|
اقبلـت تمشـي علـى شـط البحـرمـهـرةٍ شـقـرا القـمـر باوجـانـهـا |
تتـبـع الأمــواج والبـحـر إن هــدرتـرفـع الفسـتـان عــن سيقـانـهـا |
وان تـهــاود أو إذا مـنّــه حـســردنـقـت ، والـمـوت فــي اكفانـهـا |
كاملـه بالزيـن فـي طـرفٍ حــوردرة والـــــدر مـــــن اكـنـانــهــا |
لو يقال الحور مـن ضمـن البشـرقــلــت حــوريّــه وذا بـرهـانـهــا |
مــدري ارقبـهـا أو انـظـر للبـحـروالشمـس تقفـي الــى حسبانـهـا |
ماعرفـت الزيـن يسـحـر للنـظـرليـن شفـت السحـر فـي اجفانهـا |
شمس تغرب عارف عنـدي خبـروشمـس تطلـع شاكـر لاحسانـهـا |
غاطسٍ فكـري ، أهوجـس بالامـربـيـن حـلـم وعـلـم فــي قلبانـهـا |
اختفـت منـي مثـل لـمـح البـصـرواثـرهــا جـنـبـي وانـــا ذهـلانـهـا |
قلت بسم الله وقالـت ، لا خطـرمثـلـك ، انسـيّـه ، تـبـي فهمانـهـا |
ليش تنظر بي عسـى مابـي كـدرمـــا لـقـيـت إلا أنــــا بـاركـانـهـا |
انحرجـت وقـمـت افـكـر بالـعـذرويـش اســوي دام صــح لسانـهـا |
قلـت عذرينـي أنـا احــب البـحـرانشـغـل بــه وتـنـاسـى احـزانـهـا |
ارقـب الامـواج تضـرب بالصـخـروانـحـدار الشـمـس فــي غبّانـهـا |
قالـت الامـواج مـا تـعـرف غــدرمثـل غــدر الـنـاس فــي خلانـهـا |
البـحـر حـبّـي إذا ضــاق الـصــدراتـنــاســى دنـيــتــي وجـنـانــهــا |
فــي حيـاتـي زاد غـمـي والـكـدرمـا لقيـت إنـسـان يفـهـم شانـهـا |
خذت لي واحد بعـد طـول الصبـرقـــال أحـبــك ، حـبـتـه ديبـانـهـا |
كنت أحبـه مـوت ، لـو يامـر أمـرانــدفــع لـلــمــوت أو نـيـرانـهــا |
كنت احطه وسـط قلبـي والنظـرمـالــك روحـــي بـكــل اركـانـهـا |
رحـت انـا ويـاه فـي رحلـة سفـرنـــدوّر الـراحــه بـعــد فقـدانـهـا |
ثم جينا وفي المطـار احلـى قـدرشنطـتـي فيـهـا البـلـى بـاوزانـهـا |
ملغمـه هيرويـن ، أنـدر مــا نــدرانكشـف زوجـي وخـسـر رهانـهـا |
وابتـدا يـصـرخ مـثـل بـحـر هــدرينـفـي التهـمـه ، يـبــي بطـلانـهـا |
قالوا العـب غيرهـا كشـف الأمـرالـرسـالــة واضـــــحٍ عـنـوانـهــا |
قـبـلـهـا ثـنـتـيـن زوجـــــات دررخذتـهـن ، نــاوي عـلـى فعـلانـهـا |
بيـن حلـم وعلـم أو مـثـل الخـبـرانطعـن فـي الـروح فـي وجدانهـا |
انهصـر قلبـي مثـل عـود انكـسـرطعنـتـه صـعـبٍ عـلـيّ نسيـانـهـا |
بعدهـا اقسمـت واعطيـت الـنـذرغـيـر شـايـب مــا أبــي إنسانـهـا |
الـرجـل مـاكـر ، واذا مـنـه كـبـرتـقـتـوي روحـــه يـزيــد إيمـانـهـا |
وهي تحكي ، رحت في كان وخبرعـايـشٍ بـاحـلام مـــن اشجـانـهـا |
ياحسايـف ، كيـف ضيعـت العمـربـاخـسٍ نفـسـي، جـهـل باثمانـهـا |
مـن يحصـل مهـرة مـثـل القـمـرتـقـدّر الشـيـبـان فـــي أزمـانـهـا |
ودقنـي هوجـاس يـنـذر بالخـطـراهمـلـه قلـبـي ، حـلـم باحضانـهـا |
رفت عيوني ، وشافـت مـن يمـرطـفـل عـــدّى هـامــسٍ بـاذانـهـا |
وطمـرت تركـض ويلحقهـا البـزرمــا اشــوف إلا غـبــر سيقـانـهـا |
وشرطـي يلحـق وراهـا مـا قــدرقلـت وش عنـدك ، تبـي لحقانهـا |
قـال نصّابـه ، تــرى ربــك سـتـرانـتـبـه يــامــا كــثــر صحـبـانـهـا |
بعضكـم يكبـر وعقلـه فـي صغـرمن يشوف الشقـرا ضـاع بشانهـا |
لـو هـو مطـوّع إذا سـافـر دشــرجايـعٍ ، عطشـان ، مـع شيطانـهـا |
وبعضـكـم ديـنـه قـريـب للـكـفـرلـو يصلـي ، لـو يـطـوف أركانـهـا |
مـاخــذ ديــنــه ســتــار لـلـعـهـرمــا حـسـب للـمـوت أو نيـرانـهـا |
مـثـل ذولا سـوسـةٍ تنـخـر نـخــرتنـشـر الأمــراض فـــي بلـدانـهـا |
|
16-09-2007, 10:48 PM
المواضيع المتشابهه
اقبلت تمشي على شط البحر(بالصوت)
