وجودي وجد عودٍ مارزقه الله مره و عيال ..

[سعد السحيمي]

بسم الله الرحمن الرحيم



السلام عليكم و رحمة الله و بركاته



اللهم صلي على محمد وعلى آله و صحبه أجميع



هذي اول مشاركه لي في هذا المنتدى الشامخ




واقبلوها كما هي و اعذرونا على القصور

دخولك فجأه بليا سلام ودون كيف الحال =تغـيـر نظـرتي فـيك و تغـير نظــرتك فــيني
لكن علمني اللي صـار لو برسالة الجوال =ترى دمي بغى ينشف ولا يوصل شراييني
تعال اقرب وعلمني وش الاخبار والاحوال =تعال و وسع الضيقه وكف الدمع من عيني
رفيقي يا عضيدي في الحشا بيتك و لك منزال=و مزاياك الجميله ما هي بوحده و ثنتيني
ولاادري وش جرالك في دقايق صار فيك هبال=نسيت العشره و خوة رجال العرف والدِيني
عســى رجــلٍ تسبب بالردى و القل و السلال=وعسى عمره قصير و مايعيش سنين و سنيني
ورجــــالٍ تسّـــمع فـي حــيــاتــه قـــولـــة الـــقـــوال=عساه ان عاش عمره عاش في فقرٍ وفي دَيني
اذا قيل الحزن صَخْره فنا صدري عليه جبال=واذا قيل الفرح نور البدر وينه وانا ويني
وجودي وجد عودٍ ما رزقه الله مره و عيال=وربعه هملوه وما مالقى غير الله يعيني
كفيف و لا بغى الحاجه هطل من عينه الهمال=معاق ومنوته في عيشته يمنى و رجليني
منول من شيوخ الارض و يقدم له الفنجال=وهذا الوقت ما يسكن سوا بيتٍ من الطيني
او وجود اليتيم اللي يذوق المر و الغربال=يقول انا شقيت و مالقيت احدٍ يواسيني
دخل في كوكب الحزن ويشوف من العذاب اشكال=واقل اللي يشوف من العنا مشرط و سكيني
ولا له لا رفيق ولا شقيق ولا عمام و خال=ضعيفٍ عايشٍ بين الفقارى و المساكيني
غــريه و الزمن وراني من العــالـمـيـن اهــوال=وعرفت من التجارب حتى لو العمر عشريني
انا خاويت في عمري كثير رجال و ابنا رجال=لكن اللي صفى في الضيق عشره من ملاييني

وسلامتكم




اخوكم / سعد السحيمي

[البابطين]

شكرا لإمتاعنا بإبداعك
لاهنت
تحياتي

[الطائر المهاجر]

وعليكم السلام
هلا بك سعد
في محلك وبين اخوانك
مصافحة جزلة من راس جول
صح لسانك
ولا هنت
شكرا لإنضمامك للفطاحله
سعدنا بتواجدك
ارجو مراجعة هذين الموضوعي لتتعرف علينا ولنتعرف عليك ولتتعرف على التعليمات
http://www.fatahilah.com/showthread.php?t=140
http://www.fatahilah.com/showthread.php?t=1969
مع أطيب تحياتي

[صعبة المنال]

نص شامخ

صح لسانك

صعوووب

[عبدالرحمن الغيثي]

صح لسانك واعتلى شأنك

[عبدالله السويلم]

صح لساااااااااااااااااااااااااااا نك
قصيده رائعه من شاعرٍ رائع

تحياتي لك

[الحسن]

قصيدة رآئعه
صح فكرك واحساسك
ولاهان راسك
تحيتي وتقديري

[الجطيلي]

جميل ما قرأته
من شعر جزل من فكر مبدع
لك شكري وامتناني
وخالص الود والتقدير

[داعي الشوق]

صح لساااااااانك مليووووووووون يالشاعر سعد

ولاهنت على الحضور الجميل و المصافحة الطيبة

شاعر معروف و مبدع و مميز

سعدنا بحضورك و انضمامك معنا أخي العزيز

و يا هلا بك و الف هلا

و صح لسانك مدد

********************

[عبدالله راشد الثويني]

يامرحبا بك يالغالي .. حياك ربي
سعداء بتواجدك وإنضمامك إلى اسرة منتدى الفطاحله
كما سعدنا بمعانقه هذا النص الرائع
صح لسانك ولا هنت
طامعين بجديدك دائماً
تقبـّـل تحيتي