هــديـــــه وإهــــــــداء لموقع الــفــطــــــاحــلـــه وأعضــاءه الكرام ،،،

[داعي الشوق]

با نظم بيوت الشعر وأنشد بالالحان = دامي مع الافكار جالس لحالي
غنيت وأعطيت التفاكير ميزان = ثم ترجمت ذيك المعاني مقالي
موقع فطاحل لابس اليوم نيشان = بجهود من يشفق على كل عالي
لو زاوره مهموم ضايق وزعلان = عقب الزعل يصبح من الهم سالي
لجل الفطاحل باكتب الشعر الوان = اللي لهم قدر ومواقف سجالي
الاول أذكر طير طاير بجنحان = اللي مهاجر فوق ذيك الجبالي
اللي نعده أخ من عد الاخوان = أبعث سلامي له بشكل خيالي
ولانيب ناسي يوسف الطير شقران = اللي مع الطاروق يسبح عدالي
متوجس متمرس بكل ميدان = يعطيك ملزومك بليا سوالي
ومبارك اللي مآخذ الطيب عنوان = عادات ابوظهير المثالي مثالي
ومنيع ما ننساه لو كاين كان = يطربك باشعار وبيوت جزالي
وذاك الصريح اللي من شيوخ عتبان = إنقدره ونقول جالك مجالي
ومعلوم ابومياس شاعر وفنان = يكتب مع الابداع شي جمالي
مبروك معروف وشاعر بالاوطان = ايضا القريشي للمواجيب نالي
وابوانس لاشك شاعر وفتان = ومحمد السفري رفيع المعالي
وهذاك إبن عسكر أسميه ربان = للشعر . ذاك اللي بحوره طوالي
ايضا السكيبي عندنا عالي الشان = نفرح بطلاته على كل حالي
يكتب قوافي مثل لولو ومرجان = احروفها مثل الجواهر تلالي
والشعر من نبراس ذايع ورنان = تتوشح أبياته بتاج وشالي
والشاعر المري من أنسال شجعان = اللي رقوا بالشعر فوق العلالي
وابن صباح اللي من شيوخ فرسان = اللي خذا شعر الهوى له موالي
وجهود لام زياد باين للاعيان = احضورها مشهود باول وتالي
ايضا لأموره احاسيس واشجان = متميزه في كل موقع وجالي
وإستبرق اللي تبرق بكل الاحيان = دايم مع الشعار تضرب مثالي
ويعذرني اللي ما ذكرته بقيفان = الكل له حق ومواجيب غالي

[ابومياس]

بيض الله وجهك ياسعود كفيت

ووفيت وماعليك زود يالغالي


هديه من اخ عزيز وغالي

صح لسانك ودام حرفك لاهنت

دمت بخير وعافية ومبروك عليك الشهر

[الأموره]

صح لسانك و علا شانك ،،

تسلم عالمنطوق الطيب ،،

الف شكر لك عالقصيد ،،

دمت برعاية الخالق ،،

[عبدالعزيز العقيدي]

شكرا يا بو عبدالعزيز على هذه القصيدة الرائعة
والهدية الجميلة
بس ترى ما أنت معذور من العيدية
تحياتي لك

[الطائر المهاجر]

شعور من حر أصيلٍ وشيهان = تجاه اخوانه بناد الرجالي
اللي لمثله يرفعو كل نيشان = في مركب الاحرار والموج عالي

صح لسانك ولاهنت
ولي عودة
تحياتي الطيبة

[منيع]

ياسعود لك مني تحية وعرفان=من خافق يغليك اول وتالي
قريت حرفك ياعزيزي والالحان=وهيضت يالصاحب بعض ماطرالي
وفتحت لك من داخل القلب بيبان=بالود والتقديروبسمى معالي
تستاهل العليا ياطير حوران=والراية البيضا براس العوالي

اخي الشاعر/ سعود الحافي
شكرا لمشاعرك الطيبة اتجاه هذه النخبة من اخوانك في الفطاحلة وعلى راسهم الدكتور عثمان العبدالله الذين بلى شك يبادلونك الود والتقدير على هذه الابيات التي سطرتها بحقهم والتي سوف تبقى رمزا شامخا للجميع وتقبل مني اصدق التحيات والتقدير

[الآكيد]

الف صح لسانك على هذه الرااائعه ..
سعدت بقراءتها وتشرفت بحضوري هنا
سجل اعجابي وتقبل تحياتي وتقديري

دام هذا القلم الراقي

ودمت بخير وعافية من الرحمن

ما شاء الله تبارك الله

دمت لنا ودام قلمك

قصيدة جميلة تسلم لأبداعك

[المتجاسر]

لك الشكر ووافر التحيه

سجل اعجابي الشديد

بهذه الباذخه