الله يستر

السلام عليكم ورحمة الله وبركاته
أخواني أعضاء هذا المنتدى الرائع
هذه أخر قصيدة لي أتمنى أن تحوز على رضاكم وإعجابكم فلكم القصيدة ولي الشرف بقرائتها والرد عليها

اليوم تاسع يوم ماجاني من الغالي خبر = والصدر ضايق والخفوق من الوله تصلاه نار
الله يستر لايطوّل ثم أموت من القهر = لأني كذا من خلقة الله ما أطيق الانتظار
آخر عهد لي به بأول يوم من عيد الفطر = عيّد علي قبل الجميع وبعدها أنهى الحوار
المشكلة ماهيب عاداته يطول فالهجر = دايم يكلمني ولو يزعل صغارِ مع كبار
تكفون ياللي تعرفون الزين فضلاَ لا أمر = روحوا وقولوله على كل شي في فرقاه صار
وقولوا له إن الحال من فرقاه حالٍ ماتسر = إما يتلاحقني ويرجع ولا ودوني شهار
صده سلب عقلي وخلاني أسير بلا فكر = ماغير أهوجس وآتلفت عن يمين وعن يسار
حتى السهر اللي قبل فرقاه ما أحب السهر = من كثر تفكيري بغيابه أشبك الليل بنهار
من زود همي بعض أوقاتي أفكر أنتحر = ثم ألعن الشيطان وألغي فكرتي بالإنتحار
ويزيد شوقي كلما شفت الرسايل والصور = وبعض الهدايا اللي على تغليفها شوية غبار
هذا وعلاقتنا أدخلت ذلحين في ثامن شهر = وشلون لو كانت علاقتنا بدت واحنا صغار
والله لو يدري بحبيله وشوقي وش كثر = جاني حبي حتى ولو يقطع صحاري مع قفار
له في خقوفي حب سامي وله وسط صدري قدر= له في خيالي طيف ساكن له وسط عيني مطار
ولانيب أخبره بايرٍ فيني ولا عمره غدر = هذا اللي خلا حالتي حاله وزودني دمار
عذره معه وإن كان ماله من عذر جبنا عذر = أصلاَ مسامح زلته من قبل يبدي الإعتذار
نفسي وبس أعرف وش اللي جابره يهجر جبر= ماهيب سهلة عند خلي يتخذ هذا القرار
ليكون سبب له قصيدي مشكلة يوم اشتهر = وخلا جميع اللي حوالينه تضايقه وتغار
توبة معاد اكتب قصيدة فيه وأنشرها نشر = دام المشاكل كلها بأسباب هذا الانتشار
وآبكتم أسراره عن جميع البشر حتى الشعر = وبسجنه في قلبي وبضرب له عن العالم حصار
ولانيب ناسي عشرته حتى ولو طال العمر = لو خيروني في مية غيره رفضت الإختيار
الطير طالت هجرته و ماعاد فيني من صبر =ولاله سوى عشي ولو حلق بجنحانه وطار
ماللزهر إلا النحل ماللنحل إلا الزهر = يعني العلاقة بيننا صار تكامل باختصار
شكيت همي للجميع ولابقى غير البحر = تكفى طلبتك يابحر ياغير عن كل البحار
"خذ ماتبي بس يرجع المحبوب طول في السفر "= والصدر ضايق والخفوق من الوله تصلاه نار

وسلامتكم
اخوكم عبد الرحمن سعد الدوسري
حزين الحرف

[عبدالرحمن الصباح]

الشاعر المبدع عبدالرحمن سعد صح السانك وعلا شانك جزله من راس جزل اسجل اعجابي وتقديري

[ابومياس]

ماللزهـر إلا النحـل ماللنـحـل إلا الـزهـر
00000000000000يعني العلاقة بيننـا صـار تكامـل باختصـار

عبدالرحمن سعد

اخي الكريم وشاعرنا القدير

نص شاعري رائع

بحتوى الجمال والجزالة

صح لسانك ودام حرفك

دمت بخير

[عبدالله راشد الثويني]

عذره معه وإن كان ماله من عذر جبنا عـذر*****أصلاَ مسامح زلته من قبـل يبـدي الإعتـذار

الله عليك مبدع بمعنى الكلمه

تسلم يمينك ولا هنت يا الغالي

بإنتظار جديدك

[الأموره]

صح لسانك ملايين

سلمت و سلم بوحك ،،

الف شكر لك ،،

دمت برعاية الخالق ،،

[ماجد الزيد]

صح الله لسانك اخ عبدالرحمان قاف جزل وكايف ورائع
لله درك بارك اللع بايامك
تقبل مروري
واعذرني على تقصيري

صـــــح لسااانك

والى الأماااام ياشــــاعرنااا

صح لسانك

مليون ولايكفون

ولاهنت

تحياتي

[الطامي]

حزين الحرف
الله عليك
صح السانك ولاهنت يالغالي
ابيات اجاد من صاغها

[الخنساء]

صح لسانك اخي الشاعر عبد الرحمن
لاهان راسك قصيدة رااائعة
سلمت وسلم شعرك
دمت بخير