإبداع]

الله على هالجواهر يوم صغتوها في أعقود= نايف وعثمان يسعد وقتكم جيت اندفاعي
رفيق دربي ترى بيني وبينه سلم وعهود = شرواك بالطيب ياعثمان بين الناس ساعي
حنا اجتمعنا وابد ماننفرق لو ثارت ارعود= في كل وادي يهيم القاف وصدورٌ وساعي
مايشبه اهل الفطاحل لو تدور ندّ بالزود= سلمت يافكر متوازن هجومه والدفاعي

[الطائر المهاجر]

اظن الشعار يبون بيتين يبدو ان الطاروق صعب عليهم شوي:

المعرفه بالرجال اثمن كنوز الارض موكود= ودار الفطاحل ذرى وهيبه لنا في كل داعي
العود بابه فتح للكل مافي يوم موصود = اقلط تفضل شعاره في القدوم وفي الوداعي

طبعي الوفاء ودربي أنا أمشيه بعهود***وافي ومخلص والكرم من طباعي
ماعرف أنا النكران ولا أدري وش اجحود***دايم وفي وللوفاء دوم ساعي
أتعبت عيني با السهر ومحرم ارقود***وشغلت في ذا المنتدى حبي أوسماعي

	هلا يا مرحبا بلي ترعرع في ديار سعود=ديار(ن) تتسم بالأمن وفيها الذيب والراعي ديار(ن) للعرب منصى وأهاليها أهالي جود=حشا ما ظن فيها شخص مظلوم(ن) وملتاعي

سلام مني على اللي فعلهم بالطيب محمود = اهل الوفا والحميه ذكرهم بالدار شاعي
ماهيب شلة سفرتيه جمعهم شخص مقرود = على علوم السفاهه شالهم نقل الجماعي

[الطائر المهاجر]

يامرحبا بك نديم الليل بالطيب معهود = من لابة بالفخر مابين قرم وشجاعي
الدار دارك وحنا لك ضيوف على الجود = قيدوم ربعك الى الأمجاد.. فل الشراعي