ابيات اعجبتني ..اضف ما يعجبك

[الطائر المهاجر]

يقـول المهـادي والمهـادي محـمـد = وبـه عبـرةٍ كـل المـلا مـا درابهـا
أونـس بـصـدري عـلـةٍ باطنـيـة = بأقصى الضماير ما دري ويـن بابهـا
تقـد الحشـا قـد ولا تنثـر الـدمـاء = ولا يدري الهلبـاج عمـا لجـاء بهـا
إن أبديتهـا بانـت لـرمـاقة الـعـدا = وإن أخفيتها ضـاق الحشـا بإلتهابهـا
الاجـواد وان قاربتهـم مـا تملهـم = والانذال وان قاربتها عفـت مـا بهـا
والاجواد وان قالوا حديـثٍ وفـو بـه = والانـذال منطـوق الحكايـا كذابـهـا
والاجواد مثل العـد مـن ورده ارتـوا = والانـذال لا تسقـي ولا ينسقـا بهـا
والاجـواد مثـل الجبـال الـذي بهـا = شرب وظـل والـذرى والدفـاء بهـا
والاجـواد صندوقيـن مسـك وعنبـر = واليا فتحت ابوابهـا جـاك مـا بهـا
والاجواد مثل البدر فـي ليلـة الدجـا = والانذال ظلماً تايـهٍ مـن سـرى بهـا
والاجواد مثل الدر في شمـاخ الـذرى = والانذال مثـل الشـري مـرٍ شرابهـا
والاجـواد وان حايلتهـم مـا تحايلـوا = والانـذال أدنـاة حيلـة ثـم جابـهـا
والانذال لو غسلـوا ايديهـم تنجسـت = نجاسـةٍ قلـوب مايفيـد الـدواء بهـا
ولعـل نفـسٍ مـا للجـواد عنـدهـا = وقارٍ عسى مـا تهتنـي فـي شبابهـا
ترى الدار كالعذرى ليا عاف ما بهـا = حرٍ غيورٍ وكل مـن جـا ء زنـا بهـا

[منيع]

من لايودك لاتوده وترجيه
إرفع مقامك ياعزيز المقامي
وحيٍ يوريك المذله وتغليه
انا اشهد انك ميّت القلب عامي
والعبد له ربٍ عن الناس يغنيه
ولولاه ماصاب الهدف كل رامي
محمد السديري

[الطائر المهاجر]

احـــذر عـــدوك مــــرةٍ والــــف مــــره=واحــــذر قــريــبٍ لـلـعـقـارب مــقــارب
في وقت فيه الحر يشكي المضـره=مما يشوفه في زمـن صـار خـارب
وقـــت المـصـالـح كـــل شـــرٍ يـجــره=حـتــى غـديـنـا مــــا نــقــدّر اقــــارب

[الطائر المهاجر]

اذا من خـاب ظنّـك فـي الزمـن واللـي يديرونـه=فـــلا تـزعــل عـلــى نـفـسـك اذا مـالــت مـوازيـنـه
قليل الفكر من يحسب سنين السعد مضمونه=وكثيـر الـشـؤم مــن فـكّـر بـأنّـه مــن مساجيـنـه
الا يـــا لعـنـبـو وقـــتٍ يـغـسـل الـفـكــر صـابـونــه=يغيّـر صاحبـه مبـداه وينسـى الأصـل او ديـنـه
عزيـز النفـس لـو خيشـه لبسهـا قــال مزيـونـه=ولا ثــوب الحـريـر الـلـي يـجـيـب الـــذل ويعـيـنـه

[منيع]

من لا يحوش المرجله فى شبابه
ماعاد يدركها ليا صار شايـب
ومن خاب فى أول صباه من الثنا
فهو لازم فى تالي العمر خايب

راشد الخلاوي

[الطامي]

صبرك على جور الليالي توافيق
ياتي الفرج بعد الصبر والبلاوي
مابين غمضة عين والثانيه تِفيق
ياتي الفرج كنه السيل النحاوي

منصور المري

[الطائر المهاجر]

يقول الدارمي وهو ربيعه بن عامر
قُلْ للمَليحَةِ في الخِمارِ الأسودِ ماذا فَعَلتِ بِزاهِدٍ مُتَعبِّدِ
قَد كان شَمَّرَ للصلاةِ رداءه حَتى قَعَدتِ لَه بِبابِ المَسجدِ
رُدِّي عَلَيهِ صَلاتَهُ وصيامَهُ لا تَقتُليهِ بِحَقِّ دِينِ مُحَمَّدِ

[ملكة الشرق]

للبدايه شوق من احلام و غرام
وان خذاك العشق تصبح له اسير

كم وقع في سطوته رجال وكرام
في ليهبه لازم الخطوه تسير

[عبدالعزيز-]

دمــــت لي ياصاحب الطرف الخجــول

لامني في عشـــرتك من لا عــــرف

انــــــــــت عمري عســــى عمـــرك بطــول

ماخــضع قلبي الغــــــــيرك وعتـــرف