دنيا تقلب ولا ندري بحروتها

[الطائر المهاجر]

بالصوت

دنيا تقلب ولا ندري تواليها

دنـيـا تـقـلـب ولا نـــدري بحـروتـهـاايــام نضـحـك بـهـا وايـــام نبكـيـهـا

يـامـا خدعتـنـا وتهـنـا فــي متاهتـهـانـطـرد وراهــا ولا نحـسـب لتالـيـهـا

كم من بليـد تجـي لهـا فـي وجاهتهـاوكـم مـن ذكـي لقـى نفسـه بدانيهـا

وكم حر يشكي لهيب مـن قساوتهـاوكم ثعلـب صـار ذيـب فـي مفاليهـا

جربتـهـا فـــي حـلاوتـهـا ومـرارتـهـاولقيـتـهـا خـادعــه مـحــد يجـاريـهـا

ان اقبلت شفت شـيٍ مـن سعادتهـاوان ادبرت شفت نحس مـن بلاويهـا

تعمي نفوس البشر مـن قـل دبرتهـاتركـض وراهـا ولا تحسـب خطاويهـا

تمـشـي نـفـاق ولــو تظـهـر ديانتـهـاتبـي المكاسـب ولا تخـشـى لباريـهـا

النـفـس اذا عــودت تحـيـا بقناعتـهـاتغنيـك عـن حاجـة مـن نـذل تبغيـهـا

تقنـع بـرزقـك ولا تمـشـي بخدعتـهـاتعيـش مرتـاح نفـسـك مــا توطيـهـا

ومهمـا الليالـي تضـدك فــي تعنتـهـافالصبـر درعـك ولـو تعـلـن تحديـهـا

"دع المقاديـر تـجـري فــي اعنتـهـا"ولـيـا تـذمـر مـــن اقـــدار تلاقـيـهـا

مابـيـن غـفـوات عـيــنٍ والتفاتـتـهـايـغـيـر الله مــــن حــــالٍ تعـانـيـهـا

واكسب نفوس البشر تكسب مودتهاطيـب وتواضـع وبسمـه مــا تخليـهـا

ومهمـا تعانيـه مـن بـعـض بعداوتـهـاحلـمـك عليـهـا يغـيـر مــن تجافيـهـا

وللنفـس حـقٍ فـلا فـي يـوم تكبتـهـااضـحـك وافــرح ودور مــا يسلـيـهـا

وايـــا ويـــاك تعـطـيـهـا لشـهـوتـهـاابليـس يبغـاك تمشـي فـي شهاويهـا

ومهمـا تـألـم بـنـار تـحـس حرقتـهـالاتبـد حالـك وتكشـف عـن خوافيـهـا

اسرار نفسك معك في يـدك ملكتهـاواذا طلعت منـك مـا تملـك نواصيهـا

ولا ضقت من دار تدري ويش علتهـافانـظـر حوالـيـك لـديــار بمآسـيـهـا

حتى ولو شفـت مـن يعتـاد سرقتهـافــلا هــوب مـانــع لأرزاقٍ توافـيـهـا

في يوم يرحـل ويدفـن تحـت تربتهـاويترك كنـوزه لمنهـو مـا تعـب فيهـا

الارض لله مـحـيـيــهــا ومـنـبـتــهــاومـن خاصـم الله خسـران بتواليـهـا

والــديــن لله والـخـلــق بتـشـتـتـهـاكـلٍ يحاسـب عـلـى اعـمـال يبديـهـا

فـلا يخدعـك مـن يـدور يـوم فتنتـهـايمـكـن عـمـيـلٍ وخـــدامٍ لاعـاديـهـا

يكـفـر لـهـذا وهــذي مــن كتابـتـهـاعـن جهـل والا يتاجـر فــي فتاويـهـا

عيشتـك فـي دار تـدري وش ثوابتهـاامــن وامــان ولا تـجـهـل خوافـيـهـا

اخيـر مــن ديــرة تغـريـك سمعتـهـاوهـي شعـارات تخـدع مـن يراعيـهـا

الـعـدل بــالارض مـعـدومٍ بساحتـهـاوالظـلـم يحـكـم بقاصيـهـا ودانـيـهـا

لـكـن ربــك كفـيـل فـــي حمايـتـهـايمـهـل ولا يهـمـل الظـالـم لاهاليـهـا

يالله انــا طـالـبـك نـفـسـي تثبـتـهـاعـلـى الشـهـاده اذا نــادى منـاديـهـا

[الطامي]

دع المـقـاديـر تـجــري فـــي اعنـتـهـا"=ولــيــا تــذمــر مــــن اقــــدار تـلاقـيـهــا
مـابـيــن غــفــوات عــيــنٍ والتـفـاتـتـهـا=يــغــيــر الله مــــــن حـــــــالٍ تـعـانـيــهــا


صح السانك دكتور
قلت فابدعت وأحمت القافيه والمعنى لافض فوك
شكرا لك

[منيع]

درر يادكتور وعوايدك الابداع والتميز
كل الشكر لكم
تحياتي

[داعي الشوق]

ومهمـا الليالـي تضـدك فـي تعنتـهـا
.. فالصبر درعــك ولــو تعـلـن تحديـهـا .

صح لسانك يا دكتور

قصيده جزله و حكيمه يا حكيم

،، دمت ولاهنت و صح لسانك مدد

[منيع]

عيشتـك فـي دار تــدري وش ثوابتـهـا
امــــن وامـــــان ولا تـجــهــل خـوافـيـهــا
اخـيــر مـــن ديـــرة تـغـريــك سمـعـتـهـا
وهــي شـعـارات تـخـدع مـــن يراعـيـهـا

صح لسانك يادكتور
تحياتي لكم

[حي الضمير]

ابدعت وعواايدك ياعلم
ومدد صح لسانك

[نجم الإبداع]

صح لسانك يابو عبدالله

جزله وموسيقيه دافئه

لاهنت

[حرف وشعر]

نص بليغ حيل يابوعبدالله

صح الله يمناك ،،

[جهاد الشعلان]

الله الله الله

هكذا القصيد واللا فلا

ابدعت وامتعت

ابيات جميلة جداً

راقت لي كثيراً

صح لسانك

تقبل مروري

[الراقي]

رائع شعرا و حضورا
دمت بِكُلِ مَوَدَةٍ