تعال داو الجروح الروح متلوفه

[نجم الإبداع]

عند الملاهـي وشـط البحـر شـي ثانـيوالـجـو هــادي بحـالـه غـيـر مـألـوفـه

قابلـت مضنـون عيـنـي يــوم ناجـانـياطـوي مسافـات بالاخـطـار محفـوفـه

كــن الـقـدر هيّـئـه والـحـظ صافـانـيفرحت من شوفت الغالي ومـن لوفـه

جـاد الهـوى قلـت ياحـي اللـذي جانـيخايف وانا قمت اهدّي الروع من خوفه

هـذاك خلّـي الـلـذي فالعـالـم اروانــيحـط المناكيـر ماحلـى لمسـة كفـوفـه

اللي اعشقهّ! من سنين احريـه لاقانـيوارتاح قلبي المعنـى مـن سنـا شوفـه

لـون العبايـه مـع الشنطـه والاجفـانـيرسمـه للابـداع دون الكحـل محصوفـه

لالا تلـومـون قلـبـي لــو لــه ادمـانــيضبي الجنوب التهامي فاقـت وصوفـه

غضيّـض القـد مـيّـل مـيْـل الاغصـانـييـوم انهصـر لاع ورده حـانـي قطـوفـه

رحبت مـن روح شـوق وقلـب ولهانـيوردّ بـاحـلـى كـــلام وذوق مـعـزوفــه

يومـي لمحتـه بغيـت اشـيـل الالحـانـيالييـن اجـاوب مشاعـر نفـس ملهوفـه

اول لقـاء واشتـرط والشـرط عنـانـيوانا اوفي العهد لـو قلبـي غلـى جوفـه

وحـذرت مـن كيـد وانـا ويــش درانــييمـكـن يمـثـل عـلـي الــدور واطـوفـه

حاولـت نبعـد وقـالـت عــار لاخـوانـيانـا وعدتـك بشـوف وتكـفـي الشـوفـه

قلـت ابشـري والخيانـه مهـرة الـدانـيماهيـب طبعـي ولا صوفـه ومعـروفـه

لكـن وش حيلتـي فـي شــوق منـانـيفي ليل يروي ضمـا لوعـات مصروفـه

هـي ربـع سـاعـه وحاكيـتـه وحاكـانـيقدّرت جيّـت حبيبـي واعـرف ضروفـه

ماجيـت محضـور لـوّه كــان بامكـانـيولا قـربـت الـحـرام وحِــلّ راشـوفــه

الا بنـظـره لـخـشـم وفـــم ولـسـانـيمنه العسل سال نفسـي فيـه واعوفـه

عشـنـا منـاجـاة روح وعــفّ الابـدانـياحلـى دقايـق مضـت فالعمـر وتلـوفـه

رهيفـت الحـس هــزّت كــل وجـدانـيمـن خوفهـا جالسـه جنبـي ومرجوفـه

لارّن جـوالــهــا تــهــتــز الاردانــــــيحتـى الجلكسـي تجـي رنتـه مـردوفـه

وان جيـت اناظـر وجنهـا رنـه اعمانـيوهي من الرنه مثـل الضبـي مخطوفـه

قلت اركـدي واطمئنـي معـك زهرانـييحميـك لـو يهجـم الليلـه هـل الكـوفـه

قالت ذي اختـي تطمـن ويـش لهوانـيلازم ترجعنـي اختـي الحـيـن مهفـوفـه

قلت اصبري قالت اصبر كيف وايمانيانـي علـى جمـر مـن فرقـاك ملفوفـه

ياشيـخ لـو يعـرفـون اهـلـي وجيـرانـيبانـي صدفتـك قضيـت العمـر مكتوفـه

لـكـنـي اوعـــدك يـاحـبـي وتـحـنـانـيلازم تحيـن الفـرص لاوراق مكشـوفـه

مــر اللـقـاء مــر لحـظـه راح خـلانـيوخـلا حيـاتـي عـلـى ذكــراه موقـوفـه

قولـو لخـلـي وبـعـده هـيّـض اشجـانـييجي يـداوي الجـروح ! الـروح متلوفـه

[الطائر المهاجر]

امتعتنا بهذه الباذخه
صح لسانك
ولاهنت
تحياتي وتقديري

[عيادة الجهيلي]

مليون صح السانك طال عمرك

[داعي الشوق]

طيب يا بو محمد طيب ..

دام فيها مناكير .. اكيد الشي يستاهل

من يلومك

وصح لسانك و دام ابداعك يا نجم

[عبدالله الشويمان]

الله الله الله

صح السانك يا ابومحمد

هز مشاعر المناكير..يا حبيلك..ههههههههه

على العموم قصيده مطوله وجزله يا الجزل.

دمت بخير وصحه وسلامه ولاهنت.

[عبدالله السويلم]

صح لسانك

جزلاله لاتقاوم


لافض فوك


تحياتي لك

[النداوي]

صح لسانك وعلى شانك
اكتملت روعتها بروعة ابداعك
لاهنت يالغالي
دمت بخير

[منيع]

ياسلام عليك
مبدع ورائع
شكرا لك
تحياتي

[بنت النور]

صح لسانك ابومحمد
امتعتنا بقصيده روعه في الاداء ماشاء الله
لاهنت تحياتي وتقديري

[شاكـر محمـد]

رووووعه
صح قلبك ...
..يعجبني أسلوب احمد الناصر السرد المتحرك
وانت هنا أسلوبك يشابه أسلوبه
تمتعت هنا وعشت الموقف

لك تقديري