قصيده ورد

[ابو أنس]

بعد انقطاع طال ونضوب في الإنتاج ومشاغل أبعدتني وعدم وجود مؤثر او محرك
وردتني رسالة من عزيز بيني وبينه مراسلات ومداولات توقفت كثيرا ثم عاودت فوجدتها مناسبة لعرضها امتدادا للمشاركه ودعوة لصديقي للإنضمام لهذا الصرح
وأهم من ذلك للإستئناس بمرئياتكم ونقدكم
للجميع الشكر مقدما
ولكم تحياتي

قصيدة البدء من صاحبي سأنزلها بقدمتها وتوطئتها.....

الفاضل/ ابوعبدالرحمن حفظه الله

السلام عليكم ورحمة الله وبركاته....................... .......................... وبعد

هذه الأبيات أوهذه الخواطر وموضوعها كما شرحت لك ، وحقيقة لي زمن ليس بالقريب عن محاولة العبث في كتابة بعض الخواطر والتي لاتعدو كونها كلام مصفف ليس اكثر ، وأما كتابة مايسمى شعرا فلست من أهله ، وعلى العموم رغم كون هذه الخواطر كلام في كلام ، أرجو أن تنال ولو بعض الاستحسان ، آملا أن لاتبخل علي بالنقد والنصح والتوجيه وبمنتهى الصدق والصراحة التي عهدتها عنك 0

يابو أنس وش حيلتي مع بع ض نــاس=لاصــــار يفهـم غيـر قصـدي ويشـــره
أطلق عليه المـزح بحســاب وإقيــاس =وأعرف صـدى مزحي بصـوت ونبــره
مانـي مـن اللـي لـــه وجيــه وبـــلاس=وماني مـن اللـي له نوايـــــــا ويــكـره
تعاملي من منطلق صـدق الإحســـاس=ماهمني وش تــلبــس النـــاس بــكــره
تعبت أفكر وأضرب أخماس بأســداس=وشلون أعرف فلان مــــــــده وجــــزره
قررت أجنب عن مزح بعض الأجناس=حتى أحفـظ لنفسي مـــع الخـلق قــــدره
خواطر دارت براسي وهـــــــوجــاس=ما ودي أحــــد مني اليــــــــــوم يــشـــره

وختاما ارجو أن تنال بعض الرضا ، مع املي أن ترد عليها متى ما أردت ، حتى أستفيد وأستمتع بما تكتب حقيقة وليس مجاملة ،،،،،،،،،، وتقبل من خالص التقدير
والسلام عليكم...

أخوك/ ســــــــــــــعـود


قصيدة الرد على سعود
يابو أنس وش حيلتي في بعض ناس....

الناس تفرح بالجواهر والآلماس=وتحسب حساب(ن)للعطايا وتشره
وانا بعد افرح كما يفرح الناس=اعشق هدايا صاحب(ن)طاب ذكره
لي مدّت(ن)وانا اطرق الدرب عسّاس=وانشّد المرّار مرّه ومرّه
ابي رساله صاغها عذب الاحساس=ابو زياد احلا من الشهد شِعره
بعد انتظار(ن)طوّل وحفّه الياس=لقيت في الإيميل مرسل بشفره
يومي قريته فز قلبي من عماس=نعم أعرف القول حرفه وسطره
ماحتجت انا لمحرك البحث في الراس=قوقل براسي جاوب وجاب خبْره
حيث ان له في الذاكره قرص حساس=يستشعر بيوت المعنّى ونثره
يابو ندا لاتشتكي الهم تحتاس=من كلمت(ن)شذّت وهي شبه عثره
ان قالها الصاحب قلا تلحقه باس=اصبر ويمكن له مع الوقت عذره
يمكنّه مكهرب او ان جاه بِلاّس=كم واحد(ن)يصطاد صيده بكَدْره
وان قالها من يعشق دروب الانجاس=اللي الى شاف الونس ضاق صدره
هذاك كبّه لايحرك بك انفاس=ابداً ولايستاهل يهز شعره
خل الليالْ تذوّقه مرْ الاكواس=يعيش سَكره ثم(ن)اتجيه فَكره
واعرف ترى الدنيابها اجناس واجناس=والحَب في قول العرب سرْ بذره
واياك تربط عيشتك بين الاقواس=الى انغلق باب(ن) فتح زودعشره
امزح مع اللي يعرف المزح بقياس=واطلب سعة صدرك ترى العمر فتره
واللي تشوف مجهّم الوجه عبّاس=عَدّه وخله يكتسب زود حسره
وانتا تعرف انك مع الناس لك ساس=تحمي الرفيق وزايد بطيب عِشره

سعد الحسن2/5/1429

صح لسانك ولا هنت

يشرفني ان اكون اول من يتشرف بالوقوف على كلماتك الجزله



تحياتي لك

[علي محمد العتيبي]

امزح مع اللي يعرف المـزح بقيـاس
واطلب سعة صدرك ترى العمر فتـره
واللي تشوف مجهّـم الوجـه عبّـاس
عَـدّه وخلـه يكتسـب زود حسـره
وانتا تعرف انك مع الناس لك سـاس
تحمي الرفيق وزايـد بطيـب عِشـره



سعد الحسن
ياسلام عليك
ابداع وامتاع
وحبك وسبك
لله درك من رائع

صح لسانك ملايين


اعجابي واحترامي

[all1=CC0000]فعلا ممتعة وجزله


لاهنت وصح لسانكم جميع


وفعلا خير الكلام ماقلت



لاهنت[/all1]

[سناعيس]

أبو أنس الغالي
صوت رائع وجزل
وصدى يملأ العين والخاطر جزالة وعذوبه
لاهنت وبيض الله وجهك
ربما تشفع لك هذه الباسقه بعضا من الغياب ولكن ليس كله
فلا تقاطع أخي الحبيب فلك مكان في النفس والموقع ونشتاق للجزل من القصيد الفطري

تحياتي

[ابومياس]

ابو انس

لك وحشة يالغالي

وياهلا فيك وقالوا من طول الغيبات جاب الغنايم

وانت عدت لنا بهذا الصدى الاكثر من رائع

صح لسانك ولسان سعود

وبيض الله وجيهكم

دمت بخير

[الخنساء]

صح لسانك اخي الشاعر ابو انس
لاهان را سك قصيدة رائعه
سلمت وسلم شعرك
دمت بخير

[الطامي]

الله الله عليكم
صوت وصدى جميليلن
من اروع ماقرأت يأبا الحسن
صح السنتكم عموما
ولاهنتو

[يوسف بن صالح]

سعد الحسن

صح لسانك

وصح لسان : سعود

استمتعت بقراءة القصائد


الله لا يهينكم

[داعي الشوق]

صح لسانك يا بو أنس

قصيدة رائعه والصدى متميز

والابيات في الصميم

لله درك وصح لسانك مع التحية ،،،