(وين يالحوثي)ايام حربنا مع الحوثيين

[مشعل التريباني]

بسم الله الرحمن الرحيم

الشاعر\مشعل عسام التريباني الشمري
((وين يالحوثي)


وين ياالحوثي على وين ياالخصم اللدود (1) لاتجـــــي لحدودنا ثم نلعـــــــن لك ثواك

الوطن دونه رجالٍ علــــــى حدّه حشود (2) يمسحونك من على القاع مار ارجع وراك

مانعـــيل ويابليــــنا بمـــا نمـــلك نجـود (3) دامنا حيين دون الوطن تقصر خطـــــــاك

الوطـــن ما يقربونه ضعيفين الجهــــود (4) لاتمد ايديك يم الوطن نقطــــــــع يـــــــداك

ياوطنا دام عزّك رغم خشم الحســــــود (5) نفتدي بارواحنا كــل شبرٍ من ثــــــــــــراك

رفرفـــي ياراية الحق فـــي راس العمود (6) رفرفي ياراية الحــــــــــق والله يحمــــــاك

محتمينٍ دارنا من علــــــى عهـد الجدود (7) بالضروف القاسيه دايمٍ نحمى وطـــــــــاك

ياوطنا مابنا مـــن جبان ولاشـــــــــرود (8) نرخص الارواح لجلك ونهزم من بغـــــاك

نرخــص الارواح لجلك وهمّتـــنا تزود (9) نرخص الارواح لجـلــك الى حمّرسمــــــاك

كلنا يامهــبط الوحـــــي عن حدّك نذود (10) مالنا وارواحنـــــــا ياوطنا من فــــــــــداك

كلنا في حــــزّت الحرب للواجب جنود (11) كلنا نارٍ توقّد على منهــــــــو نــــــــــــواك

كلنا الحد الجنوبـــــــي ولاعنها صدود (12) كلنا الحد الجنوبي الـــــــى نادا نـــــــــــداك

كلنا نفـــــــداك يادارنا مـا به قـــعـــود (13) امنا الي تحتضنّا ويخسا الـــــي عصــــــاك

امنا الـــــي تحتضـــنّا ولافينا جحـــود (14) امنا الي تحتضنّا ولاننســـــا عطـــــــــــــاك

انعمـــي يادارنا فـــي ذرا نسل الاسود (15) ابو متعب راعي الخير في خيره حـــــــواك

صيرمـــيٍّ ساطــيٍ من صواريمٍ فهود (16) وافيٍ ضرغام حلحيل عنــــــد الاشتبـــــــاك

هو ملكنا الي رضيناه واخوانه عضود (17) من خرج عنهم عسالله يعطيـــــه الهــــــلاك

قادة الامّه الــــى حان قد حات الزنــود (18) قادة الامّه حلاحيــــــل وقــــت الارتبــــاك

حاكمينه بالشريعه وخــــــيراته تــزود (19) والعلم في كلمة الحق رفرف بـــه هــــــواك

كلنا ننعم تحـــت حكمكم يال الســـعــود (20) كل شعبك يابو متعب بطوعك ماعصـــــاك

[داعي الشوق]

صح لسانك مليوووون

قصيدة جزله من جزل يا مشعل

و يسلم فكرك

ولله يحفظ بلادنا و اوطان المسلمين

و لاهنت يالشاعر

[مشعل التريباني]

داعي الشوق
شكرا لك على المروروالاطرى الله لايهينك

[عبدالله الشويمان]

صح لسانك يا اخ مشعل وبيض الله وجهك..

نص جزل يا الجزل..عانقت النجوم..

دمت بخير ولا هنت

[الطامي]

التريباني
صح السانك ملايين
ابداع لافض فوك
لاهنت

[هترل]

الله يديم علينا الامن والامان وينصرنا على المجوس اعوان اليهود

صح لسانك شاعرنا القدير مدد
جزل ومبدع بيض الله وجهك


تحياتي وتقديري

[عبدالمحسن الرحمه]

صح السانك شاعرنا القدير والله يحمي الوطن

[مشعل التريباني]

عبدالله شويمان
الطامي
شكرالكم جميعا على المروروالاطرى الله لايهينكم

[منيع]

جزل ومبدع
ودام عزك ياوطن
شكرا لك
تحياتي

[مشعل التريباني]

هترووول
عبدالمحسن العمر
منيع
شكرالكم جميعا على المروروالاطرى الله لايهينكم