عزي لمن حطنّه البيض طرطور

[الطائر المهاجر]

عزي لمن حطنّه البيض طرطور= خذن جواده وما لقى غير حنتور
ياجاهلٍ بالبيض عندي خبرهن= ما احتاج رأي ولا مشوره لدكتور
لاخذت وحده قلت هذي ارينب= ومن بعد مدة بان لك كل مستور
البعض لاكبروا عيالها تمردت = النفس شينه مع لسان به الجور
عقرب رمل تلسعك في كل موضع= وتكتم اذاها لو من الغبن ممرور
حتى يجي يوم تحدك على القصى= ترمي يمينك طالما انت مجبور
يامن نويت العرس خذها نصيحه= ترى الركادة زينة كلها نور
لاتنخدع بالأصل والفصل طالما= حنا بوقت الخلط والاصل مبتور
ولا تنخدع بالحب فالحب كذبه= وتمثيل دور لوحدةٍ تضبط الدور
الحب من عشرة عمر ما تكدر = وشراكة بالتضحيه دونما غرور

[داعي الشوق]

الحب من عشرة عمر ما تكدر
وشراكة بالتضحيه دونما غرور

صح لسااااااانك ابو عبدالله

نصيحة دسمه لو ان التعدد زين

[منيع]

عزي له
ابيات رائعه تسلم يابطل
تحياتي لكم

[ملكة الشرق]

الله الله
ياسلام عليك يادكتور
قصيده جزله ماجنبت بها الصواب
دائما التأني يأتي بخير
دور عالاصل اولا ومن ثم العقل والرزانه
وآخر ماتبحث عن الجمال
فالجمال جمال الخلق والروح
وكما قال الرسول صلى الله عليه وسلم
العرق دساس

ودي وباقة جوري

[الطائر المهاجر]

شكرا داعي على كريم المتابعه
لاهنت
تحياتي

[الطائر المهاجر]

شكرا منيع على كريم المتابعه
لاهنت
تحياتي

[الطامي]

يامن نويت العرس خذها نصيحـه
تــرى الـركـادة زيـنـة كـلـهـا نـــور
لاتنخـدع بالأصـل والفصـل طالمـا
حنا بوقت الخلـط والاصـل مبتـور
ولا تنخـدع بالحـب فالحـب كـذبـه
وتمثيل دور لوحدةٍ تضبـط الـدور
الحـب مـن عشـرة عمـر مـا تـكـدر
وشراكـة بالتضحيـه دونمـا غــرور

اي والله صدقت يادكتور
صح السانك وقلبك
ولاهنت

[الطائر المهاجر]

شكرا ملكة الشرق
على كريم المتابعه
لاهنتي
اطيب التحيه

[الطائر المهاجر]

شكرا الطامي
على كريم المتابعه
لاهنت
اطيب التحيه