سبب تغيّبي عن الاحتفال!قصّة وقصيدة

[ماجد الزيد]

سبب تغيّبي عن الإحتفال باليوم الوطني
-لأنّه احتفال حضرهُ الجميع !! إلا وطني لم يكن متواجد.


للتحميل

زدني عذابن ياوطن محلى العذاب امن الوطن=زدني لك الله لشربه شهدن ولا تتأنبي
يديك عليا ياوطن والله منظر وش عطن=موتي لو تمده هلا بالموت الاحمر عنّبي
اقدام رجلك ياوطن في كل رمضائن وطن=تفطرن بالقيظ قرنن ونت تجمع مانبي
من يجحد العود اللذي لملم ديار اتفرّطن=حتى جمعها الله امن ٍ له على دعوى نبي
شيخ العرب عبد العزيز اسف غيت ابها رطن=الا ملك كل العرب ون هزّت اذن الارنبي
يالعود ليت انّك تشوف حقوقي اللي قرّطن=اكل تراب ولا اقول اللي يسرّ الاجنبي
تراب يا محلى تراب الدار للعقل الفطن=اصبر مدام ان العدل له سيف ابي يستنّ بي
هذا الوطن ما اكرهه لو سامني هذا وطن=اموت له موت الشجاع اموت له لو ظنّ بي
انت الوطن ضيمك على كبدي حمولة الف طن=لكنها منك عسل زدني ولا تتأنّبي
الكون كله ياوطن ماهزّلي قبلك خُطن=غيرك ميتْهقوى يهزّ طْريف شعره بشنبي

[حي الضمير]

الشاعر الكبير ماجد الزيد
مبدع دائمآ وهذه الشامخه تظاف لروائعك
وصح لساااانك مدد يانجم

[منيع]

كان الله في عونك
صراحة بهدله وضياع حقوق
ونشب في حلوقهم مثل مايقولون
وماضاع حق وراه طالب
وخل الوالدة تدعولك بتسهيل امورك
وان شاءالله تفرج
تحياتي وتقديري

[عبدالله البهلولي]

صح لسانك

وكنت اتمنى لو وضعتها

كتابة بعد

مودتي وتقديري

[محمد عبدالله البدراني]

العزيز الغالي اخي ماجد الزيد سلمها الله


الف الف الف مليون صح السانك


ياراع الجزلات ماتجيبها الا جزله


لاهنت وبيض الله وجهك


تحياتي
مع اسمى ايات الشكر والامتنان فائق التقدير واطيب المنى رعاك الاله

[حرف وشعر]

الشاعر ماجد الزيد


صح كلك00

[عذب القوافي]

صح لسانك

أخي ماجد

نص مؤلم

وماتضيق ألا تنفرج يالغالي

سرولاتتوقف رعاك الله

تقديري,,,,,

[احمد الكثيري]

هذا الوطن ما اكرهه لو سامني هـذا وطـن
اموت له موت الشجاع اموت له لو ظنّ بـي
انت الوطن ضيمك على كبدي حمولة الف طن
لكنهـا منـك عسـل زدنـي ولا تتأنّـبـي

سلمت على هذا الابداع الجميل والرحوف الرائعه
في الوطن الغاااالي
لك تقديري

[زهرة اللوتس]

المشاركة الأصلية كتبت بواسطة ماجد حمد الزيد

سبب تغيّبي عن الإحتفال باليوم الوطني
-لأنّه احتفال حضرهُ الجميع !! إلا وطني لم يكن متواجد.


للتحميل

زدني عذابن ياوطن محلى العذاب امن الوطن=زدني لك الله لشربه شهدن ولا تتأنبي
يديك عليا ياوطن والله منظر وش عطن=موتي لو تمده هلا بالموت الاحمر عنّبي
اقدام رجلك ياوطن في كل رمضائن وطن=تفطرن بالقيظ قرنن ونت تجمع مانبي
من يجحد العود اللذي لملم ديار اتفرّطن=حتى جمعها الله امن ٍ له على دعوى نبي
شيخ العرب عبد العزيز اسف غيت ابها رطن=الا ملك كل العرب ون هزّت اذن الارنبي
يالعود ليت انّك تشوف حقوقي اللي قرّطن=اكل تراب ولا اقول اللي يسرّ الاجنبي
تراب يا محلى تراب الدار للعقل الفطن=اصبر مدام ان العدل له سيف ابي يستنّ بي
هذا الوطن ما اكرهه لو سامني هذا وطن=اموت له موت الشجاع اموت له لو ظنّ بي
انت الوطن ضيمك على كبدي حمولة الف طن=لكنها منك عسل زدني ولا تتأنّبي
الكون كله ياوطن ماهزّلي قبلك خُطن=غيرك ميتْهقوى يهزّ طْريف شعره بشنبي

ما ضاع حق من وراءه مطالب
وكم من الحقوق مهضومة
في عالمنا اخي
لا يسعني وانا اتصفح او
بالاحرى اقراء قصيدتك
الا ان اقف وقفة اجلال ا وحترام
لشخصك ولمواقفك الشجاعة
فهذه الملحمة تخاطب العقل والضمير
كما هو الحال في جل ما قرات لك
واتمنى من كل قلبي
ان توجد هناك ضمائر
يقضة لكي تستوعب
الخطاب
تقبل اخي
تقديري
وودي

[ابو أنس]

الفاضل ماجد الزيد....................
في كل مرة اسمع رائعة من روائعك أقف احتراما لجماليات نصوصك
واقف استعذابا لجمال القائك الحماسي الرجولي الفذ

قلتها قبل ذلك وأقولها مرارا ........
أنني أجد الرهبة قبل الدخول الى نصوصك الباذخه وأحاول ان أكون خالي البال لأستمتع بما أقرأ
ولا أقول سوى انك مبدع ممتع مقنع
لك كل الشكر وعاطر تحياتي