في عالم اليوم تلقى المسخ والممسوخ

[الطائر المهاجر]

في عالم اليوم تلقى المسخ والممسوخ= من كل خاين يبيع الدين والديره
متسلق منافق يمسح ردي الجوخ = ولا من وصل مركزه فالنهب تأشيره
طابور خامس ردي الاصل لو مطنوخ= لو عرض بالسوق مايسوى ولا ليره
همه بجيبه وياكل ني مع مطبوخ = مع المعادي شريك وتحت تدبيره
من فارس او اوربا جالنا الشخشوخ= وعطوه سيف ورمح كلها عيره
وقالوا زعيم على العربان حتى تدوخ= وتفرغ لنا ارضهم والشعب تهجيره
وحنا نألب عليك الشعب حتى يبوخ= حتى تلاقي العذر لحرقه وتدميره
ونقول هذا ربيعٍ منتج للخوخ = نضمن به رجوعنا والزعم تحريره
واللي يهاجر نرحب به برمي شروخ= ومن بعد مده يجي دورٍ لتنصيره
ما دام شعب العرب العقل به مشروخ= والجهل بالدين غطى كل تفكيره
ومعه التخلف بعلم بالجهل مبخوخ= من الف عام بفكرٍ زاد تحجيره
فلا هم اعدوا سلاحاً لو صنع منسوخ= ولا هم ببعض السياسه يكسبوا الجيره
النسل واجد وزاد بكثرة التفريخ= لكن حرب العصر ذره وتفجيره
مهما يكون النقد او قاسي التوبيخ = الشعب نايم ولاهو داري السيره

[بنت النور]

كلم سليم
وصح لسانك وعتلى شانك ياصاحب القلم
لاهنت
يعطيك العافيه لكلمات القصييد
تقديري واحترامي لك

[منيع]

مـهـمـا يـكــون الـنـقـد او قـاســي الـتـوبـيـخ
الـشـعــب نــايـــم ولاهـــــو داري الـســيــره

انااشهد
شكرا لكم
تحياتي

[الطامي]

صح السانك دكتور
قلت فأجدت لافض فوك
شكرا لك

[جهاد الشعلان]

الله يرحم الحال

صح لسانك يابوعبدالله

تقبل مروري

[الخنساء]

صح لسانك ملايين
لاهنت

[هترل]

هونها تهون الله كريم
صح لسانك يادكتور ملياراااات

تحياتي وتقديري

[حي الضمير]

صح لسانك ياعلم
ابدعت الوصف وعوايدك
لافض فوووك

[الزهير]

روعة حروفك العذبة الراقيه
صنعت درة نفيسه
صح لسانك
ولاهنت
اجلالي وتقديري

[الراقي]

نص رائع الجزاله
صح السانك مداد
دمت بِكُلِ مَوَدَةٍ