مـشـــكـلـة الـســكن والإيـجـار (فكاهيه)

[سعود القت]

كل واحد يبتدي المشوار مجهولٍ مصيره = ولا يعلم السر غير إلاهنا رب الأنامي
وابتديت اول حياتي مثل من يبدا مسيره = أمشي مع الضرف قبله وامشي مع الضرف شامي
والكبيره في عيون الناس في عيني صغيره = قو باسٍ مثل صلفين البشر مدري علامي
كنت اظن ان الرجل عقله دلولاه ونظيره = مير ما صارت حسب ظني على الدنيا السلامي
الليالي من صغر سني وهي صلفه عسيره = ملطفت بي مشقيتني نطحتني للمظامي
كارب حزامي واحسب في شباحي والذخيره = والليالي ترخي المشدود وانا اكرب حزامي
ابتديت اصارع الدنيا وهقواتي كبيره = قلت اسم جدي ما ينزل بي مع صغار الأسامي
واحلم ابيتٍ ينومسني مع رجال العشيره = وكل من سيّر كسبت بخاطره جل احترامي
والرجل لاصار يخشى الذم ويحب الستيره = يبتغي يمنا طويله مع رفيعين المقامي
مير لفت بي ضروفٍ كنها اسلاك الضفيره = اخلفتني غصب عني واقصرتني عن مرامي
قلت ادوّر بيت واسكن به ولو يمت غبيره = او آخذ لي قرض واملك بيت لو بم الحمامي
وكبرت اللقمه ويمنا الجود للطيّب قصيره = ورحت انا والفقر يوميا خصاماً في خصامي
قلت ابشري لي رقه لو كانت فأي ديره = وابقدمها مثل غيري لكن الموج زامي
التراب اغلوه اهله وصارت الرقه سعيره = صار سعر الارض باهض اكثر من مهر المدامي
والشقق غليّت وطارت من سبب عمي البصيره = ارفَعو سعر الأيجار بلا رقيب ولا نظامي
الاراضي فاضيه واوضاعنا عسره خطيره = اسمحو في كل حي يصير موقع للخيامي
جيت في مكتب عقار وخذت لي شقه صغيره = مجلس وغرفه ومطبخ جنبه اصويلة طعامي
لا رقدت الليل عايلتي نواظرهم سهيره = المحل صغير ما يسمح لحد عندي ينامي
يسهرون بجانبي سوات من يحرس بعيره = ويرقدون بغرفتي لامن روحّت لدوامي
يابو متعب ياملكنا راعي اليمنا الشطيره = نار حمرا فالسكن فزعتك يالحر القطامي
شاعرٍ يشرح ضروف الشعب بحميا وغيره = ما يقول إلا الصحيح ولا على مثله ملامي
ياطويل العمر اخذ قولي بلا شكٍ وحيره = عاقل وقولي يدل التايهين مع الظلامي

[ابو زياد]

واحلم ابيـتٍ ينومسنـي مـع رجـال العشيـره

منومس ومرفوع الراس ان شاء الله

ويمنـا الجـود للطيّـب قصيـره

الله لا يقصر يمناك ويرفع قدرك
وهذه احلام الرجال لا يحدها حد

التراب اغلوه اهلـه وصـارت الرقـه سعيـره
صار سعر الارض باهض اكثر من مهر المدامي

صار يجيب اكثر من اربع مدامات

يابو متعـب ياملكنـا راعـي اليمنـا الشطيـره
نار حمرا فالسكـن فزعتـك يالحـر القطامـي
شاعرٍ يشرح ضروف الشعـب بحميـا وغيـره
ما يقول إلا الصحيـح ولا علـى مثلـه ملامـي
ياطويل العمر اخـذ قولـي بـلا شـكٍ وحيـره
عاقـل وقولـي يـدل التايهيـن مـع الظلامـي

كلام الكثير الكثير من الشيبان قبل الشباب
عسى الله يفرجها على يد الوالد صقر العروبة

صح لسانك على هالاحاسيس النبيلة
ولاهان راسك
تحياتي

[كريمة محمد]

ههههههههههههههههه
صح كلامك وابياتك والله
تسلم لنا اناملك اخى سعود
واتمنى منك الا تحرمنا من ابداعاتك القادمة
تحياتى لك

[نجم الإبداع]

احسنت ياسعود

والله يعدلها وانا اخوك

صح لسانك وقلبك

لاهنت


تحياتي وودي

[سناعيس]

الفاضل سعود القت
صح لسانك قصيدة اجتماعية رائعه
وذات مغزى اصلاحي لخلل مقصود للأسف الشديد من قبل البعض الجشع في بلد يضم قبلة المسلمين
بس هالبيت يذكرني بمسرحية شاهد ماشفش حاجه لعادل امام ههههههههه

يسهرون بجانبي سـوات مـن يحـرس بعيـره
ويرقـدون بغرفتـي لامـن روحّـت لـدوامـي

جزله من راس جزل

تحياتي

صح لسااانك وفكرك اخى سعود
وبيض الله وجهك
كلام فى الصميم
تسلم اخى
وارجو ان تتقبل مرورى واعجابى
تحياتى لك

يسلمووو اناملك اخى سعود
قصيدة روووعة
الله يعطيك الف الف عافية
ولك منى فائق التقدير والاحترام
تحياتى

صح لساااانك
وعلى شانك
قصيده رائعه وجميله
تستحق الوقوف والتصفيق لها بشده
الله يعطيك العافيه ابداع من متمكن
..ومشتاقين للي بعدها
تحياتي لك
اخوك
سراب الراحل

[يوسف الشقران]

شاعرٍ يشرح ضروف الشعـب بحميـا وغيـره
ما يقول إلا الصحيـح ولا علـى مثلـه ملامـي

صدقت

انا شايف ان القصيده تجيب الهم للي يفكر فيها ويفكر بالاسعار والبيوت والمساكن

شلون لو تعدادنا مثل مصر !!!!!!

يسهرون بجانبي سـوات مـن يحـرس بعيـره
ويرقـدون بغرفتـي لامـن روحّـت لـدوامـي

الله ايخليهم لك

فعلا موضوع مهم وبيض الله وجهك

[الخنساء]

صح لسانك اخي الشاعر سعود

لاهان راسك قصيدة تحكي الواقع

سلمت وسلم شعرك
دمت بخير