لاباس ياقلبي من الضيم لاباس

[فواز الغسلان]

لابــاس ياقلـبـي مــن الضـيـم لابــاسوش حـيـلـتـي دام الـلـيـالـي عـنـيــده

وش حيلتي مادمت مـن جملـة النـاسوالـوقــت حـاديـنـي عـلــى مـايـريــده

حالـة كسير(ن)عاقتـه قــب الافــراسفـوقــه شـجــاع الـقــوم والا عـقـيـده

يشكي وجع ساق(ن)غدت تقل مقواسوان صــاح صيـحـات الـخــلا ماتـفـيـده

فـي لاهـب الـجـوزاء والاريــاق يـبـاسالـحـلـق يــابــس والــمــوارد بـعـيــده

جمر العطش في ضامره مثل الامواسوالــروح بشـمـوس الـقـوايـل وحـيــده

ارض(ن)يحوفه بالدجى ذيب الاطعـاسالـلـي يقـاسـي بــه وقـوت(ن)شـديـده

يطـوي صحاصيـح الفيافـي والارمــاسوالجـوع وســط الكـبـد مـثـل الوقـيـده

مـالـه تـحـت نــار البـواريـد مـجــلاسورزقــه عـلـى الـلـي مايخـلـي عبـيـده

حالـي مثـل حالـه تحـت كـل هـوجـاسومـاراح مــن هجـسـي غبـونـي تعـيـده

هجس(ن)حرمني من مقاعيـد الاونـاسوفـي كـل يوم(ن)لـه جروح(ن)جـديـده

منهـا سهـر عينـي وهرجـات الانـجـاسمثـل المناجـل فــي هشـيـم الحصـيـده

الـلـي غــدى عـنــد الاجـاويــد بـــلاسوالـصـبـح يـرســل بالـخـبـاثـه بــريــده

مـن صاحب(ن)دونـه مقافـل وحـراسوناس(ن)نفـوسـه بالـحـرايـب زهـيــده

حطـوا لهـا عـقـد الحبـايـل والامــراسومـن قــارب الغـالـي شبـاكـه تصـيـده

لاوالله الا حــال مـــن دونـــه الـيــاسياس(ن)سكـن بالقلـب يشفـط وريــده

شاد القصـور بغبـن قلبـي علـى سـاسيـودع جــروح القـلـب يـنـزف صـديـده

ويلـي علـى اللـي كنهـا عـيـن قـرنـاسلـه مخلب(ن)يـمـزر عــروق الطـريـده

عينـه تشـوف بنايـد الــروض مــرواسويـودع فــروق الصـيـد مـالـه شـريـده

اصفى من الجوهر على عقـد الالمـاسحـدت شـجـون القـلـب تنـثـر قصـيـده

وصبيت قيفانـي علـى بيـض الاطـراسمـاهـي خـرابـيـط الـخـبـول وعـصـيـده

واصـبـح لعـقـال الشـواعـيـر نـبــراسولــو يـدخـل الملـيـون يصـبـح عمـيـده

تشبه طعون كليـب مـن رمـح جسـاسوراحــت حـيـاة كلـيـب منـهـا فـقـيـده

لا شاب قاف اللي شكـى نـار الافـلاسواعــلــن بقـيـفـانـه نـهـايــة رصــيــده

جبت الشـوارد مـن ورى حـد تكسـاسوســط الجـبـال الـلـي يهيـلـك جـلـيـده

والا غـديـت لـجـزل الامـثــال غـــراسوان مـاقـنــع راع الـمـعـانــد نــزيـــده

مـانــي بغـلـقـات التمـاثـيـل مـحـتـاسولا رحــت للقيـفـان وســط الـجـريـده

ميراث عود(ن)له علـى الربـع نومـاسوالـقـاف يـشـهـد والـخـلايـق شـهـيـده

طيبه بوسط اهـل الجبـل يرفـع الـراسوحــروف قـافـه بالـمـراجـل سـديــده

اسقـى ضميـري مـن قوافيـه بالـكـاسوزدتـــه بـجــزلات الـــورود الـفـريــده

يشـبـه قصـيـد فهـيـد وعبـيـد ودبــاسالــلــي مـزايـاهــا الـحـمـايـد عــديــده

وبعض العرب ماهـي للاشعـار مقيـاسدام الـنـوايـا فــيــه مــاهــي حـمـيــده

مااطيـع انــا بالنـقـد دايــس ودربــاسدام الـعـرب فـيـهـا عقـول(ن)رشـيـده

وانـا بـلاء حـالـي غــلاء زيــن الالـبـاساللـي بـرمـش العـيـن تـرمـي ضـديـده

طيفه يزور البـال فـي وقـت الادمـاسيسـري عـلـى روحــي ويلـعـن كـديـده

يطـرق خفايـا ضـامـري طــق هــواسالـلـي تـشـق الـقــاع رجـفــة حـديــده

ويرجف بروح(ن)كلها شـوق واحسـاسوان داج بــــارواح الـنـشـامـا يـبــيــده

مطروحـهـا مايغـفـي الـلـيـل بـنـعـاسيـرجــي وعـايـدهـا ويـخـشـى وعـيــده

مثـل العنـود اللـي خـذت عقـل عبـاسوعمره قضـى يشكـي رموشـه وجيـده

وهـذا سـبـب قـولـي للاحـبـاب لابــاسوقـولـي تــرى طـبـع الليـالـي عـنـيـده

[سناعيس]

الله الله
شاعرنا وراوينا الفذ فواز الغسلان
صح لسانك على هذه الباذخه
وبيض الله وجهك
تستحق القراءة والتمعن فيها مرارا
لاهنت

تحياتي

[مبروك بن ماضي]

اخوي المبدع :
الشاعر /فواز الغسلان
الف صح لسانك على هذه الرااائعه ..
سعدت بقراءتها وتشرفت بحضوري هنا
سجل اعجابي وتقبل تحياتي وتقديري
أخوك / بن ماضي

[ابومياس]

نص جزل وجميل المعاني

ورائع الاسلوب

يستحق الزيارة والوقوف على عتباته مرارا

صح لسانك وبيض الله وجهك

دمت بخير

[الطائر المهاجر]

كم يسعدني تأمل هذا الإبداع
صح لسانك مدد بلا عدد
ولاهان راسك
تحياتي وتقديري

[منيع]

من الروعة بمكان
بارك الله فيك
تحياتي

[عذب القوافي]

فوازالغسلان

في كل حالاتك

مبدع

تقديري

سلم لي عليك

[الـزلـزال]

فواز الغسلان


عندما نشاهد أبداعك الشعري يصيبنا الذهول

شاعر متمكن فوق الخيال


وشهادتي فيك مجروحه

صح لسانك الى مالا نهايه

تقبل مروري المتواضع


ودمت بالف خير وصحه

[سعود المسعد]

المشاركة الأصلية كتبت بواسطة الـزلـزال

فواز الغسلان


عندما نشاهد أبداعك الشعري يصيبنا الذهول

شاعر متمكن فوق الخيال


وشهادتي فيك مجروحه

صح لسانك الى مالا نهايه

تقبل مروري المتواضع


ودمت بالف خير وصحه

اخوي سامي والله انك صدقت
ماقدرازيد على ردك
فواز الغسلان تقبل صادق ودي

[صوت الإحساس]

الله اكبر الله اكبر الله اكبر


شعر
شعر
شعر
شعر

بلا حدووووووووووووووووووود


عملاااق لله درك

درة من الدرر

تبقى ما بقي الشعر


صااااااااااااااااااااااااااادق الود


وفائق الاحترام
لهكذا حضور