اركد يامال الهندري (التحقيق مع ريال)

[الطائر المهاجر]

سمعت   تال   الليل   صوتٍ   ينادياصحى يانايم فانت  يالطير  مطلوب

واتبع  صدى  صوته   بثقل   وركاديوالقاه طالع من وسط خشل دالوب

وافتحه  في  سرعه   ادور   مراديواسمع  ونينٍ  خافتٍ  تقل  مكروب

واقرّب    اكثر    للهدوم     الجدادياللي لهن خمسة عشر عام  بحروب

كلٍ     يبيني      البسه      للكداديوانا  ابي  يصبر   وابدله   في   روب

يومٍ  لقيت   الصوت   بعد   اجتهاديطالع  من  المخباة  والثوب  مقلوب

واثره    ريال     مختنق     بارتعاديمسجون من شهرين والنور محجوب

يقول   انا   مظلوم   وانت   برقاديوكلما ابي  اطلع  تجي  انت  بعجوب

تحقق   معي   حتى   تزيد    انتقاديوتقول  اقعد  فانت  للرزق  مندوب

يجي معك صاحب  وصاحب  مفاديحتى تصيروا  اربعه  وضع  محسوب

تستانسو   بلعب    البلوت    بْوداديوالاّ  قلبتوا  صن  في  لعب  متعوب

وش   فايده   برا   بوقت   السواديمحدٍ   يقدركم   ولا   عنده   اسلوب

يشري  بكم  ببسي  ولو  هو   براديولاّ  حلاو  لورع   يوصخ   به   الثوب

ومن  يد  نشيط  لْيد  نشيط  معاديولا تستقر ودوم في وجهك  شحوب

اركد  يامال   الهندري   وين   غاديالسجن ارحم من  جيوبٍ  بها  ثقوب

[داعي الشوق]

ههههههههههههه

حلوه يا بو عبدالله

وصف دقيق لسيناريوا محكم

لله درررك يا مبدع

و صح لسانك

ولاهنت

[صعبة المنال]

اركد يامال الهنـدري ويـن غـادي
السجن ارحم من جيوبٍ بها ثقـوب

صح لسانك وحرفك

دوم متميز

دمت ودام فكرك

صعووووب

[عبدالعزيز العمار]

هههههههههه مسكين هالريال ياخي اعتقه وهو ابخص بحاله

صح لسانك يالعود حتى الريال ماسلم هههههه

مبدع ورائع في كل حالاتك

تحياتي لك

[كظيم]

ابو عبدالله
صح لسـانك وفكرك ياراعي الحكمه والجزالــه
ابدعت في سردك ونظمـك
ابيـات اعجبتني لما حملتـه من معنى
تقبل مروري المتواضع لاهنت
ودي وتقديري

وتقول اقعد فانت للـرزق منـدوب

[منيع]

ههههههههههه
تسلم يادكتور حوارية ساخرة والبيبسي تعدى الريال
تحياتي لكم

[زهرة اللوتس]

تحقق معي حتـى تزيـد انتقـادي
وتقول اقعد فانت للـرزق منـدوب

يجي معك صاحب وصاحب مفـادي
حتى تصيروا اربعه وضع محسـوب

تستانسو بلعـب البلـوت بْـودادي
والاّ قلبتوا صن في لعـب متعـوب

وش فايده بـرا بوقـت السـوادي
محـدٍ يقدركـم ولا عنـده اسلـوب

فكاهيه جميله
صح لسانك وفكرك
لاهنت
تحية طيبه

[الخنساء]

يـشـري بـكـم ببـسـي ولــو هـــو بـــرادي

ولاّ حــلاو لــورع يـوصـخ بـــه الـثــوب

ومــن يــد نشـيـط لْـيـد نـشـيـط مـعــادي

ولا تستقـر ودوم فـي وجهـك شـحـوب

اركـــد يـامــال الـهـنـدري ويـــن غــــادي

السجـن ارحـم مـن جيـوبٍ بهـا ثـقـوب

صح لسانك مليووووووون ولايكفوون

قصيدة جزلة من شاعر متمكن

سلمت وام حرفك

[جهاد الشعلان]

ماااشاء الله عليك يااابوعبدالله

حتى الريااال ماسلم

شكل العيااال لاهين في الدراسه وانت مروووووق

جعله دوووم ان شاء الله


صح لساانك وكلك ياااخالي

[نجم الإبداع]

ثقووووووووووووووووب

صح لسانك يابو عبدالله

مصافحه طيبه

لاهنت

تقبل مروري

وتقديري