كفنوها ودفنوها

[الـزلـزال]

بسم الله الرحمن الرحيم


في أيامكم ولياليكم أسعدكم الله وأتم عليكم فيها بالصحه

(( كفنوها ودفنوها ))

ماتت البنت الحنونه طيحت ذاك القناع = عقب ماشافت ضياع الوقت شافت سيته
كفنوها وادفنوها لا تقولون الوداع = ربما في يوم تحيا عقب ماهي ميته
كم تمنت كم تمنت تسكن ابيوتآ وساع = كم لها من حلم ضايع ترتجي في جيته
كم تشكت كم تبكت من يشدون الشراع = والمصيبه كل منهم شر قلبه بيته
ماقوت حل المشاكل ماقوت لف الذراع = لا قوت في درب ظالم كل دربه زيته
والمصيبه والمطمه يسمع وينكر سماع = والمطمه والمصيبه نارها هي فيته
ماخبرنا شخص يسمع مايقال ومايذاع = ثم يرقد مايفكر كيف ينقذ خيته
ماعليه المال عنده والبراري والمتاع = ماعليه عروق قلبه ماتشكت كيته
ماعلينا ماعلينا وش علينا في ضياع = (( بنت )) أبوها كل خيره كل ماله هيته
ذا كلام الأخ بيّع بيّع الي ما يباع = كيف باع وكيف باع وكيف ؟ ماهي نيته
ثم ردد يانوير ياسوير ياشعاع = وقام يرقص قام ينثر مال زادت غيته
وبعثت البنت الحنونه دورت ذاك القناع = مالقت غير الجحيد . وكيف عشتي ميته

[الطائر المهاجر]

جزل ومبدع
في قصيدة رمزيه ماعرفت افسرها
صح لسانك
ولاهان راسك
تحيتي واحترامي

[منيع]

مبدع ورائع
شكرا لكم
تحياتي

[ساهر الليل]

الله الله يالزلزال

صح نبضك وحرفك

ابيات رائعه جداا

فيها معاني لايدركها الا انت

تحياتي لك يا شاعر

[عبدالله السويلم]

الزلزال

صح لساااانك


زلزال وابداع وجزاله


لافض فوك


تحياتي لك يالغالي

[عبدالإله]

صح فكرك

صح بيانك

ودام حرفك ..

و صح السانك

[الـزلـزال]

الطائر المهاجر

تشرفت وسررت بمرورك الكريم
وزادني شرف طيب ردك رعاك الله
لك مني كل الشكر من الأعماق
على تشريفك المشرف وعلى ردك الطيب
صح بدنك ملايين ملايين
ولك فائق تحياتي وتقديري

[الـزلـزال]

منيع

شرفني تشريفك الغالي الكريم
وتشرفت بردك الطيب ياطيب
شكرآ لك وكل الشكر والتقدير
على تشريفك وعلى طيب ردك
لك فائق تحياتي وتقديري

[الـزلـزال]

ساهر الليل

كم هي سعادتي بتشريفك المشرف الغالي
وكم هو سروري بمشاهدة طيب ردك الطيب رعاك الله
لك مني كل الشكر وكل التقدير
على تشريفك المشرف وعلى طيب ردك الغالي على قلبي
صح بدنك ملايين ملايين
ولك فائق تحياتي وتقديري

[الـزلـزال]

عبدالله السويلم

شرفني وسرني تشريفك المشرف رعاك الله
وتشرفت بمعانقة ردك الطيب ياطيب
شكرآ وكل الشكر لك غالينا
على تشريفك المشرف وعلى ردك الغالي الطيب
صح بدنك ملايين ملايين
ولك فائق تحياتي وتقديري