بيتين على الطاير للطاير

[محمد بن عمار]

السلام عليكم /
بيتين على الطاير للطاير
و يسلم راسك يا بوعبدالله ،
على وزن قصيدة الطامي ولا يهون ...

يوم كل ٍ قام ، في عيد الوطن يمدح دياره = طاب لي أمدح دياري ، وآتمثّل بالقصيد
دارنا اللي في سماها مرتفع رمزالحضارة = راية التوحيد يغني ، شوفها عن كل عيد
قصة التوحيد ، وما فيها من فنون ومهارة = أ صبحت جزء ًمن التاريخ ، والمجد التليد
شيخنا عبد العزيز ، اللي بنى صرح الأمارة = وحّد أطراف الجزيرة رغم كل أنف ٍعنيد
ملحمة تأسيس ، والعالم بها ، زاد إنبهاره = خاضها خمسين عام ٍ لان له صلب الحديد
حدد الإسلام ، منهاج ٍ لها وأرسى مساره = مستمد ٍ من كتاب الله ، لها الحكم الأكيد
نجد يا ديرة هلي يبشر خصيمك بالخسارة = شايلينه عهد منا ، لك إلى يوم الوعيد

تحيتي وتقديري

[عبدالإله]

اجزلت بهذه الراقيه صح كلكــ وصح السانك

معاني طيبة بيض الله وجهك

احترامي و مودتي لك

[الطامي]

سلمت يابن عمار
ابداع في دار الجميع ومهبط الوحي
صح السانك ملايين ولا فض فوك
شكرا لك

[الراقي]

صح السانك

راائعه

وكلمات جميله

دمت ودام قلب ينبض بين اضلعك
..........

[ابراهيم غضيان الشراري]

صح الله لسانك يامحمد.

وطننا الحبيب الغالي يستاهل أكثر.

طاب مساءك وتقبل تحياتي.

[ساهر الليل]

صح لساانك يابن عماااار

جميل هذا الطرح وهذا البوح

وطنيه تستحق الاشاده

ورائعه انت راعيها

تقبل تحياتي

[الطائر المهاجر]

صح لسانك
ودام عز الوطن
تحياتي

[داعي الشوق]

صح لسانك يا بو عبدالعزيز

معاني غاليه في وطن غالي

ابدعت كعادتك يا مبدع

وصح لسانك مدد

و سلامي لك يا غالي

[الآكيد]

عساك ذخر فدا لهذا الوطن الغالي


صح لسانك على هذا الاحساس

[هترل]

صح لسانك يابن عمار مدد
ابدعت وامتعت لاهنت


ودي ,,