ما نستحي من ربنا ذا الجلالي

[عبدالمحسن الرحمه]

مـا نستحـي مـن ربـنـا ذا الجـلالـيندعـوه بالـحـاح ٍ يـسـوق الخِيـالـي

مـا نستحـي منّـه ولــي المخالـيـقوقلوبـنـا فيـهـا الحـسـد والجـدالـي

هــذا يـعـق أمــه ويقـسـي علـيـهـاوهـذا نسـى فرضـه ولا هـو يبـالـي

وهـذا أكـل مـال اليتيـم الصغـيـريوهـذا قطـع رحمـه سنيـن ٍطوالـي

وهـذا عـلـى جــاره مضـيـع بحـقـهيعامـلـه دايـــم بـشـيـن الفـعـالـي

يضـايـقـه دايـــم ويـــذي عـيـالــهلـو كـان لـه جــار ٍحبـيـب ٍمثـالـي

وهذا يسب الديـن ويضـى المشايـخومـوالـي ٍلـهـل الكـفـر والظـلالـي

وهـذا يلـوح بداخلـه ظـلـم قـاسـييظـلـم فقـيـر ٍ مــا بجيـبـه ريـالـي

ويظلم أجيـر ٍ تحـت أمـره وشـورةرواتـبــه مـــا يستلـمـهـن تـوالــي

والعنصـريـة فـرقـت كــل مسـلـممـا همـهـم أنــا مــن أفــلان آلــي

وهذا علـى لسانـه يسـب الصحابـةويسـب طـه خـيـر كــل الرجـالـي

وهــذا يـحـارب ربـنـا رب الأكــوانبمَ ضاربات السـوق نهـب الحلالـي

وهـذا مـنـع مـالـه يـزكـي حقـوقـهمالـي وأنـا حـر ٍ بتصـريـف مـالـي

والسحـر والغيبـة وقـذف التقيـاتونمـايـم ٍ فـيـهـا قـبـيـح المـقـالـي

وإسراف في الملبس وكل المأكـلما يشكـرون الله علـى كـل حالـي

ومـاكـن ٍفيـهـا السـكـر والـدعـارةلأهيـن بالمرقـص طــوال الليـالـي

وهـذا يسافـر لـم ديــار الفـسـادييطـب فـي بحـر الـزنـا مــا يبـالـي

والله ثـــمَ والله لــــو لا الـبـهـائـموالله مــا شفـنـا سـحـاب ٍ ثقـالـي

خلـونـا نـرجـع يــمَ ذاك الـزمـانـيمـدة سنيـن ٍٍصـدق يـاهـي خَيـالـي

يـوم ٍتشـوف النـاس فيهـم محـبـهويسودهـم رحمـه وكثـر السـؤالـي

هـذاك يسـأل عـن عمامـه وخـالـهفي وصلهـم يبـذل لهـم كـل غالـي

وهذاك مع أمـه سعـى فـي رضاهـايـحـبـهـا اول وحــاضـــر وتــالـــي

وأبـوه يـبـذل لــه جمـيـع التـعـاونمحزم علـى بطنـه لراسـه عقالـي

وبينـه وبيـن إخـوان دايــم تـواصـليازين بيـن إخـوان طعـم الوصالـي

وهـذا لقيـلـه واضــح ٍفــي كـلامـهومطهـره بالـصـدق مـآبـه خمـالـي

وهــذا لــه الـقـرآن دايـــم يـرتــليخشـع ودمعـه فـوق خديـه سالـي

ويـقـوم فــي ليـلـه يصـلـي لـربــهيرجـي فضـل ربـه عزيـز الجـلالـي

شالو ظـلام الحسـد عنهـم دوامـيخلو التعاطـف بينهـم طعـم حالـي

لا قالوا جانا الوسم شفت السحابييبـرق سحابـه فـوق ذيـك الجبـالـي

تـرعـد ويـنـزل خيـرهـا بالفيـاضـييفـرح كبارالقـوم ويـضـى العيـالـي

والـيـوم نـدعـوا مالقيـنـا استجـابـةبسـبـاب ذاكـرهـا بـــأول مـقـالـي

الأرض هــذي الأرض مـاهـي تغـيـرميـر البـلا مـن نـاس فيهـا هبـالـي

[الطامي]

العمر
صح السانك ملايين
رائعة جدا وهادفه
ولاكن وين القلوب اللي تعيها
شكرا اخي على امتاعنا بهذه ومثلها
لاهنت

[داعي الشوق]

صح لسااااااااااااااااانك مليووووووووووون يا عبدالمحسن

قصيدة طيبه و جزلة و هادفه

و الله يصلح الحال

و لاهنت يا مبدع

و صح لسانك مدد

****************

[بدر العيد]

مـا نستحـي مـن ربـنـا ذا الجـلالـي
ندعـوه بالحـاح ٍ يـسـوق الخِيـالـي
مـا نستحـي منّـه ولــي المخالـيـق
وقلوبـنـا فيـهـا الحـسـد والجـدالـي


صح لسانك وبيض الله وجهك تؤجر ان شاء الله على هذه الابيات

[الراقي]

صح فكرك

صح بيانك

ودام حرفك ..

و صح لسانك

[طوفـــان]

<< ذرفت دموع العين يومن تذكر الوقت وماضي الازمان والفرق بينهم في كل شي


صح لسانك ولافض وك أخي أبو مالك ...

بارك الله فيك وفي منطوقك

جزلة من رجلٍ وافي وجزل

[عمر ال شيبي]

واليوم ندعوا مالقينـا استجابـة

بسبـاب ذاكرهـا بـأول مقالـي

الأرض هذي الأرض ماهي تغيـر

مير البلا من ناس فيهـا هبالـي

بيض الله وجهك وصح لسانك
لين ترضى

قلت الصحيح والله المستعان

[منيع]

ابيات اكثر من رائعة
وتحاكي الواقع المرير
شكرا لك ولحرفك الراقي
تحاتي

[عبدالعزيز العمار]

رائع ياعبدالمحسن وجزل

صح لسانك وجاد بيانك

قصيدة هادفه وجزله

لاهنت ولاهان فكرك الجياش

تحياتي لك

[احمد الكثيري]

ماشاء الله تبارك الله تطرقت لكل شي
نص رااائع وجميل
لك تقديري