ابرسم لوحة ماخالهابيكاسو بالصوت

[الطائر المهاجر]

ابرسم لوحة ماخالها الرسام بيكاسو=ولا حتى المُناليزا تضاهي فنها الراقي
ببسمات وجمال اللي من اوقات الرخاء قاسو= بلون الغيم في لجات همٍ بالصدر ضاقي
ونخله انحنت خوف من اللي للقدم باسو= على الجيران ما تبخل من احباب وعشاقي
وارانب تحتها تشكي من اللي لجحرها داسو=ولا احدٍ قال وش فيكم فلا مطعم ولا ساقي
وحصاني استأسدو ف الأرض في ظلماتها جاسو= وحرار الطير ما تلقى صباح فيه اشراقي
وخيول جامحه تبحث عن اللي بعدها هاسو=وصارو مثل خرفان تبي التعليف باغداقي
وذيابٍ انعمت باكل الفطيس وبعده انحاسو= فلا من ناب او مخلب ولكن كبر الاشداقي
وعباة تحتها صوره لمن رووا ومن راسو= وباعوا في ضمايرهم مثل بعران ونياقي
لاجل زهره ولو ذبلت ولو من قبلها عاسو = وشقوا في طريق المجد للرايات آفاقي
صور والوان لو نادت لمن في وحلهم خاسو= يجاوبها الحجر في صمت من لطمات الاخفاقي

[هترل]

وذيابٍ انعمت باكل الفطيـس وبعـده انحاسـو
فلا من ناب او مخلب ولكـن كبـر الاشداقـي


ياسلااااام يادكتور
رسمة لوحه شعريه باحساس فنان
صح لسانك واعتلا شانك مبدع كعادتك لاهنت

تحياتي وتقديري

[منيع]

مبدع ورائع
دمت بخير
تحياتي لكم

[عيادة الجهيلي]

انت غير يادكتور لله درك

[الراقي]

قصيدة راقت لي معانيها
صح السانك ملاييين

ورفع الله قدرك ولا هان شانك

[عبدالإله]

رائع بكل ما تحتويه الكلمه من معاني
صح السانك مليون ولا يسدوون
تحياتي لكــ ،،

[الطامي]

دكتور
صح السانك
ابداع متجدد لافض فوك
هيك الشعر يامعلم
لاهان راسك واحساسك
شكرا لك

[الـزلـزال]

الطائر المهاجر

رسم شعري مميز وجزل ومتقن
تفنن شاعرنا في رسم لوحته الشعريه بشكل متقن ومميز
أبدعت وأمتعت طائرنا
زد بتحليقك الشعري فهو يطربنا
صح لسانك ملايين ملايين
ولك فائق تحياتي وتقديري

[داعي الشوق]

صح لسانك يا دكتور ،،

قصيدة جريئه بمعانيها و نادره بقافيتها

ابدعت و صح فكرك

[الطائر المهاجر]

شكرا هتررل
على كريم المتابعه
لاهنت
تحباتي