|
يقـول الفتـى الجبـري بصافـي مثايـلـهتقل عيس روس اسنامها قـذال مايلـه |
من الحمر لا داسن على البيـد تشتكـياطيط الوطى من وطيهـن صـرّ عايلـه |
فخمسين حمرا شوق مـن لـو تزيدهـنالـى الالـف والالفـيـن والسـبـع نايـلـه |
لعينـا هـك العنقـا المـغـازي تشوقـنـيومثـلـي يــروم سهـيـل ويـفـزّ طايـلـه |
لعينـا اللتـي بعيونهـا الـمـسّ والسـحِـرمـعـارج سـمـاوات ومــن الله هـايـلـه |
تقـول انهـا مـن طهرهـا شافـت النّبـيوصابـت لهـا دعـوة فــلا هـيـب زايـلـه |
تحـوش المحاسـن كـل ابوهـا وترتقـيلبـدر الثـنـا والـعـزّ عــن شــرّ ظايـلـه |
تقـول انهـا مــن جـنّـة الخـلـد حـوّلـتوهايـب مـن المعطـي وهـذي جزايـلـه |
ابي خير من يمسح علـى الطّـود كفهـاويزهـر خـزامـى بـعـد سبعـيـن حايـلـه |
يليّـن لـهـا بــاس الحـديـد إن تمايـلـتيسـبّـح بحـمـد الــي خلـقـهـا ويـلايـلـه |
فـلا مثلهـا بـالـروم والـفـرس والتـتـرولا مـثـلـهـا بـقـحـطــان ولاّ بـوايــلــه |
أميـرة علـى كــل الحسـانـي بحسنـهـافهـي شـمْـس بــدر ٍ كـاثـراتٍ حلايـلـه |
ايـلا مـن حـكـت كــن اللئـالـئ بفمّـهـاوتنثـر جـواهـر كــل مــا قـيـل قايـلـه |
فيـا ثغرهـا البـسّـام عطـنـي علومـهـاعساها مـن الرحمـان فـي خيـر قايلـه |
واذا جـنّ ليـل ارجــاك يــا نــود هاتـهـاعـطـور الـسـنـا للهم والـغــمّ هـايـلـه |
فيـانـود هــذا اللـيـل مـاهـو بموسـمـهتعجّـل ؟ أو انّـه شعْرهـا قمـت اخايلـه |
تقـل ظلّـة ٍ غطّـى عـلـى الـجـو وبلـهـاودنّــا عـلـيّ بـــرد وســـلام ٍ همـايـلـه |
رعاهـا الولـي عـن كـلّ ماقـد يضـرّهـامن الحسْد وعيون ٍ لهـا المـوت شايلـه |
شمـالـيّـة الاعـــراف هبـسـيّـة الـهــوافلنسـيّـة الاشـــواق بالـقـلـب جـايـلـه |
ايلا احنـت الصبحـة وثـم طـاح شعرهـاتـقـل ســال شــلال ٍ يـدوفـع شلايـلـه |
ويــا وجهـهـا الفـتّـان قـــرّب وهـاتـهـاوخـصـر ٍ ايــلا جــت بالهويـنـا تمـايـلـه |
وقــرّب بـهـا سبعـيـن أنـثــى اقـلّـهـنتصير النسا في حدها هروش صايلـه ! |
وقــرّب بـهـا بـنـتٍ مــن الـنـور كنّـهـاتــلاوات صـوفـي بالـدّمـوع امتصايـلـه |
وقرّب بها الجـوزاء مـن الشّـرق باديـهتــدلّ الــذي بظلـمـى تــردّت دلايـلــه |
وقـرّب بهـا طهـر وخلـط عيـن رابـعـهومحرابهـا مـن دمعـهـا فــي مسايـلـه |
فـيـا مـهـرة العـاشـق ويــا درّة الحـيـاويـا قــرّة الملـهـوف خــوذي رسايـلـه |
علـى راس مشـرافٍ وبعيونـه الـرعـنوغـدرى بهـا سهيـل اليمـانـي عمايـلـه |
توجّـد وبعيونـه مـن الـشـوق مــا بـهـاوجمـر الغضـى تلسـن بجوفـه شعايلـه |
وبضلوعـه السرحـان والذيـب شـاهـدهفــلا نـامـت عيـونـه يـواسـي قتـايـلـه |
يجـيـه الـخــلاوي بـالـخـلاوي يـنـادمـهوعـن حـال ميثـا مـع منـيـع ٍ وسايـلـه |
فلا راشد بْمرشـد مـن الشـوق جندلـهولا هـو يـدلّ اللـي سمـا فـي خصايـلـه |
فتى هبس مضويها على سهيل والجديوتعـلـم كـبـار البـيـت نـافـل فعـايـلـه |
ايـلا ضاقـت بفرّيـس ربـعـه فجوجـهـميـفــج الـصّـفـوف ولا يـخـلّـي قبـايـلـه |
ويـلا جــنّ ليـلـه والـصـلاوات سلـوتـهتـغـنّـى بـذكــر الله وعـــدد فضـايـلـه |
واذا شـاف نجـم الصبـح والنـود بـخّـرهتـنـهّـت وفـــدّى بالحـبـيـبـة حـمـايـلـه |
جـرى حبّهـا بعـروق جسمـه وخالـطـهمـع الـدّم وفـي قلبـه حمتـهـا نصايـلـه |
ضلوعـه لهـا حصـن و خفوقـه مقـرّهـابهيفـيّـة ٍ غـنّـت لـهــا الـــروح عـايـلـه |
تـدورج لهـا الـكـدري شبـيـه ٍ بدرجـتـهلطـيـف ٍ قـدمـهـا مـــا تـنـثّـل نثـايـلـه |
لهـا الحـور غـنّـن كالوصيـفـات حـدّهـايشيلـن لهـا قـاف ٍ بـهـا قـمـت قايـلـه |
يغـنـنّ وكــنّ خـدودهــا أول الـغـسـقخجل طفلة ٍ داخت من الشّـوق سايلـه |
يمـرّ الهبـوب بشـوق يمـسـك كفوفـهـاويحلب سحاب (ا) مّموشطات ٍ جدايلـه |
تخالـط بقذلتهـا مـن المـسـك والـوبـلوفـــاح الـعـبـيـر بوجنـتـيـهـا هـلايـلــه |
ونــوّر زميّمـهـا كـمـا بـــارق الـوســمعلـى قنـوف وجنتـهـا تـبـدّت مخايـلـه |
تنـفّـس نــوار الـفـمّ واتفـتّـق الـزهــرتـقــل ديـدحــان ٍ بشْفتـيـهـا دخـايـلــه |
هـبـوب الـهـوا يـهـواه هــاوي عيـونـهـافتى هَبـس مـن روس النوايـف نزايلـه |
يبشّ الخفوق لشوفهـا كـل مـا اقبلـتمـحـال الفـنـا والــروح لـلـروح آيـلــه |
عليهـا مــن الرحـمـان تسلـيـم والثـنـاوذكـر ٍ لهـا فــي مجـلـس الله طايـلـه |
لهـا مـن الإلـه الحـب والـودّ والرضـىوابلـيـس خــاب مْقـطّـعـات ٍ حبـايـلـه |
فداهـا الـذي ماقـد فــدى غيـرهـا بـهـاولا يـذكـر المشـتـاق مـاضـي جمايـلـه |
عليـك الله ان الحـب والشـوق جابنـياسـابـق خـفـوقـي مـرتـيـن وأحـايـلـه |
لهوفـن علـى ضمـة ضلـوعـك يشمـهـاونـا لهفتـي شــوف العـيـون وهوايـلـه |
تمنّـى الفتـا الجبـري بجـزلاتـه المـنـىلقا ، مـن لهـا سمنـت وراجـت هزايلـه |
سلامـي علـى عيـطـا كنيـنـي مقـرّهـالهـا القلـب ركـن وحـب وأبّ ٍ وعايلـه |
تمنـيـتـهـا قــربــي وعـيـنــي بعـيـنـهـاتنفّـس واكـنّ المسـك بـازكـى نفايـلـه |
تبـسّـم عـيـون ٍ دونـهـا صـافـي الـهـواوســودٍ مظالـيـلٍ عـلـى الـخـدّ مايـلـه |
|
17-08-2011, 03:25 AM
المعـــارج
رد: المعـــارج
