الامام ابو متعب

[ناصر عبيد الهواوي]

ابتـدي رد التحيةعلـى الربـع الحشـام=ردةٍ يظفي شذاهـا عليهـم قبـل اجـي
طائفي الورد مع مسك مع ريـح البشـام=خنته تشرح صـدور الرجـال وتبهجـي
كل عام بخير وامـن ومسـرات وسـلام=بامر من كـلٍ لعفـوه وفضلـه يرتجـي
نشكره يسـر لقانـا بعـد مـازل عـام=من لقانا العام الايام قـال الهـا ادرجـي
يايراع اكتب على الطرس من جزل الكلام=واحذر الهزلة وسقـط المعانـي لا تجـي
هاجسي وين انت وقت اللزم خلـك تمـام=خلنا مـع ليـل بـدع المثايـل ندلجـي
وحلقي بي يا قريحة علـى متـن الغمـام=صوغي المعنى من اغلى الجواهر وانتجي
ويا لساني قل بربعك ولا تخشـى مـدام=ماتقـول يوافـق افعالهـم لاتحـرجـي
عزوتي يـالاد ناصـر رفيعيـن المقـام=كل حرٍ ضيغيمي قاسـي البـاس ابلجـي
مكرمين الضيف والجـار للعايـل كعـام=زبن مضهودٍ من اعداه جاهـم محرجـي
قرنة ال مزحم وروقـة متيهـت الجهـام=وفي عتيبة لا مشوا عدلوا كـل اعوجـي
وللقبايـل كـل قـدر ومعـزة واحتـرام=غمط حق الناس اجنب مسـاره مدرجـي
ونحمد اللي عزنا يالامـام ابـن الامـام=ابو متعـب كـل خايـف بظفـه يلتجـي
خادم البيتين رجـل الحرايـب والسـلام=يعربي الاصل حصنٍ ال موطنـا حجـي
يحكم بسنـة محمـد ولا يخشـى مـلام=حط شرع الله مسـار ونظـام ومنهجـي
وابو خالد من لجا في جنابـه مـا يظـام=كل كربة بـاذن ربـه يجيهـا تفرجـي
اليتامـا والأرامـل الفقـده مـا تـنـام=وفاقده عـودٍ اضعيّـف ويبكيـه العجـي
عودته لو هي بالأرواح لو غليـت تسـام=كل ما تملك عتيبة فـداً لـه لـو يجـي
ولا احتكم نايف من الغيظ واستل الحسـام=وصاح في كل اصيدٍ بالسـلاح مدججـي
شب نارٍ فوق روس الرعاع الها ضـرام=لجل ارانب هالمسارب بسرعـة تنفجـي
الكرم والحلم ماهـو يفيـد امـع اللئـام=يستفيق الى انسدح في دمـاه مضرجـي
شلـة الشيطـان يالله عساهـا للـعـدام=اخرجي يافلول الارهاب للقتـل اخرجـي
ذبحة المسلم ودمـه لهـم قصـد ومـرام=في هدم ما شيد لجل الوطن وش ترتجـي
ومن جزال المدح سلمان مسهمه السنـام=في سما العز وفضا المجد جاله معرجـي
فالقسى ليثٍ غضنفر يشـد ابـه الحـزام=وفالرخا غيثٍ غشى نجد سيلـه يرهجـي
درع دولـة شامـخٍ لايـرام ولا يـهـام=وحربته لو لامست خُصم خَصمٍ ترعجـي
ورجل الأمن بحق صدره يليق ابه الوسام=ابصر الأعمى فعوله وسمـع الأصنجـي
اثبـت انـه فالشديـد بطـل قـد المقـام=قال ياموت استرح وإن دعى داعيك اجي
ختمها صلوا على المصطفى خير الأنـام=وكل صحبه من مهاجر واوس وخزرجي

[فارس القوافي]

بيض الله وجهك ياناصر

صح لسانك

لاهنت

يعطيك العافية

دمت بخير

[عذب القوافي]

نص وافي ياوافي

وليه غريبه على شاعر ٍ مثلك

صح لسانك

مودتي ,,,,,,,

[احمد حامد الزايدي]

ناصر الهواوي

/

صح السانك وزن حالك وفالك الطيب !

نص شعري رائع من روعة شاعره !!

لك فائق الود والتقدير !

[حي الضمير]

صح لسانك
قصيده رائعه وابدعت بارك الله فيك
أجزل التحايا والاحترام

[عبدالله راشد الثويني]

اللهم صلي وسلم على اشرف الانبياء والمرسلين

صـح لسانك أخوي / ناصر
على هذه الرائعه ولا هنت يالغلا
طامعين دائماً بجديدك
كل الشكر وتقبـّل تحيتي

[الطائر المهاجر]

ملحمة رائعة من شاعر فحل
صح لسانك مليار ولا تكفي
ولا هان راسك
تحياتي

الله ... الله
مبدع في قصيدة راقيه
صح لسانك
ودي واحترامي

[حوريه]

الهواوي ...
أبيات رائعه من شاعر رائع
صح لسانكواحساااسك
دمت... وسلمت.......
000000

[داعي الشوق]

صح لسانك يا بو عبيد

ملحمة شاعرية وطنية

عانقة السحاب

لله دررررررررك يالهواوي

شاعر مبدع و رائع دائما

صح لسانك ملايييييين

تقديري لك مع الاحترام

،،،،،،،،،،،،،،،،،،