قبل جرحك جروحي نازفات عطايب

[فواز الغسلان]

لاتـلـذذ بـجـرح(ن) للـضـمـاير تجيبه=قبل جرحك جروحي نازفات(ن) عطايب
اسهل الجرح جرح(ن) من جميل الذويبه=والمصيبه جروحـك من طعون القرايب
ذقت سهر الليالي لين يقرى خطيبه=من غبون(ن) تجيني من ربوعي وهايب
كنت احسب الحبايب ماتخلي حبيبه=ما تـبـدل عـهـــوده فــي جـمــيــــع الــنـــوايب
لين سـارت خــيــولــك لافـحــات الـسبـيـبه=وراح مـظـعـون حـبك فوق كور الركايب
ويل قلب الهواوي كان هذا نصيبه=ماحـســبــنـــا لـهـجـــرك يـاغـنــاتـي حـسـايب
جت جروحك وزادت لاهبي مع لهيبه=وهـجـر عينك رماني بالغثى والمصايب
طول عـمـري هـمـومـي للـضـمــايـر قـريـبـه=والفرح عن خـفـوقي طـول الايام غايب
لا بدت شـمس يومي تقترب من مغيبه=ذقت من سـهـر جـفـنـي بالظلام العجايب
يـجـتـمــع جــرح قـلـبي مع غبون الغليبه=لا سرى الناس جـتـني مثل وبل السحايب
كل ربـعـــي نـهـــونــي عــن مـوارد قـلـيـبـه=مـثــل نــاس(ن) رمـتـهـــم عـاصـفـات الهبايب
الـعـــذارى طـبـــوعـــه بـالـنــشــامــى غـريـبه=واكـثـر الـبـيض تفخر في جروح الحبايب
اسمع النصح لكن خاطري مارضي به=لين طاحت حـيــاتــي في دروب(ن) صعايب
ياعـنــود الـجــوازي في مسايل شعـيـبه=فـي ربـيــــع(ن) مزونه هاملات(ن)سكايب
الـشغايا زبــدهــا يـطــربــك في صبيبه=ما عـلـيها شبوك ولا عليها طلايب
مع هـبــوب الـشـمـالــي يـنــتـشـر ريح طيبه=مـنــوة اللي حــلالــه مـن خــيـــار النجايب
في ظلام الليالي يرهـبـك حــس ذيـبــه=تـشـكــي الـكـبـد جـوعــه بالوقوت القشايب
من بـنـــادق رجـــال(ن)تـطــرده فوق جـيبه=مايطيق البنادق عـقـب بـيــض الجنايب
الرعــــايــد تـهـــزه والـــعــواصــف تـريـــبــــه=والــعــــداوه قـــديــمــــه مــع عـطــيب الضرايب
وصف حبك بقلبي صار مايـنـحـكي بـه=وهجر عينك جـرحـنــي في سلاح الكتايب
كل جرح(ن) بقلبي شوفـتـك هي طبيبه=كـيــف تـمـنـع علاجك عن غـمـيق الصوايب
ويل قلب(ن) حبيبه بالحـرايـب طـلـيـبــه=راح قـلـبـه لــغــيــــره بالـمـعــارك كـسايب
عن سلاح الـسـريــه ذاق نــار الـكـتـيـبـه=وعن سـمــوم الـقـوايل طاح وسط اللهايب
طـول ليلي سهير(ن) مثل عـيــن الـرقـيـبــه=والـعـــواذل هـروجــه تودع القلب ذايب
مثل راعي نـيــاق(ن)عـيـشـتـــه من حـلـيـبـه=وراح ذوده لقومن في لهيب الحرايب
سهر عـيــن الـهـــواوي ياغـنــاتــي ضـريـبـه=تـفـقــــد النوم عينك بالليالي غصايب
عقب حبك لـقـلـبــي ماهقيتك تصيبه=ليش سقت الـوعــايـد دام زملك زهايب
رحت غــازي وطــاحــت نـصف ساقي حطيبه=وضاع قلبي وروحي مع رموشك نهايب
كـنــت اراجــي غرام(ن)خافـقـــي يـهـتـني به=وعن قــراح الـمـحـبـه صار شربي سرايب
اشـهــد انــي طـريح(ن) وان روحي تعيبه=وان كذبك رمـانـي حـول عــوج النصايب
وان غــدرك بـقـلــبــي حـكــم ربي حـسـيـبه=وصدق قلبي جزيته في وعود وكذايب
دام هــذي طـبـــوعــك حـبـكـم وش نبي به=راحل(ن) والضماير في جروح(ن)رهايب
نرتـحــل عن نزولك ياعــنـود(ن) غـريــبــــه=مع جروح(ن)بقلبي كنت فيها السبايب

[عبدالعزيز البليهد]

الله عليك يابن غسلان قلبك خضر
صح لسانك وطاب فالك

[ناصر عبيد الهواوي]

يسعدني ان اكون اول مطلع تقريبا على هذة المعلقة الرائعة حقا صح لسا نك
واعتلى شانك وسلم جنانك

[الأموره]

الغسلآن ..~

مبدع أنتَ أخي الكريم ..~

صح لسـآنك ملايين ..~

سلمت و سلم فكرك ..~

ألف شكر لك ..~

دمت برعآية الخاآلق ..~

فاتنه ياابن غسلان


مليااااار صح لسانك عليها ..



لاهنت




إحترامي

[حوريه]

شاعرنا ..فواااز الغسلاااان

صح قلبك على هذه الباسقه الجميله

دااام نبضك وحرفك ولاهنت

[ام العمده]

فواز الغسلان

الله الله الله

صح لسانك واعتلا شانك

لاهان راسك

رائعه من روائعك

نثرت هنا شعراّ جميل

تحياتي وتقديري

[حي الضمير]

مدد بلا عدد صح لساااااااانك يافواز الغسلان
شاعر كبير ومتمكن والحقيقة قصائدك تطرب المسامع
وهناااااااا ابدعت كعادتك يامميز

باسقة تستحق الوقوف عندها

لله درك لله درك

فواز الغسلان

سلمت وصح لسانك

ودي

شذى

[دايود صالح الخلف]

العـذارى طبوعـه بالنشامـى غريبـه
واكثر البيض تفخر في جروح الحبايـب


ابن غسـلان


صح الله لسانك

واعتلى شانك

ولاهنت

رائعه كـ اخواتها من القصائد الاخـرى


لك ودي واحترآمي