يقولون الولد لامه الا ياويل من ضمه

[الطائر المهاجر]

https://www.youtube.com

يقولون الولد لامه الا ياويل من ضمه=مقوله قالها الأول ينبّه غافل التالي
مدام انه بحجر الأم يرضع من حليب امه=معه يرضع طبوع الأم من مر ومن حالي
واذا منه كبر تلقى البعض ماشي بلا يمه= معاها دايم حتى ولو بافعالها خبالي
يردد ما تبي كنه مبرمج برمجه جمه = مثلما الببغا تردد كلام الناس طوالي
واذا من صار بين ابوه وامه لو بعض غمه= بدت في عذربة رجالها لو كان رجالي
تولد كره في نفس الولد من كثر ما تذمه= ويكبر كاره لابوه في حل وترحالي
ولكنه اذا احتاج يجي له راكض يمه= ويشكي له ظروف صعبة تحتاج للمالي
واذا منه اخذ حاجته عطاه الظهر ماهمه= ولو جاه الخبر انه مريض عنه مايبالي
حريم بوقتنا تنتج طبول بعضها خمه=فلا من دين او مبدا ولا من طيب الافعالي
حريم ناتجه عن وقت مادي ماعرف ذمه= تبي الرجال آلة صرف بالدولار لا ريالي
يغض الطرف لو شاف المره جابت له مطمه=يمشي امرها لو هو غلط في كل الاحوالي
مثل هذي تبي دقم يعدل مايل الرمه = والا شوتها فالباب ياسع سبعة جمالي

[منيع]

جزل ومبدع
كل الشكر لكم
تحياتي

[بنت النور]

الله الله عليك
كلمات في قمة الروعه
وصح لسانك وعتلى شانك
لاهنت
تقديري لسموك

[الطامي]

صح السانك يادكتور
كلام سليم جدا
بحكم ان الأم مقيمه بالمنزل دائما

ولاكن الدنيا بخير
وتجد من الاولاد من يوازن بين الوالدين

[داعي الشوق]

هههههههه الله يصلح الحال يابو عبدالله

والدنيا تبي صبر

وصح لسانك و اعتلا شانك ياجززل

ولاهنت

[عبدالله ال سعد]

صح السانك

قصيده جزله وجميله

[الطائر المهاجر]

شكرا منيع
على كريم المتابعه
لاهنت
تحياتي

[صعبة المنال]

مدام انه بحجـر الأم يرضـع مـن حليـب امـهمعه يرضـع طبـوع الأم مـن مـر ومـن حالـي
صح نبضك
الام هي خط الدفاع النفسي الاول .. تخيروا لنطفكم

[الطائر المهاجر]

شكرا بنت النور
على كريم المتابعه
لاهنتي
تحياتي

[الطائر المهاجر]

شكرا الطامي
على كريم المتابعه
لاهنت
تحياتي