قصيدة في بنتي بعد الحادث ( الحمد لله )

[عبدالمحسن الرحمه]

البارحة   عيني   جزت    لذة    النوممغير  أفكر  واذرف   الدمع   منظوم

كله  أفكر   في   غلا   العمر   فطومسهران   ليلي   مالي   ألا    الشكاتي

ياويل    قلبي    ثم    ياويل     روحيمن  يوم  شفة  الدم  أببكي   وانوحي

ضميتها     والدم     منها      نضوحيوقبلتها     والدم     كاسي     شفاتي

الدم   كاسي   طوقها   مع    شعرهاوخدودها   مع    عنقها    مع    نحرها

عزي   لحالي   يوم    أناظر    نظرهالميت  راسي  مدري  ويش  السواتي

هليت   دمعي   مثل   وبل    الخياليماغير    أصفق    باليمين    الشمالي

كن   الحشى   هدّه   قوي    الرجاليكله   سبايب    بنتي    أغلا    أمنياتي

من   بعد   بنتي   حالتي   ما    تسليالدمع   في   عيني   وفكري    مولي

عجزت    أبصبر    ياهلي     ماحصليمالي   سوا   ربي   مجيب    الدعاتي

الليل   كله    ما    أهتنيت    بفراشيما  غير  أجر  الصوت  وأقول  ماشي

أوزع   أدموعي   على   الخد   كاشييا    الله    تلهمني    بحس     الثباتي

لاحدن  يكلمني  ترى  الفكر  مشغولمع  بنتي  اللي  خلت  القلب   متلول

من كثر هوجاسي غدا الجسم مشلولنسيت   مع   بنتي   حلات    الصلاتي

يا الله  يا  منشي  من  الغرب  همّاليا   منزل   ٍ    طه    وعّم    والأنفال

تلطف   بقلب    ٍذاق    هم    ٍوغربالتسوقه    الدنيا     لدرب     الشقاتي

يا  وجد  حالي  وجد  غايب  عن   أمهوده       يناديها       ووده        تضمه

بسباب    بعده    زود    البعد     همهيشكي  على  الخلاق   جزل   الهباتي

يا  الله   يا   رحمن   يا   خير   معبودياللي  جميع  الخلق  لك  ركع  سجود

تلطف   ببنتي   دمعها   حرّق    خدودمن   شدّ   ما   فيها   تعاف   المباتي

[داعي الشوق]

صح لسانك أخي عبدالمحسن

والحمدلله على سلامة فطووم

و الله يخليها لوالديها و يسلمها

ولاهنت يالشاعر

[عمر ال شيبي]

امين
وشفاها وعفاها الله
وصح لسانك

[الـزلـزال]

عبدالمحسن العمر

قصيدة مميزة ورائعه وجميله
حملت لنا مشاعر ابويه صافيه
أبدعت وأمتعت شاعرنا الراقي رعاك الله
دمت بخير ودامت فطوم بقربك بصحه وعافيه
صح لسانك ملايين ملايين
ولك فائق تحياتي وتقديري

[حي الضمير]

ابدعت الوصف شاعرنا
ومدد صح لسانك
مع دعواتنا بأن يحفظ الله ابنتك ويقر بها اعينكم

[الراقي]

امين امين

ربي يعافيها و يخليها لواديها

و صح لسانك و قلبك

[منيع]

ابيات رائعة ومعبرة
ربي يرعاكم
تحياتي

[الطامي]

العمر
صح السانك ملايين
والحمد لله عسلامتها
وماتشوف شر ان شاء الله
شكرالك ولاهنت

[حوريه]

الحمدالله على سلامتها
وصح لسانك مدد لا عدد
والله يخيلك ويخليها لكم
تقديري

[عبدالعزيز العمار]

صح لسانك ياعبدالمحسن وجاد بيانك

قصيدة وافيه وجزله والحمدلله على سلامة البنت .. الله لايريكم مكروه

تحياتي لك مع التقدير