البحر والزورق

[منصور بن ملك]

صرخت بروح عطشانه"="سمعني كل جيرانه
انا غارق وسط بحر(ن)"="ظلام الحوت سكانه
على سطحه مشى زورق"="خدعه وحطم اركانه
من الشاطي نوى غدره "=طلب اسمه وعنوانه
سرى به موجه الهادي"="محرك كل اشجانه
ضحك له ووعده يوفي"="ويدفن ماضي احزانه
وثق به وابتسم حزنه"="وعطاه اسرار ربانه
نسي ان البحر يغدر"="وكم عشاق غرقانه
سبايب ضحكة امواجه"="من اجل اعيون فتانه
دقايق ثارت امواجه"="بدا غدره وهجرانه
هوى واعيون ربانه"="من الاحداث حيرانه
اذا به يشتعل حرقه"="قهر ويثور بركانه
وموج البحرمن فوقه"="ظهر بالوسط دخانه
حلف انه يبخرماه"="ولوتحرقه نيرانه
جزاله يحرق احشائه"="ويفني كل سكانه
وهاذي قصه لعاشق"="وقع في حب انسانه
انا زورق وخلي بحر"="خدعني بنظرة اعيانه"

[عيدالماجد]

الف مليون بل مليار صح لسانك قصيده عذبه كعذوبة شاعرها

[الطامي]

بن ملك
صح السانك ملايين
جزلة وطيبه
لاهنت

[داعي الشوق]

صح لسانك يالشاعر منصور

لو أن نوعية الخط لم تساعد في ايضاح بعض الكلمات

لكن تبقى شاعر رائع يا بن ملك

وصح لسانك مدد

مع التحية لك و التقدير

،،،،،،،،،،،،،،،،،،،،،،،،

[صعبة المنال]

صح لسانك

وافية

صعوووووووووووووب

[عبدالله راشد الثويني]

شاعر جزل . صح لسانك وعلى شانك
أبدعت يالغالي نص يفوق الجمال
كل الشكر وتقبـّل وُدي
والعتب على نوع الخط

[منيع]

ابيات رائعه
بارك الله فيكم
تحياتي

[عايد ربيع الحويطي]

ابن ملك
ارفع العقال لابداعك هنا

تحيتي

[ترانيم المطر]

بن ملك
صح السانك ملايين
جزلة وطيبه
لاهنت

[عدنان كريزم]

صح لسانك ولا هنت يالغالي