يقول الراوي اللي سار جزل القاف في طوعه
 

[poem=font="Simplified Arabic,6,white,bold,normal" bkcolor="black" bkimage="" border="double,9,sienna" type=2 line=0 align=center use=ex num="0,black"]

يقول الراوي اللي سار جـزل القاف في طـوعه=تقول انه على نـبـع القوافي تسجـع اوتاره
دواوين العرب كـنـه بوسـط الصدر مطبوعه=وتشهد له رجال الصدق فـي عـبـده وسنجاره
زهور القاف في روضة ضميره تقل مزروعه=واذا دارت دوالـيـب القوافي يلـقط اثماره
يحـوز مـن القوافي ساس نـبـع القاف وفروعه=وجاشـه ضاري وسـط الـبـحـور الهوج واخطـاره
قوافي ضامرن خـالـف كـثـيـر الـنـاس بطـبـوعه=ولا يـبـنـي عـلـى تـقـيـيــم نـاسـن بالـعـرب غاره
ظعونه مامـشـت تـتـلـي هـزيل الحـرف ونجوعه=واذا عـطـشـت حروف القـوم جاشـه يفجر انهاره
عقب ماشاف شعر الناس ضمـن شراه وبـيـوعه=وهذا هو سبب قـلـة حـلاه وطـيحـة اسعاره
يشوف اللي نظـم بيـتـيـن والقيفان مصروعه=يعاند من غدى مـنجـم جواهرها وبيطـاره
يحـسب الشعـر عـسـر القاف مهما ضاع منفوعه=وقافن بايخن مـعـناه قافن طـاح مـقـداره
وطول الـقاف مايـشـفع لشعرن ضاع موضوعه=اذا ماكان يـبـدع مـن فـنونه شـان تكراره
كثير من العرب صارت بقـولـة عـاش مخـدوعه=لانه شـاور اللي بالـعرب ماتصدق اشواره
وترى القيفان ماتكـسـر رجـالـن دوم مرفوعه=ولا ترفـع ردي الناس مـهـما زاد ديناره
لك الله لو حروف المدح والـشعار مجـمـوعه=فلا تقدر تغطي ضوح شـمـس القـيـظ وانواره
كريم النفس مـهـما قـيل يبقى طـايلن بوعـه=وراع الطيب مايهـفـيه عــج الصيف وغباره
وترى اللي يهـفـي المخلوق ذل النـفس وخـضوعه=وقول الشعر عـنـد اللي يـتـابـع صوت مزماره
حلا القيفان لاصارت بنار الـضـيـم مدفوعه=وتـنـبـع من عروقن فـات لـه عامين منهاره
يقول الشعر من يرجف خـفـوقه زايدن روعه=وخايف من زعـل حاكم وقاله يـشـرح اعـذاره
او اللي ضاق بهروجـن بكـذب الناس مـشـفوعه=يبي يكشف لخـلق الله ردات الكذب واضراره
او اللي مات له غالي مـن الـدانـيـن بربوعه=حزيـنن لاطرى زوله يهـيـض الجاش باشـعاره
او اللي حالته مـثـلي قضى لـيـلـه على كوعه=سـبـايـب عـندلن وسط الضماير تلـتـهـب ناره
هنوفن في ربيع الـعـمـر سوداء عين مربوعه=عـيـون الريم وخـدوده بـيـاضه تقل جـماره
خذت عقلي وحـطـت في خفوق اهل الهوى لوعه=ولا ادري وش سـبب غـيـبة علوم الزين واخباره
اراجي شوفته حـزة غـياب الشمس وطـلـوعه=الا واجرح مـن يشكي هـمـوم الغـبـن بدياره
جحيم النار في روحن بهجـر الـولف مـفجـوعه=تنام الـنـاس وهجـوسي بوسـط الصدر محـتاره
بروحي جمرتن تمـنـع رقـود العين وهجـوعه=مع ان الياس غامـرنـي مـن الغـالي ومـسياره
طفت عقبه مصابيح الحـشـى والروح وشـمـوعه=وشـفـت النار في قـلـبن شكى مـن قلة انصاره
اصيح وصيحـتـي ماهي لراع الطيب مـسـموعه=زمانن صار جار الـبـيـت يجهل وش بلاء جـاره
واخبر الجار مايـشـبع وجاره يـشـتـكي جوعه=وهذا طـبـع مـن يتـبـع كرام الناس وخـياره
هموم الناس في مـالـه وطـيـب انـتاج مـشـروعه=ولا هـمـه قريـبـن صاح يشكي حر مـسـماره
واذا صارت خصال الـطـيب بين الناس مـقـطوعه=فلا تصبر بـدار الظـلـم والحاسـد ومنـشاره
ترى الارزاق من دار الحسد والـظـلـم مـنزوعه=ورزقك من كفوف اللي يغـيـث الـقـاع بامطـاره [/poem]

رد: يقول الراوي اللي سار جزل القاف في طو
 

الأخ العزيز الشاعر / فواز الغسلان
بقدر روعتك يكون الشعر ..
لك ولقلمك كل التحية والتقدير
صح لسانك وجاد بيانك
ولا تحرمنا من ابداعاتك المتميزه
دمت بخير حال
أخوك / بن ماضي

رد: يقول الراوي اللي سار جزل القاف في طو
 

ترى الارزاق من دار الحسد والظلـم منزوعـه
ورزقك من كفوف اللي يغيث القـاع بامطـاره

سبحانه

صح السانك اخوي فواز قلت فافصحت وافدت

بهذه الجزله اللي ما تطلع الا من جزل مثلك وشرواك

دمت بخير ولا هنت

رد: يقول الراوي اللي سار جزل القاف في طو
 

[COLOR="Teal"]فواز الغسلان

معانى أتقنت ريشتك رسمها بكلمات قمه فى الرقى و الإبداع
دمت و سلمت و غنمت[/COLOR]

رد: يقول الراوي اللي سار جزل القاف في طو
 

[B][size=4][font=Courier New][align=center][poem=font="AGA Juhyna Regular,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
كريم النفس مهما قيل يبقـى طايلـن بوعـه=وراع الطيب مايهفيه عـج الصيـف وغبـاره[/poem]


[color=#006600]فواز الغسلان[/color]


صح لسانك مليون


درر من الشعر وأنت راعيها


أتيت هنا لأبدي اعجابي بما جادت به قريحتك


تقبل تحياتي [/align][/font][/size][/B]

رد: يقول الراوي اللي سار جزل القاف في طو
 

بيض الله وجهك



أنا أشهد إنه هذا الشعر



رائعه خلفها الأروع

لله درّك



على هذا الحضور

رد: يقول الراوي اللي سار جزل القاف في طو
 

[quote] دواوين العرب كنه بوسـط الصـدر مطبوعـه
وتشهد له رجال الصدق في عبـده وسنجـاره[/quote]
شاعرنا القدير فواز الغسلان
كل يشهد لك
صح لسانك ولاهنت على هذه الجزله يالجزل
وبيض الله وجهك

تحياتي

رد: يقول الراوي اللي سار جزل القاف في طو
 

الاخ/فواز

صح لسانك واعتلى شانك
والكمال لله
دمت بخير حال

رد: يقول الراوي اللي سار جزل القاف في طو
 

لسانك اخي الشاعر فواز
لاهان را سك قصيدة رائعه
سلمت وسلم شعرك
دمت بخير

رد: يقول الراوي اللي سار جزل القاف في طو
 

[COLOR="DarkRed"][B][I]


صح لسانك يالشاعر فواز الغسلان

جزله من جزل

ورائعه من شاعر رائع

معاني وحكم وعبر

صح لسانك والله يا فواز

مع التحية لك ،،،[/I][/B][/COLOR]